SISIKON NU TO RASUL-RASUL 8:17 - KITAB NU TUMPU ALLA LELE MA'IMAI'

¹⁷ Lantas i Petrus ka' i Yohanes nompotiikmo lima nu aha hi to mia-mian nu Samaria aijo'; sahingga aha nontalimamo Roh nu Tumpu Allah.

SISIKON NU TO RASUL-RASUL 8:17 ပူးပေါင်းရင်းမြစ်များ

NOMBILANGMO 27:18

Notataemo na Tumpu hi Musa, “Laga mae na i Yosua, anak i Nun. Ia mian anu pande, potiik na lima nu beleyum aita' i buan nu ubaknyo.

NOMBILANGMO 8:10

Mian tionyo ahi' mompotiik lima nu aha i ubak nu aha mian nu Lewi haha aijo'.

MARKUS 5:23

ka' nompoita totu-totu'u, “Kita Tuuma, anakku boune masakit hondo. De timbali toka pe'e mae da mompanyaakon, da ia ma'alin ka' boli silaka!”

SISIKON NU TO RASUL-RASUL 13:3

Ilapas binapuasa' ka' binalado'a aha nompotiik lima i buan nu ubak hi Barnabas ka' hi Saulus lantas nonsai aha ohu-ohua'.

SISIKON NU TO RASUL-RASUL 19:6

Ka' tempo'nyo i Paulus nompotiik limanyo i buan nu ubak nu aha, Roh nu Tumpu nongkuasaimo aha, lantas aha mulaimo notatae i uno nu basa-basa' anu moko bangang ka' nompotoka lele lengkat mae hi Tumpu.

SISIKON NU TO RASUL-RASUL 2:4

Aha iwi-iwi' kinuasanmo nu Roh nu Tumpu, ka' nontampu'unimo notatae tiba ngangahan nu basa' sangga'at. Aha motatae nombatukimo apaa na anu pinoto'i nu Roh aijo' hi aha da otaloakon.

SISIKON NU TO RASUL-RASUL 6:6

Aha popi-popitu' na mian aijo' opoita hi to rasul-rasul, da to rasul-rasul aijo' mondo'akon mompoita balakat hi Tumpu toka hi aha.

SISIKON NU TO RASUL-RASUL 8:18

I Simon na nontoa saba' lima nu to rasul-rasul pinotiikmo i buan nu ubak nu mian haha aijo', Roh nu Tumpu binee'mo hi aha. Kalana aijo' i Simon nomboa doi hi Petrus ka' hi Yohanes,

SISIKON NU TO RASUL-RASUL 9:17

Sahingga i Ananias namba i laigan aijo' ka' nompotiik limanyo i buan nu ubak i Saulus. “Utusku Saulus,” koonyo i Ananias, “Tumpu Yesus anu tinoa nu kita Utus i totonga' nu jalan tempo'nyo kita Utus mo'ukamo mae, Iamo na nonsai mae aku toka da kita Utus timbali moko ala montoa mule' ka' nu kuasai nu Roh nu Tumpu.”

ROMA 1:11

Kalana aku mongka'oho' hondo singkabot tiba komiu, da aku timbali mombagi balakat hi komiu lengkat mae hi Roh nu Tumpu da mompohoson komiu.

1 TIMOTIUS 4:14

Boli beleyum batuk moluluk na mompake balakat lengkat hi Roh nu Tumpu anu binee'mo hi beleyum tempo'nyo to pola-polaya' nu jama'at nompotudumo lima nu aha atina' i ubakum, ka' to nabi-nabi nompokambotmo potuunon nu Tumpu mongkona butong nu beleyum.

1 TIMOTIUS 5:22

Boli talalo malia' mombalakati toto samian kahanda' mompotantumo ia da o hangkatmo baumo salaku posaihon nu Tumpu. De mian sangga'at baladosa', boli maninggalo' i dosa' aijo'. Ojagai na butong miu da tataap susi'.

2 TIMOTIUS 1:6

Kalana aijo' aku mompo'ingat beleyum da ogunakon hondo-hondo na balakat anu binee' nu Tumpu hi beleyum tempo'nyo aku nombalakatimo beleyum.

IBRANI 6:2

kabai pu'unyo nu pangajalan mongkona palamandian kabai mongkona mompotudu lima i ubak nu mian, kabai mongkona mian anu silakamo, po'ule' mule' tumuu' kabai hukumannyo anu sampe toka sidu-sidutu'.