SISIKON NU TO RASUL-RASUL 8:27 - KITAB NU TUMPU ALLA LELE MA'IMAI'

^27-28 Sahingga i Filipus mule' nambamo. Tempo'nyo aitu daagi' ko samian anu ko pangkat mokalaja i kalaja'an Etiopia anu hau-haunyo lumambanan minsusule' mokiijo' i lipu'nyo. Mian aitu samian anu ko pangkat matangkas anu mongulus iwi-iwi' kakaya'an i Kandake, Tomundo boune i lipu' Etiopia. Mian aijo' mambamo nokiijo' i Yerusalem da balado'a hi Tumpu, ka' uuka aiya hau-haunyomo minsusule' tiba bendinyo. Hau-haunyo suha-suhang i uno nu kasake'annyo aijo' ia nombasa' Kitab i Nabi Yesaya.

SISIKON NU TO RASUL-RASUL 8:27 ပူးပေါင်းရင်းမြစ်များ

1 TOMU-TOMUNDO' 10:1

Kapandean i Salomo tinogilelemo tinoka-tokamo hi tomundo' boune nu lipu' Syeba. Sahingga ia nambamo mae i Yerusalem kahanda' monsoba-soba i Salomo, ia soba nompokilawa anu toto maha-mahan.

MAZMUR 68:29

Tumpu nu belemiu montuntut kahosonan nu belemiu; o, Tumpu potatapmo mae hi kami apaa na anu binaumo nu Belento hi kami.

MAZMUR 68:31

O, segai na Mesir, binatang anu mahangas aijo' i uno nu biho'. Pokinde'i na to bansa-bansa, sapi' sanggombu haha aijo' tiba to ana-anaknyo, anu ola lewa' mompahampeja'akon sa'angu' ka' sa'angu' da mohumpak salaka. Tumpu nomposung kehetmo ka' nongga'at-ga'atmo iwi-iwi' na bansa anu mongka'ima'i mahampate.

MAZMUR 87:4

“Mesir tiba Babel Ku posoopmo i daputan nu to bansa-bansa anu tulu-tulutan hi Belenku. Ka' mule' Filistea, Tirus tiba Sudan ninsoopmo i lekengan nu mian anu jojoong i Yerusalem.”

YESAYA 18:7

Tokaje mae na tempo'nyo palasombahan-palasombahan obee'mo hi Tumpu Anu daka' na Kuasanyo lengkat mae ilipu' aijo' nunu sahak nu kaunyo haha aijo'anu lengkat mae i bansanyo anu mahoson ka' mule' baani, ka' mule' lengkat hi aha miannyo anu toto tangka-tangkas ka' kilitnyo ma'ima' ka' mule' okabuhuk isongko-songko na dunia aiya. Aha tokamo mae i Puge'nyo nu Sion itampat nu Tumpu Anu Daka' na Kuasanyo osombah.

YESAYA 43:6

Ku palentahmo na utara tiba salatan, da aha sampa opolapas. Sahanyo to ana-anak nu beleyum anu to momo ane minsusule'mo, mae lengkat itano' anu majo'on, ka' to ana-anak nu beleyum anu to bou-boune minsusule'mo mae lengkat iwi-iwi na pus nu tano'.

YESAYA 45:14

Tumpu notataemo hi Israel, “Alamo na hasin nu tano' Mesir tiba kauntungan nu aha Sudan. Aha to mia-mian nu Syeba anu toto hoso-hoson, belemiumo, na tumpunyo; aha lumajang aitu mae ihiku nu belemiu hau-haunyo pinungumo nu lante' besak. Aha tolodadupumo ka' mongakuimo, ‘Tumpu totu-totu'u daagi' ko anu atina' hi belemiu; madi' ko tumpu sanga'at ola ahi' Ia aijo'!

YESAYA 60:3

To bansa-bansa mojonjulumo mae toka i jingka nu belemiu to tomu-tomundo kino kinyonyoamo i sahaya anu binete'mo atina' hi belemiu.

