SISIKON NU TO RASUL-RASUL 9:15 - KITAB NU TUMPU ALLA LELE MA'IMAI'

¹⁵ Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

SISIKON NU TO RASUL-RASUL 9:15 ပူးပေါင်းရင်းမြစ်များ

YEREMIA 1:5

“Ma'isa pe'e Aku nontali' beleyum i uno nu ma'alum nu tina nu beleyum, ka' ma'isa pe'e beleyum ihampe, pinile'an-Kumo ka' ihangkat-Kumo na beleyum da bau nabi nu to bansa-bansa.”

YEREMIA 1:7

Panyo tinaaman nu Tumpu, “Boli otaloakon beleyum daagi' anak. De Aku na monsai beleyum maumo pa' hihe na kalambanan, beleyum tionyo ahi' mamba ka' iwi-iwi' na anu Ku palentahkon tionyo ahi' nu poto'i nu beleyum hi aha.

MATIUS 10:18

Komiu tionyo oboa i ahop nu anu batu-batu ko kuasa ka' to tomu-tomundo', kalana komiu anu saja' mombatuki Aku. Ka' aijo' na kasampatan hi komiu da mombee' katalangan mongkona aku hi aha, ka' hi to mia-mian anu madi' monsumbu' Tumpu.

YOHANES 15:16

Misa' komiu na nompile'i Aku. Aku na nompile'i komiu, ka' nompokau komiu mamba da mimbua' mahampe – bua-bua' anu madi' ko kapa'idekannyo. Sahingga nubee'je i Tuuma hi komiu mau mule' apaa na anu opoita miu hi Ia de mompake sanggong-Ku.

SISIKON NU TO RASUL-RASUL 13:2

Tempo'nyo aha hau-haunyomo mogaleja hi Tumpu ka' bapuasa', Roh nu Tumpu notatae hi aha, “Pile'imo na i Barnabas ka' i Saulus, da mokalaja hi beleng-Ku da aha mokalaja anu tinantukankumo hi aha.”

SISIKON NU TO RASUL-RASUL 21:19

Noko tabea'i aha, i Paulus nonsisikakonmo hi aha iwi-iwi' na apaa anu binaunyomo nolengkat mae hi Tumpu toka hi to mia-mian anu misa' Yahudi.

SISIKON NU TO RASUL-RASUL 22:14

Lapas aitu ia notataemo hi belengku, ‘Tumpu mompolee'to nompile'imo beleyum, da beleyum monsumbu' pongka'oho'-Nyo, ka' montoa i Yesus Posaihon nu Tumpu ka' mohongo posi potatae i Yesus.

SISIKON NU TO RASUL-RASUL 22:21

Panyo Tumpu po'ule' notatae hi belengku, ‘Sampamo lako', kalana Aku monsaimo beleyum mamba mokiijo' i tampat anu majo'on hi aha to mia-mian anu misa' Yahudi.’ ”

SISIKON NU TO RASUL-RASUL 25:22

Lantas i Agripa notatae hi Festus, “Aku kahanda' mohongo mian aijo'.” “Dodop kita Tuan mohongoje,” tinaaman i Festus.

SISIKON NU TO RASUL-RASUL 26:1

I Agripa notatae hi Paulus, “Beleyum opobee' motatae da mompototu'u kahondoan nu butongum.” Sahingga i Paulus nohangkat limanyo lantas nompotoka pompototu'u butongnyo sumo uuka.

SISIKON NU TO RASUL-RASUL 26:32

Lantas i Agripa notataemo hi Festus, “Mian aiya timbalimo opobebas, de ia madi' montuntut palakalanyo oputusi nu Tomundo.”

SISIKON NU TO RASUL-RASUL 27:24

Malaikat aijo' notatae, ‘Boli mabuhuk, Paulus! Kalana beleyum mangadapmo hi Tomundo'. Ka' kalana kanonongan nu Tumpu Allah hi beleyum, iwi-iwi' na mian anu tinalabut tiba beleyum salamat, kalana beleyum.’

