SISIKON NU TO RASUL-RASUL 8:40 - KITAB NU TUMPU ALLA LELE MA'IMAI'

⁴⁰ Padahan i Filipus noko kiijo'mo i Asdod. Ka' salatan ia nolausakonmo lumambanannyo, ia mompolelemo Lele Ma'ima' mongkona i Yesus i songko-songko na kota sampe tinoka i Kaisarea.

SISIKON NU TO RASUL-RASUL 8:40 ပူးပေါင်းရင်းမြစ်များ

ZAKHARIA 9:6

Asdod nu jojoongimo nu to mia-mian anu lengkat mae i bansa anu nogogalo'anmo. Tumpu notatae, “Mian nu Filistin anu talalo buulon Ku pateimo.

SISIKON NU TO RASUL-RASUL 10:1

I Kaisarea daagi' ko samian na mo'ane sanggonyo i Kornelius. Ia samian na kapiteng nu “Tompukan nu Suludadu nu Italia.”

SISIKON NU TO RASUL-RASUL 10:24

Sinansinaa aha tinokaje i Kaisarea. I kiijo' mae aha saja'mo tinanda'an i Kornelius tiba to Utu-utusnyo ka' to sanga-sangalunyo anu mompahakanaya anu i laganyomo.

SISIKON NU TO RASUL-RASUL 11:11

Tempo'nyo aitu mule' aha totolu' na mian lengkat i Kaisarea, anu sinai mae hi belengku tinoka i laigan i tampat kinasonsoo'anku.

SISIKON NU TO RASUL-RASUL 12:19

Lantas i Herodes nonsai mian molio i Petrus, panyo aha madi' nompahakabot ia. Jadi i Herodes nompalentahkonmo da aha anu nonjagai aijo' lewa' o pokilawa ka' o pateimo. Lapas aitu i Herodes namba lengkat i Yudea ka' jinojoong tino pia-pia manga i Kaisarea.

SISIKON NU TO RASUL-RASUL 18:22

Salatan nintatau' i Kaisarea, ia nambamo nokiijo' i Yerusalem da montabea'i jama'at i kiijo', lantas lau-laus nokiijo' i Antiokhia.

SISIKON NU TO RASUL-RASUL 21:16

To pia-piangkuka na aha utus lengkat i Kaisarea namba suele nohingga-hinggat tiba kami da molaya' kami mokiijo' i laigan hi Manason, kalana i laigannyo na kasonso'an mami. (I Manason atina'mo na mian nu Siprus anu pininmo na tinimbali anu saja' mombatuki Yesus.)

SISIKON NU TO RASUL-RASUL 21:8

Dodododopnyo kami namba mule', lantas tinokamo i Kaisarea. I kiijo' kami namba hi Gulu Injin sanggonyo i Filipus, lantas jinojoong i laigannyo. Ia sala'samian aha anu popitu' na mian anu pinile'an kiijo' i Yerusalem.

SISIKON NU TO RASUL-RASUL 23:23

Lapas aitu kapala nu suludadu nolagamo ua'aha na suludadu, lantas ia notatae hi aha, “Posadia ua'atu na suludadu tiba pitumpulu' na suludadu sumake' ajahan ka'ua'atu na suludadu mintoongon talombo' mamba jam osio' pihi aiya mokiijo' i Kaisarea.

SISIKON NU TO RASUL-RASUL 23:33

Salatan pasukan anu sinumake' i ajahan aijo' tinokamo i Kaisarea, aha nombee'mo sulat aijo' hi gubernur, lantas i Paulus binee'mo hi ia.

SISIKON NU TO RASUL-RASUL 25:1

Salatan tinolun sinaamo na i Festus tinoka i tano' aijo', ia nambamo lengkat i Kaisarea nokiijo'mo i Yerusalem.

SISIKON NU TO RASUL-RASUL 25:13

Madi' pinin lapas aijo', i Tomundo' Agripa ka' i Bernike tinokamo i Kaisarea da singkabot i Festus.

SISIKON NU TO RASUL-RASUL 25:4

Panyo tinaaman i Festus, “I Paulus kiijo' tinalungku'mo i Kaisarea; ka' aku mule' madi'mo pin po'ule'mo minsusule' mokiijo'.

SISIKON NU TO RASUL-RASUL 25:6

Salatan jinojoong kila-kila inguwalun sinaamo i Yerusalem kabai sinampulu'anmo, i Festus ninsusule'mo nokiijo' i Kaisarea. Dodododopnyo ia nombaumo ulusan momputusi ka' mompalentahkon da i Paulus oboa mae mangadap.

SISIKON NU TO RASUL-RASUL 8:25

Noko lapas na aha nombee'i katalangan ka' nompotoka potatae nu Tumpu, i Petrus ka' i Yohanes ninsusule'mo i Yerusalem. Ka' manjoo' na to kampu-kampung i lambanan nu aha aijo' nompotoka Lele Ma'ima' i Samaria.

SISIKON NU TO RASUL-RASUL 9:30

Salatan to mia-mian palesaya sangga'atannyo nonsumbu'mo mongkona han aijo', aha nomboa i Saulus nokiijo' i Kaisarea, lapas aitu nonsai ia nokiijo' i Tarsus.

ROMA 15:19

ka' mule' tiba hahan anu okabangangi ka' anu ma'isa toho' tinimbali; iwi-iwi' aijo' kalana kuasa nu Roh nu Tumpu Allah. Lele Ma'ima' mongkona i Kristus pinolelengkumo iwi-iwi' hi to mia-mian nolengkat pe'e mae i Yerusalem tinoka-toka i Ilirikum.

YOSUA 11:22

Mau pe'e ola samian na bansa Enak aijo' madi'mo daagi' ko anu tinontuha i da'erah Israel, ola kiijo' i Gaza, Gad ka' Asdod na daagi'.

1 SAMUEL 5:1

Salatan ingagoanmo nu aha mian Filistin na Peti' Palajanjian nu Tumpu Allah, lantas binoamo nu aha lengkat mae i Eben-Heizer namba i kota Asdod.