SISIKON NU TO RASUL-RASUL 8:34 - KITAB NU TUMPU ALLA LELE MA'IMAI'

³⁴ Anu ko pangkat matangkas lengkat i Etiopia aitu notatae hi Filipus, “Soba poto'iakon mae hi belengku, ihe na anu nu patui nu nabi aiya? Posi butongnyo kabai mian sangga'at?”

SISIKON NU TO RASUL-RASUL 8:34 ပူးပေါင်းရင်းမြစ်များ

MATIUS 13:36

Lapas aitu i Yesus nompala'imo mian da'isan aijo', lantas ninsoop i laigan. Anu saja' mombatuki Ia tinoka ka' notatae, “Soba kita Tuuma talangkan mae hi kami na alati' nu kantuang anu mongkona to pada-padang i totonga' nu gandum aijo'.”

MATIUS 15:15

I Petrus notatae, “Tulungi mae pojalasakon na kantuang aijo' hi kami, Kita Tuuma!”

SISIKON NU TO RASUL-RASUL 8:27

Sahingga i Filipus mule' nambamo. Tempo'nyo aitu daagi' ko samian anu ko pangkat mokalaja i kalaja'an Etiopia anu hau-haunyo lumambanan minsusule' mokiijo' i lipu'nyo. Mian aitu samian anu ko pangkat matangkas anu mongulus iwi-iwi' kakaya'an i Kandake, Tomundo boune i lipu' Etiopia. Mian aijo' mambamo nokiijo' i Yerusalem da balado'a hi Tumpu, ka' uuka aiya hau-haunyomo minsusule' tiba bendinyo. Hau-haunyo suha-suhang i uno nu kasake'annyo aijo' ia nombasa' Kitab i Nabi Yesaya.

SISIKON NU TO RASUL-RASUL 8:33

Ia pinopo ambang ka' binee'an hukuman madi' adin. Napas-Nyo binubut i dunia aiya, sahingga samian pe'e madi' ko anu moko ala monsisikakon ihe na lee'-Nyo.”

SISIKON NU TO RASUL-RASUL 8:35

Sahingga i Filipus mule' mulaimo notatae; ia nompake aya-ayat aijo' salaku pontampu'uni da moleleakonmo Lele Ma'ima' mongkona i Yesus hi anu ko pangkat matangkas aijo'.