SISIKON NU TO RASUL-RASUL 8:7 - KITAB NU TUMPU ALLA LELE MA'IMAI'

⁷ Kalana to roh-roh ma'idek nosabatmo ka' naha kihisanmo nompala'imo mian da'isan anu pininsoopanmo nu setan. To mia-mian kapi' ka' pengko da'isan na anu pino'alinmo.

SISIKON NU TO RASUL-RASUL 8:7 ပူးပေါင်းရင်းမြစ်များ

YESAYA 35:6

Mian anu kinapi'mo maha lumpatanmo susumo jonga, mian anu imomo'mo lewa'mo molo ais kalana ilame'mo. Kalana mata nu uee lubatmo ipadang tampat anu mateges, kaunyo mo ilimo ipadang tampat anu ewa.

MATIUS 10:1

Daagi' ko sansinaan i Yesus nolaga sampulu' ka' ohua' na mian anu saja' mombatuki Ia da sinilimu'. Lantas Ia nombee'i kuasa hi aha da molaa' to roh-roh ma'idek, ka' mompa'alin iwi-iwi' na panyakit, ka' iwi-iwi' na butong anu madi' sampa'.

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

MATIUS 4:24

Lele mongkona i Yesus aijo' tinolelemo i songko-songko na tano' Siria, sahingga manjoo' na mian tinoka hi Ia. Aha nomboamo mae to mia-mian anu mongoa'i manjoo' na lupa-lupa nu panyakit tiba kasusa'an. To mia-mian anu pininsoopanmo nu roh ma'idek, anu mongkingkimi ka' anu lupe, iwi-iwi' pina'alin i Yesus.

MARKUS 9:26

Roh ma'idek aijo' noloboo', lantas nombau butong nu anak aijo' i hojok, lapas aijo' nosabatmo lengkat hi anak aijo'. Anak aijo' otoa sumomo bangke' sahingga iwi-iwi' na mian notatae, “Ia sinilakamo!”

LUKAS 10:17

Anu saja' mombatuki aha pitumpulu' aijo' binilahimo hondo mae na ninsusule'. “Tumpu,” tukoonyo nu aha, “to roh-roh ma'idek mohongo-hongo kami, de kami mompalentah aha mompake sanggo nu Tumpu!”

YOHANES 14:12

Totu'u hondo na potataeng-Ku aiya: Mian anu palesaya hi beleng-Ku tionyo mombau apaa na anu binaung-Kumo, – aitu pe'e ia tionyo mombau anu lebe daka' mule' – kalana aku mamba hi Tuuma.

SISIKON NU TO RASUL-RASUL 5:16

Mojonjulu na to mia-mian toka lengkat mae i kota-kota anu ohani i Yerusalem. Aha momboa to mia-mian masakit ka' anu pininsoopanmo nu to roh-roh ma'idek. Ka' to mia-mian haha aijo' pina'alinmo iwi-iwi'.

SISIKON NU TO RASUL-RASUL 8:6

Salatan to mia-mian nohongomo i Filipus notatae ka' aha nontoamo hahan anu okabangangi binaunyo, da'isan na anu aijo' hi aha nompalahatikanmo apaa na anu tinaloakon i Filipus.

IBRANI 2:4

Ka' mumle' Tumpu nompaka pototu'umo apaa na anu sinakisianmo nu mian haha aijo', aijo'mo Tumpu nombaumo iwi-iwi' nu ngahan anu okabangangi ka' hahan anu madi' ko gampanyo ka' posi pongka'oho'-Nyo na nombagi-bagiakonmo to bala-balakat nu Roh nu Tumpu.