SISIKON NU TO RASUL-RASUL 9:10 - KITAB NU TUMPU ALLA LELE MA'IMAI'

¹⁰ I Damsyik daagi' ko samian anu saja' mombatuki Tumpu Yesus sanggonyo i Ananias. Daagi' ko sa'angu' na tempo' ia nontoa, Tumpu nontaloakon hi ia. Tumpu notatae, “Ananias!” Tinaaman i Ananias, “Aku, Tumpu.”

SISIKON NU TO RASUL-RASUL 9:10 ပူးပေါင်းရင်းမြစ်များ

KAJADIAN 14:15

Ikiijo' mae i Abram nombagimo to mia-miannyo pinaha tompu-tompuknyo lantas nontumbuhimo sampobali' nu aha pihi-pihi ka' nompatundu'mo aha. Ia nololoi'mo aha tinoka-toka kiijo' mae i Hoba sasu utara kota Damsyik.

KAJADIAN 22:1

Ma'isa talalo pinin ilapas na aijo' Tumpu Allah nonguji'mo pa' totu-totu'u i Abraham tulu-tulutan. Tumpu Allah nolagamo, “Abraham!” Lantas tinaamanmo i Abraham, “Apaa, Tumpu.”

KAJADIAN 31:11

Ka' Tumpu Allah nimbalu-balu' sumo malaekat binasisikmo tiba aku i uno nu ipion aijo'. Ia notatae, 'Yakub!' Tinaamanku, 'Apaa'.

2 SAMUEL 15:26

Panyo de Tumpu madi'mo mongka'ima'i aku, yo yayamo ahi' pa' mosia na pongka'oho'-Nyo hi butongku aiya.”

NOSABATMO 3:4

Tumpu nontoamo i Musa nongohanimo tampat aijo', lantas Ia notataemo daka-daka' lengkat mae aijo' i totonga' nu hemput aijo', “Musa! Musa!” “Aku aiya”, tinaaman i Musa.

YESAYA 6:8

Lantas ihongongkumo na potatae nu Tumpu nompoto'i, “Ihe na Kusai? Ihe na momboa lele lengkat aiya hi kita?” Tinaamankumo, “Aiya na aku. Saimo mae na aku!”

DANIEL 2:19

Pihi-pihi aijo' suele Tumpu nompoto'imo lahasia aijo' hi Daniel i sa'angu' na han anu tinoa. Sahingga i Daniel nompuji'mo Tumpu kiita i suluga,

NOMBILANGMO 12:6

lantas Tumpu notataemo, “Potombihing mae na potataeng-Ku aiya! De daagi' ko anu aiya hi belemiu samian na nabi, Ku potoamo na butong-Ku hi ia da saja' otoa, ka' basisik tiba ia i uno nu ipion.

SISIKON NU TO RASUL-RASUL 10:3

Daagi' kino sansinaan kila-kila jam totolu' ohanimo mopatas ia nontoa manasa hondo samian na Malaikat nu Tumpu tinoka ka' nolaga ia, “Kornelius!”

SISIKON NU TO RASUL-RASUL 11:5

“Aku hau-haunyo balado'a i kota Yope, lantas aku nontoa sa'angu' na anu tinoa. Aku nontoa daagi' ko apa-apaa anu sumo hude sambotu' anu bolaa tinau'akon lengkat i langit, pino kalayo' i opat na pasu'nyo, lapas aijo' binelentimo i sohipi'ku.

SISIKON NU TO RASUL-RASUL 12:9

Sahingga i Petrus nombatukimo malaikat aijo' nosabat lengkat i talungku'. Panyo i Petrus madi' monsumbu' apaa na anu hau-haunyo binaumo nu malaikat aijo' memang hahan anu totu-totu'u jinadimo. I Petrus nonsangka aijo' ola han anu kinohiabakon.

SISIKON NU TO RASUL-RASUL 16:10

Salatan i Paulus nontoa anu tinoa aijo', kami balo nosadia namba mokiijo' i Makedonia. Kalana kami nompalesayamo totu-totu'u taalu' Tumpu nonsaimo kami, sahingga kami nongala sa'angu' na kaputusan mamba mompolele Lele Ma'ima' hi to mia-mian kiijo' mae.

SISIKON NU TO RASUL-RASUL 16:9

Pihi-pihinyo i kiijo', i Troas, ko anu tinoa i Paulus. I uno nu anu tinoanyo aijo', ia nontoa samian na mian nu Makedonia tinuminjo i ahopnyo ka' pagala nongkakase da ia mamba mokiijo' i Makedonia da montulungi aha.

SISIKON NU TO RASUL-RASUL 18:9

Daagi' kino sampahuan, i uno nu anu tinoa, Tumpu notatae hi Paulus, “Boli mabuhuk! Sampamo potatae boli momohokot.

SISIKON NU TO RASUL-RASUL 2:17

Tumpu notatae, ‘Tempo'nyo sinaa aiya mae imihinyo kulambe'akonje na Roh-Ku hi iwi-iwi' na mian. Ana-anakum anu to momo'ane ka' ana-anakum to bouboune mompoto'ije hi komiu hahan anu Ku poto'i hi aha. To mia-mian olitau miu montoaje hahan anu Ku poto'i hi aha. To mia-mian tu'anyo miu mongipije mongkona ipion anu Ku poto'i hi aha.

SISIKON NU TO RASUL-RASUL 22:12

I kiijo' daagi' ko samian sanggonyo i Ananias. Ia samian na anu pa' agama ka' mohongo-hongo montuluti palentah i Musa. Iwi-iwi' mian nu Yahudi anu jojoong i Damsyik mongadati hondo ia.

SISIKON NU TO RASUL-RASUL 9:12

daagi' ko sa'angu' na tempo' ia nontoa samian na mo'ane, sanggonyo i Ananias, tinoka hi ia ka' nompotiik lima i buan nu ubaknyo da ia po'ule' montoa.”

SISIKON NU TO RASUL-RASUL 9:9

Tinolun sinaa na kopinnyo ia madi'mo daagi' noko ala nontoa ka' sapinnyo aijo' ia madi'mo toho' nongkaan kabai monginum.

2 KORINTUS 11:32

Tempo'nyo aku kiijo' i Damsyik, gubernur anu mompalentah i kiijo' i aluk nu kapalentahan i Tomundo Aretas, nompalentah suludadu monjagai tumban nu kota aijo' da mohakop aku.

GALATIA 1:17

Aku madi' mule' namba hi to mia-mian i Yerusalem anu tinongkohimoonamo tinimbali rasul. Panyo aku inamba i lipu' nu Arab, ka' lengkat mae i kiijo' po'ule' mule' ninsusule' mae i Damsyik.

1 SAMUEL 3:4

Tumpu nolagamo i Samuel lantas tinaamanmo i Samuel, “Apaa kita Tuumangku!”