SISIKON NU TO RASUL-RASUL 8:33 - KITAB NU TUMPU ALLA LELE MA'IMAI'

³³ Ia pinopo ambang ka' binee'an hukuman madi' adin. Napas-Nyo binubut i dunia aiya, sahingga samian pe'e madi' ko anu moko ala monsisikakon ihe na lee'-Nyo.”

SISIKON NU TO RASUL-RASUL 8:33 ပူးပေါင်းရင်းမြစ်များ

AYUB 34:5

Koonyo i Ayub, ‘Madi' ko kasala'an hi belengku, panyo Tumpu Allah madi' mongka'oho' mombee'i apaa na anu adin hi belengku.

MAZMUR 22:15

Kahosonanku iningkotmo sumomo uee anu tinombulokmo, iwi-iwi' na bukungku tinalabakasmo i losuannyo, kinyonyoangku jinumujumo susumo lilin.

MAZMUR 22:30

Iwi-iwi' na mian anu talasanggo tionyo tolodadupu i ahop-Nyo, iwi-iwi' na manusia anu madi' tumuu' batu tionyo tolodadupu hi Ia.

YESAYA 10:2

Tiba jalan anu sumo aijo' belemiu madi'mo mompobee' mian anu kasiasi mohumpak suele hak ka adilan ka' mongagoimo halata' nu aha mian anu singkapmo binalu tiba to ana-anak anu madi'mo ko tuumanyo ka' tinanyo.

YESAYA 5:23

Panyo ola kalana mohumpakmo doi anu abu pontamboi, sahingga belemiu mompobebasmo anu kokasala'annyo ka' mombanta mian anu madi' kokasala'annyo da madi' pokonai ka'adilan.

YESAYA 53:10

Tumpu mongkahanda' da ia sansala, ka' nombee'mo butongnyo susumo koloban pongalini dosa'. Sahingga ia mantan na umun ka' montoa tulunannyo, kalana ia sahingga kahanda' nu Tumpu timbalimo jadi.

YESAYA 53:12

Halala na kinyonyoanyo mombee' butongnyo ka' ninsoopmo i lekengan nu mian anu ma'idek na palabuatannyo. Ia nontanggungmo dosa' nu mian da'isan ka' binalado'amo da aha o ampuni. Sahingga binee'an-Ku mo na ia aha manjoo' na mian da bau sala-Ku palasen, ka' mohumpak bahagian hingga-hinggat tiba mian anu madi' ko kasala'annyo.”

YESAYA 53:7

Talalo ahi' pinoko idek na nombau ia, panyo tinanggung nyomo ahi' nu sabaan. Ia madi' nombuka' nganga'nyo susumo anak nu domba anu oboamo i pongkolotan kabai tina nu domba anu okiismo na bulunyo.

YESAYA 53:8

Ia tinahanmo ka' pinutusanmo na palakalanyo lantas i hela'mo ka' i hukumo nu hukuman mate. Madi'mo ko anu nompajuli nasibnyo; ia i nate kalana dosa' nu bansanto.

DANIEL 9:26

De lapasmo na aijo' polaya' anu pinile'anmo nu Tumpu opateimo, padahan ia madi' ko kasala'an. Sahingga tokamo mae na suludadu nu tomundo', samian na anu baani hondo lantas mohansunimo kota' Yerusalem tiba Laigan nu Tumpu. Kakiamatan tokamo mae susumo iaba' anu momboamo mae pahampahampatean tiba kahansunan susumo anu tinantukanmo nu Tumpu.

HABAKUK 1:4

Atulan madi' otoongi totu-totu'u ka' mule' ka'adilan madi' toho' otinjohakon. Mian anu ma'idek na kinyonyoanyo lebemo molingkudui aha mian anu madi' tageo' na kinyonyoanyo, jadi ka'adilan obali-balikakonmo nu aha.

ZAKHARIA 13:7

Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,

SISIKON NU TO RASUL-RASUL 8:34

Anu ko pangkat matangkas lengkat i Etiopia aitu notatae hi Filipus, “Soba poto'iakon mae hi belengku, ihe na anu nu patui nu nabi aiya? Posi butongnyo kabai mian sangga'at?”