YESAYA 60:6

Lipu' nu belemiu nu sihukimo nu unta manjoo' hondo aha nolengkat mae i Midian ka' Efa. Mian momboa ame mosoni' tiba kamangian lengkat mae i Syeba, lantas mompuji'mo palabuatan nu Tumpu.

YESAYA 66:19

Aku mompo'una'mo sa'angu' na tanda aijo' hi aha. Madi' manjoo' na anu aijo' hi aha na anu Ku posalamat. Aha Kusai mamba hi to bansa-bansa, ilipu' anu toto jo'o-jo'on, anu ma'isa toho' nohongo lele mongkona Aku kabai nontoa katalasanggoan tiba kuasang-Ku: mamba i Spanyol, i Libia, tiba i Lidia tiba anu to pande-pande na mompana', mamba i Tubal, tiba i Yunani. Aha saidi' mae mombebakonmo katalasanggoan-Ku i bansa haha aijo'.

YEREMIA 13:23

Te toho' mule' mian anu mo itom timbali mombali'i buhit nu kilitnyo, kabai harimau moko ala mongalini belongka'nyo? Tantu madi' ahi'! Sumo aijo'mo na belemiu anu biasamo mombau palabuatan anu ma'idek, susa'mo hondo na mombau palabuatan anu ma'ima'.

YEREMIA 38:7

Tempo'nyo aitu daagi' ko samian ia mian nu Sudan anu mokalaja ilaigan nu tomundo'. Sanggonyo i Ebed-Melekh. Ihongonyomo na aku taalu' inguluakonmo i uno nu bubung aijo'. Tempo'nyo aijo' i tomundo' hau-haunyo mompipin rapat i Sabatan Daka' Benyamin.

YEREMIA 39:16

da mompoto'i hi Ebed-Melekh mian nu Sudan ai-aijo', kooNyo Tumpu Anu Balakuasa hondo, Tumpu Allah Israel nompoto'imo mae sumo uuka, “Susumo anu pinoto'ing-Kumo salatanmo pe'e naipuan mae, Ku potokamo ikota' aiya na balaa', misa' ka'ima'an nu kantumuu'an. Beleyum montoaje han aijo' jadi saidi' mae.

ZEFANYA 3:10

Ka' mule' lengkat mae i Sudan anu majo'on mian-Ku anu pinalesayamo anu noga'a-ga'atmo saidi' mae tokamo ka' monsombahkonmo koloban hi beleng-Ku.

MATIUS 12:42

I Sinaa Kiamat, tomundo boune lengkat mae i tano' sasu Salatan, saidi' mae po'ule' tumuu' tiba to mia-mian tempo' uuka aiya ka' montutuk aha. Kalana da mohongo pangajalan i Salomo anu pande, tomundo boune aijo' nambamo itano' anu majo'on hondo lengkat i puus nu tano'. Panyo i aiya tempo' uuka daagi' ko anu daka' molingkudui Salomo!”

YOHANES 12:20

To mia-mian anu namba nokiijo' i Yerusalem mogaleja tempo'nyo nu lamean aijo', daagi' ko to pia-piangkuka mian nu Yunani.

PO'ULE' INGULIT 30:13

Tampatnyo misa' mule' i santoanyo nu ambai, sahingga opokilawamo nu belemiu, ‘Ihe na timbali mokiijo' i santoanyo nu ambai da o alantomo mae, da timbali ohongonto ka' otulutinto?’

IBRANI 11:8

Kalana bala'iman, sahingga i Abraham tulu-tulutan hondo hi Tumpu, tempo'nyo Tumpu nolagamo ia ka' nonsaimo ia namba i lipu' anu jinanji'mo nu Tumpu hi ia. Lantas i Abraham nambamo, padahan madi' nusumbu' pa' moya na kalambanannyo.