SISIKON NU TO RASUL-RASUL 8:10 - KITAB NU TUMPU ALLA LELE MA'IMAI'

¹⁰ Sahingga iwi-iwi' na mian da'isan i kota aijo' talalomo hondo nompalahatikan ia. “Mian aiya ko kahosonan lengkat hi Tumpu Allah anu talalo talasanggo, salaku ‘Kahosonan anu Daka'’ aijo',” na koonyo nu aha.

SISIKON NU TO RASUL-RASUL 8:10 ပူးပေါင်းရင်းမြစ်များ

YEREMIA 31:34

Madi'mo daagi' palalu maunyomo ola samian na bubu' aha mongajan sangalunyo da monsumbu' Tumpu. Kalana aha iwi-iwi' anu tu'amo kabai anu daagi' anak saidi' mae monsumbu'mo Aku. Kasala'an-kasala'an nu aha madi'mo lewa' Ku inau', to dosa-dosa' nu aha Ku ampunimo. Aku, Tumpu notataemo.”

YEREMIA 42:1

Ilapas na aijo' iwi-iwi' na mian, anu tu'amo tiba anu daagi' anak tiba to sulu-suludadu anu toto tangka-tangkas na pangkatnyo, tibamo suele i Yohanan anak i Kareah tiba Azarya anak i Hosaya tinokamo mae

YEREMIA 6:13

Aha iwi-iwi', anu tu'amo tiba anu daagi' anak, molio ka untungan tiba jalan anu madi' hodi'. Paka laus mule' nabi tiba imam suele nongakalimo miam.

YEREMIA 8:10

Kalana aijo' ale' nu aha Ku bee'mo hi tumpu nu tano' sangga'at, ka' mule' bengkele' nu aha Ku bee'mo hi mian sangga'at. Aha iwi-iwi' tu'anyo tiba anak molio ka untungan tiba jalan anu tageo'. Pakalaus mule' nabi tiba imam suele ahi' mongakali mian.

YUNUS 3:5

Mian anu jojoong i Ninewe pinalesayamo i potuunon nu Tumpu aijo'. Songko-songko na mian da'isan nontantukanmo da bapuasa'mo, ka' iwi-iwi' na mian mau anu tu'anyomo mau anu daagi anak nompusokmo hude kalung da bau pomponyata saba aha nanyasanmo i iwi-iwi dosa' nu aha.

SISIKON NU TO RASUL-RASUL 14:11

Salatan mian da'isan nontoa apaa na anu binaumo i Paulus, aha noloboo' i uno nu basa' nu Likaonia, “To pilo-pilogot anu nintatau'mo mae i dunia ninsalungmo sumo mian.”

SISIKON NU TO RASUL-RASUL 28:6

Tinutugan nu aha sasaidi' lima i Paulus bangkakmo kabai madi' pin ia tombahangkangmo lau-laus mate. Panyo salatan nontanda'i to pia-pia manga na kopinnyo madi' ko apa-apaa anu okahelani tinimbali hi ia, kinyonyoa nu aha nongabali'mo, aha notatae tukoonyo nu aha i Paulus te pilogot.

1 KORINTUS 1:24

Panyo kona hi to mia-mian anu ilagamo nu Tumpu – pa' mian nu Yahudi kabai mian misa' Yahudi – lele aijo' salaku jalan nu Tumpu mompotoa kuasa-Nyo tiba kapandean-Nyo.

2 KORINTUS 11:19

Komiu sanang na kinyonyoa monsabaanakon mian anu ponga', kalana komiu mongoa'i butong miu aijo' pande!

EFESUS 4:14

Sahingga kita madi'mo po'ule' mingana-anak anu sumo nupuuhi nu mombun oboa mokiijo' mo'uuka mae nu ngangahan nu solok nu pangajalan lengkat hi to mia-mian anu pande na mongakali. Aha mompotimbali mian ponga' nu kapandean nu aha mongakali.

2 PETRUS 2:2

Mau mule' sumo aijo', nanjoo'mo na mian nombatukimo jalan nu kantumuu'an nu to gulu-gulu' anu madi' totu'u aijo' anu kinuasanmo nu napisu nu aha. Ka' pakalaja'an nu to gulu-gulu' haha aijo' nonsaduakonmo da nanjoo'mo na mian nonjojoamo Jalan Anu Totu'u mamba hi Tumpu.

ANU PINOTO'I HI YOHANES 13:3

Sala' sa'angu' i anu popitu' na ubak nu binatang aijo' otoa sumo anu ko belanyo daka' hondo, panyo belanyo aijo' na'alinmo. Songko-songko na dunia mombatuki binatang aijo' ka' bangang hi ia.