SISIKON NU TO RASUL-RASUL 8:4 - KITAB NU TUMPU ALLA LELE MA'IMAI'

⁴ To mia-mian palesaya anu noga'a-ga'atmo aijo' noleleakonmo Lele Ma'ima' lengkat mae hi Tumpu aijo' iyaya mae.

SISIKON NU TO RASUL-RASUL 8:4 ပူးပေါင်းရင်းမြစ်များ

MATIUS 10:23

De komiu osansala i sala'sa'angu' na kota, popadeka' mamba i kota sangga'at. Ku poto'i hi beleyum: Ma'isa pe'e komiu moko lambani iwi-iwi' na to kota-kota Israel, Anak nu Mian tokamo.

LUKAS 1:2

Aha nontulis sosok tiba apaa na anu sinisikakon hi kita nu to mia-mian anu pinosi toanyo na hahan aijo' lengkat pe'e i momonanyo, ka' lapas mae nompolele lelenyo.

SISIKON NU TO RASUL-RASUL 11:19

Lapas i Stefanus pinatean, to mia-mian anu palesayamo hi Yesus mulaimo saja' iloloi', sahingga aha noga'a-ga'atmo iyayamae. Daagi' ko anu nalai sampe tinoka i Fenisia, ka' daagi' mule' ko anu tinoka kiijo' mae i Siprus ka' i Antiokhia. Aha nompolele lele anu lengkat hi Tumpu ola hi to mia-mian nu Yahudi.

SISIKON NU TO RASUL-RASUL 15:35

I Paulus ka' i Barnabas suele jinojoong tino pia-pia manga na kopinnyo i Antiokhia. I kiijo' mae aha nongajan ka' nompolele potatae nu Tumpu nohingga-hinggat tiba mian da'isan sangga'at.

SISIKON NU TO RASUL-RASUL 8:1

Ka' i Saulus suele sinanangmo kalana mian aijo' pinateanmo. Sinaa aitu mule' jama'at i Yerusalem mulaimo saja' o loloi', sahingga iwi-iwi' mian anu palesayamo, me sambiha'nyo to rasul-rasul, noga'a-ga'atmo nokiijo' i songko-songko na tano' nu i Yudea ka' i Samaria.

SISIKON NU TO RASUL-RASUL 8:12

Panyo i Filipus nompolele hi aha mongkona Lele Ma'ima', mosia na Tumpu mompalentah sumo Tomundo ka' mongkona i Yesus Kristus, Tomundo anu Momposalamat aijo'. Sahingga aha pinalesayamo i lele anu pinotokakon i Filipus, lantas aha pinalamandikanmo mau mian to momo'ane mau pe'e mian to bouboune.

1 TESALONIKA 2:2

Komiu monsumbu' saba' ma'isa pe'e kami tinoka hi komiu i Tesalonika, kami po'ule'mo kinabisa'an ka' pinopo'ambang kiijo' mae i Filipi. Panyo mau mule' manjoo' na mian mombahakon kami, Tumpunto nombee'imo kami kabaanian da mompolele hi komiu Lele Ma'ima' anu lengkat mae hi Ia.