SISIKON NU TO RASUL-RASUL 8:2 - KITAB NU TUMPU ALLA LELE MA'IMAI'

² To mia-mian anu mabuhuk hi Tumpu nolamunmo i Stefanus ka' nohangimo ia talalomo hondo nolibos.

SISIKON NU TO RASUL-RASUL 8:2 ပူးပေါင်းရင်းမြစ်များ

KAJADIAN 23:2

ia sinilakamo i Hebron i tano' nu aha Kana'an. I Abraham nolibosmo hondo ka' lewa'mo nohaangi bengkele'nyo aijo' sinilakamo.

KAJADIAN 50:9

Gombuan nu suludadu anu sinumake' i kaleta ka' sinumake' i ajahan suele nombatukimo, sahingga nokunyanyat manjoo' hondo na mian anu nomboa aijo'.

2 SAMUEL 3:31

Lapas aijo' i Daud nompalentahmo i Yoab tiba to sulu-suludadunyo mombea-beak baju' nu aha ka' mompusok baju' anu opusok de ko anumo silaka ka' mohaangi i Abner. Ka' salatan nomboamo i kubulan i Daud na nontuntuni peti-peti' i Abner.

2 TAWARIKH 32:33

I Hizkia sinilakamo, lantas i lamunmo i bahagian pindakoan i tano' pinolamunan to tomu-tomundo. Iwi-iwi' na mian nu aha Yehuda ka' Yerusalem nombee'mo apa-apaa bau tanda anu daka' hondo salaku pongadati ia tempo'nyo i sinilakamo. I Manasye anaknyo momo'ane na tinimbali tomundo' nombolosakon ia.

2 TAWARIKH 35:25

I Nabi Yeremia nontulismo sa'angu' na nyanyian bau pohangi i Tomundo Yosia. Sampe sangkutnyo tempo' uuka aiya nyanyian aijo' daagi' saja' onyanyi nu to panya-panyanyi i Israel, mau mo'ane kabai boune, de mombaumo adat monginau' i Yosia sinilakamo. Nyanyian aijo' pinosa'angu'mo i kitab nu nyanyi-nyanyian anu bau ponyanyiakon mian silaka.

YEREMIA 22:10

O mian nu Yehuda, bolimo daagi' susa' ka' molibos kalana i Tomundo' Yosia sinilakamo. Anu ohangi ola ahi' i Yoahas anaknyo momo'ane kalana ia binoamo ka' madi'mo daagi' minsusule' mae. Tano' kinahampeannyo madi'mo daagi' nu toa.

YEREMIA 22:18

Kalana aijo' mongkona i Yoyakim tomundo' nu Yehuda, anak momo'ane i Yosia tinaloakonmo nu Tumpu sumo uuka, “Ia silaka madi'mo ohangi; madi'mo daagi' ko anu motatae, ‘Paya' na sangalungku, paya'.’ Madi'mo daagi' ko anu susa' kalana molibos kabai moloboo', ‘Paya' na anu obagi tumpu!’

NOMBILANGMO 20:29

Iwi-iwi' na mian nohongomo taalu' i Harun sinilakamo ka' aha iwi-iwi' nonjoongakonmo liibos hi ia tinolumpulu' na sinaa na kinopinnyo.

MARKUS 6:29

Salatan anu saja' mombatuki Yohanes nohongo han aijo', aha namba nongala bangke' i Yohanes, lantas i lamun nu aha.

LUKAS 2:25

Tempo'nyo aijo' i Yerusalem daagi' ko samian sanggonyo i Simeon. Ia mian anu ma'ima', anu mabuhuk hi Tumpu, ka' hau-haunyo montanda'i tempo'nyo Tumpu momposalamat Israel. Roh nu Tumpu monsangalui ia,

SISIKON NU TO RASUL-RASUL 10:2

Ia mian anu mabuhuk hi Tumpu ka' iwi-iwi' na to utu-utusnyo monsombah Tumpu. Ia saja' montulungi mian nu Yahudi anu kasiasi, ka' ia saja' balado'a hi Tumpu.

SISIKON NU TO RASUL-RASUL 2:5

Tempo'nyo aitu manjoo' na mian nu Yahudi, lengkat iyaya mae na lipu' songko-songko na dunia, jojoong i Yerusalem. Aha aitumo na to mia-mian anu mohongo-hongo hi Tumpu.

SISIKON NU TO RASUL-RASUL 8:1

Ka' i Saulus suele sinanangmo kalana mian aijo' pinateanmo. Sinaa aitu mule' jama'at i Yerusalem mulaimo saja' o loloi', sahingga iwi-iwi' mian anu palesayamo, me sambiha'nyo to rasul-rasul, noga'a-ga'atmo nokiijo' i songko-songko na tano' nu i Yudea ka' i Samaria.

SISIKON NU TO RASUL-RASUL 8:3

Panyo i Saulus saja'mo binala usaha mongkabisa'i jama'at. Ia namba lengkat i sa'angu' na laigan mokiijo' i laigan sa'angu' ka' mohela' monsabatakon to mia-mian palesaya, lantas momposoop aha i uno nu talungku'.

PO'ULE' INGULIT 34:8

I Hatanyo nu Moab bansa Israel nohangimo i Musa ka' nontoongimo toonyo tinolumpulu' na sinaa na kopinnyo.

1 SAMUEL 28:3

I Samuel sinilakamo ka' ia ihaanganmo nu aha iwi-iwi' mian nu Israel ka' ilamunmo kiijo' i kinajojoongannyo i kota' Rama. U'utu mae i Saul nolaa'mo iwi-iwi' na anu lewa' montahi'i tiba bolian anu lewa' montunde' tominuat da boli jojoong i Israel.