SISIKON NU TO RASUL-RASUL 8:35 - KITAB NU TUMPU ALLA LELE MA'IMAI'

³⁵ Sahingga i Filipus mule' mulaimo notatae; ia nompake aya-ayat aijo' salaku pontampu'uni da moleleakonmo Lele Ma'ima' mongkona i Yesus hi anu ko pangkat matangkas aijo'.

SISIKON NU TO RASUL-RASUL 8:35 ပူးပေါင်းရင်းမြစ်များ

MATIUS 5:2

lantas Ia nontampu'unimo nongajan aha:

LUKAS 24:27

Lapas aijo' i Yesus nontutuhakonmo hi aha apaa na anu tinulis i uno nu ingko-ingkot Kitab nu Tumpu mongkona butong-Nyo, lengkat pe'e i Kitab-kitab i Musa ka' kitab nu to nabi-nabi.

SISIKON NU TO RASUL-RASUL 10:34

Lantas i Petrus notatae, “Uuka aiya aku totu-totu'u sininsumbu'mo taalu' Tumpu mombau iwi-iwi' mian pokakana.

SISIKON NU TO RASUL-RASUL 11:20

Panyo daagi' ko anu hi aha to mia-mian anu palesayamo aijo', anu nolengkat mae i Siprus ka' i Kirene, daagi' mule' ko to mia-mian anu namba nokiijo' i Antiokhia ka' nompolele Lele Ma'ima' mongkona i Yesus aijo' hi to mia-mian anu madi' bala agama Yahudi.

SISIKON NU TO RASUL-RASUL 17:18

To gulu-gulu' anu mombatuki pangajalan i Epikuros ka' mombatuki pangajalan i Stoa pinainggaga suele tiba ia. To pia-piangkuka lengkat hi aha notatae, “Apaa na nusumbu' nu mian aiya? Kapandeannyo ola sangkiding, panyo ia manjoo' na potatae!” To pia-piangkuka anu sangga'atannyo notatae, “Kugantang ia mompolele mongkona to pilo-pilogot nu bansa sangga'at.” Aha notatae sumo aitu, kalana i Paulus monsisik mongkona i Yesus ka' mongkona anu mate po'ule' tumuu'.

SISIKON NU TO RASUL-RASUL 18:28

Kalana kapandean i Apolos motatae sahingga i hungku'annyo na to mia-mian Yahudi i uno nu painggagaan i ahop nu mian da'isan. Ka' ia nompobukuti' nu to ayat-ayat nu Kitab nu Tumpu Allah onyi'nyo i Yesusmo na Tomundo' anu Momposalamat anu jina-jinanji'mo.

SISIKON NU TO RASUL-RASUL 19:13

Daagi' ko to pia-piangkuka na sando nu Yahudi anu namba iyaya mae, molaa' roh ma'idek hi to mia-mian. To sando-sando haha aijo' monsoba-soba suele mompake sanggo nu Tumpu Yesus da molaa' roh nu setan aijo'. Aha notatae hi roh-roh nu setan aijo', “Tiba sanggo i Yesus anu pinolele i Paulus aijo', aku molaa' komiu!”

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

SISIKON NU TO RASUL-RASUL 3:20

Tumpu tokaje hi komiu da komiu mongoa'ije kasanangan kalana kapalesaya'an. Ka' Tumpu monsaije i Yesus hi komiu, kalana Ia tinantukanmo nu Tumpu timbali Tomundo anu Momposalamat hi komiu.

SISIKON NU TO RASUL-RASUL 5:42

Ka' sansina-sinaa i Laigan nu Tumpu ka' i to lai-laigan nu mian mongajan ka' mompolele Lele Ma'ima' mongkona i Yesus tukoonyo nu aha Iamo na Tomundo anu Momposalamat anu jina-jinanji'mo aijo'.

SISIKON NU TO RASUL-RASUL 8:34

Anu ko pangkat matangkas lengkat i Etiopia aitu notatae hi Filipus, “Soba poto'iakon mae hi belengku, ihe na anu nu patui nu nabi aiya? Posi butongnyo kabai mian sangga'at?”

SISIKON NU TO RASUL-RASUL 9:20

Ia lau-laus namba nokiijo' i to lai-laigan pogalejaan ka' mulai nompolele tukoonyo i Yesus aijo'mo na Anak nu Tumpu.

1 KORINTUS 1:23

Panyo kita aiya ola mompolele i Kristus anu sinilakamo sinalib. Lele aijo' momposumpu kinyonyoa nu mian Yahudi, ka' osangka palasuma nu to mia-mian misa' Yahudi. Ka' mian anu misa' Yahudi monsangka aijo' sa'angu' na kaponga'an.

1 KORINTUS 2:2

Kalana aku binalaniatmo mau sangkuka na kopinnyo na aku jojoong hingga-hinggat tiba komiu, aku madi' monsisik apa-apaa de misa' anu mongkona i Yesus Kristus; anu sini-sinilakamo sinalib.

2 KORINTUS 6:11

To Utu-utus anu okanonongi i Korintus! Ilosutmo mami sala'balo hi komiu. Iwi-iwi' isi nu kinyonyoa mami tinaeyakonmo mami.

EFESUS 4:21

Komiu nohongomo mongkona Ia! Ka' salaku anu saja' mombatuki Ia, komiu pinogulu'mo singkona mongkona sipat-sipat nu Tumpu anu daagi' hi Ia!