SISIKON NU TO RASUL-RASUL 28:17

Salatan tinolun sinaamo, i Paulus nolagamo to tu'a-tu'anyo mian nu Yahudi i tampat aijo'. Ka' salatan sinihukmo na aha, ia notataemo hi aha, “To Utu-utus! Aku madi' ko sala' apa-apaa hi bansanto, kabai noolanggaimo adat kabiasa'an anu tinalima lengkat mae hi mompolee'to. Mau sumo aitu aku i hakop i Yerusalem ka' binee' hi to mia-mian nu Roma.

SISIKON NU TO RASUL-RASUL 28:28

Ahennyo i Paulus notatae, “To Utu-utus tionyo monsumbu' saba' lele mongkona kasalamatan anu lengkat mae hi Tumpu uuka pinolelemo i to bansa-bansa sangga'at anu misa' Yahudi. Aha tionyo montuluti!” [

ROMA 1:1

To Utu-utus iwi-iwi' i Roma anu nunukalibosi nu Tumpu ka' anu ilagamo nu Tumpu da timbali mian-Nyo anu palesayamo. Tumpu nompile'imo ka' nongangkatmo aku samata-mata da mompolele Lele Ma'ima' lengkat mae hi Tumpu.

ROMA 1:5

Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

ROMA 11:13

Panyo uuka aiya lebe ma'ima' aku basisik hi to Utu-utus anu misa' Yahudi! Sapinnyo uuka, salaku Rasul hi to bansa-bansa anu misa' Yahudi, aku talalo hondo mongangga'i kalajangku.

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

1 KORINTUS 9:16

Kalana de aijo' ola han mompolele Lele Ma'ima' lengkat mae hi Tumpu, tantu aku madi' ko hak kobubuun, kalana Tumpu nompalentahmo aku, da mompojalan aijo'. Silaka na aku de aku madi' mompolele Lele Ma'ima' aijo'!

GALATIA 1:1

To Utu-utus jama-jama'at i da'erah Galatia, Aku, i Paulus, ka' iwi-iwi' moto utus Kristen anu tiba aku, montaha'imani ka' o amalakon da Tumpu Tuumanto ka' Tumpu Yesus Kristus mombee'i balakat ka'ima'an hi komiu. Aku tinimbali rasul misa' ola pongka'oho' nu manusia kabai kalana i hangkat nu manusia, panyo i Yesus Kristus ka' Tumpu Allah Tuumanto anu nompo'ule'mo nompotumuu' Ia sinilaka.

EFESUS 3:1

Mokonyo aijo' aku, i Paulus, tinalungku'mo kalana i Kristus Yesus bau kapentingan kona hi komiu anu misa' Yahudi.

1 TIMOTIUS 2:7

Ka' aijo'mo na sababnyo aku pinokau namba hi to mia-mian anu misa' Yahudi da mompolele hi aha lele mongkona kapalesaya'an anu totu'u. Anu pinotoingkumo aiya, memang totu'u, aku madi' baleko'.

2 TIMOTIUS 1:11

Da Lele Ma'ima' aijo' opolele Tumpu nohangkatmo aku da tinimbali rasul ka' gulu'.

2 TIMOTIUS 2:4

Samian na suludadu anu hau-haunyo mokalaja, madi' momposibuk butongnyo nu posi ulusannyo, saba' ia mongkahanda'i momposanang kinyonyoa nu kapalanyo.

ANU PINOTO'I HI YOHANES 17:14

Aha mahampateje mongewa Anak nu Domba aijo'. Panyo Anak nu Domba aijo' tiba anu saja' mombatuki Ia, anu tulu-tulutan hondo ka' anu ilaga-Nyomo ka' pinile'an-Nyomo aijo' na mompatundu' tomundo haha aijo', kalana Iamo na Tumpu nu iwi-iwi na Tuan, ka' Tomundo nu iwi-iwi na to tomu-tomundo.”