SISIKON NU TO RASUL-RASUL 8:1 - KITAB NU TUMPU ALLA LELE MA'IMAI'

¹ Ka' i Saulus suele sinanangmo kalana mian aijo' pinateanmo. Sinaa aitu mule' jama'at i Yerusalem mulaimo saja' o loloi', sahingga iwi-iwi' mian anu palesayamo, me sambiha'nyo to rasul-rasul, noga'a-ga'atmo nokiijo' i songko-songko na tano' nu i Yudea ka' i Samaria.

SISIKON NU TO RASUL-RASUL 8:1 ပူးပေါင်းရင်းမြစ်များ

NEHEMIA 6:3

Kalana aitu pinakatungkumo na sulat bau pontaami sumo uuka hi aha, “Aku madi' timbali toka mae hi belemiu kalana hau-haunyo mombau kalaja anu penting hondo. Kalaja aijo' madi'mo jadi de ku pala'imo mamba singkabot tiba belemiu.”

DANIEL 6:10

Sahingga i Tomundo' Darius nontekengimo sulat palentah aijo'.

DANIEL 6:23

Tumpungku nonsaimo mae malaekat-Nyo nonggintumo nganga' nu singa haha aijo' sahingga aha madi'mo nompoposia aku. Ia nomposalamatmo aku aiya kalana Nu sumbu' na aku aiya madi' ko kasala'an hi Ia ka' mule' hi belento Tuanku.”

MATIUS 22:6

ka' anu sangga'at mule' nohakop to posa-posaihon nu tomundo aijo', lantas nomboboti ka' nompatei aha.

MATIUS 23:34

Hongo ima-ima': Aku monsaije hi komiu to nabi-nabi, to mia-mian pande, ka' to gulu-gulu'; sambahagian lengkat hi aha o pateije miu, ka' sambahagian anu sangga'at o salibje miu. Daagi' ko anu o sakisaje miu i uno nu laigan pogalejaan, ka' komiu mahantumput lengkat i sa'angu' na kota mokiijo' i kota sangga'at.

MATIUS 5:13

“Komiu timuson nu dunia. De timuson timbalimo matawas te daagi' opoko po'asing mule'? Madi'mo ko gunanyo, panyo o alin ka' o peja-peja' nu mian.

YOHANES 15:20

O'inau' apaa na anu tinaloakonKumo hi komiu, ‘Botuan madi' lebee daka' molingkudui tuannyo.’ De aha monsakisamo Aku, aha mule' monsakisa suele komiu. De aha mombatuki pangajalan-Ku, aha suele mombatuki pangajalanum.

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

SISIKON NU TO RASUL-RASUL 1:8

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

SISIKON NU TO RASUL-RASUL 13:1

I uno nu jama'at Antiokhia, daagi' ko nabi-nabi ka' to gulu-gulu', aitumo i Barnabas ka' i Simeon, anu o sanggohi mule' Si Hitam, i Lukius lengkat mae i Kirene, i Menahem anu pinotuu' hingga-hinggat i Tomundo Herodes, ka' i Saulus.

SISIKON NU TO RASUL-RASUL 13:36

I Daud sinilakamo ka' kinubun mule' nohingga-hinggat tiba mompolee'nyo, noko bau na ia apaa na anu sinaiyakonmo nu Tumpu Allah. Bangke' i Daud suele nahutakmo ka' ningkotmo iwi-iwi'.

SISIKON NU TO RASUL-RASUL 2:47

Aha saja' mompuji-puji' Tumpu ka' nuka'ima'i nu mian iwi-iwi'. Toka sansina-sinaa konjoo'nyo nu aha saja' mintuang kalana Tumpu mombee' hi aha to mia-mian anu oposalamat.

SISIKON NU TO RASUL-RASUL 22:20

Sumo aitu mule' salatan anu nonsakisi Kita i Stefanus pinateanmo, aku daagi' i kiijo' ka' nonsetujuimo aha nompatei aijo'. Aitu pe'e aku na nonjagai baju' nu to mia-mian anu nompatei ia.’

SISIKON NU TO RASUL-RASUL 26:10

Ka' memang aijo'mo na anu binaungkumo i Yerusalem. Tiba sulat kuasa lengkat hi kapala nu to imam-imam, aku nomposoopmo i uno nu talungku' da'isan na to mia-mian anu mohongo-hongo hi Tumpu Allah, aku mule' suele monsetujui da aha opokonai hukuman mate.

SISIKON NU TO RASUL-RASUL 5:18

To rasul-rasul haha aijo' i hakop ka' pinosoopmo i uno nu pontalungku'an mian da'isan.

SISIKON NU TO RASUL-RASUL 5:20

“Lako'mo tinjo i Laigan nu Tumpu ka' poto'i hi to mia-mian mongkona kantumuu'an bu'ou aiya.”

SISIKON NU TO RASUL-RASUL 5:33

Salatan to sanga-sangalunyo nu Mian Kopian Daka' nu Agama nohongomo aijo', aha pinusamo hondo ka' aha nosa'angu'mo na tanga'an da mompateimo to rasul-rasul haha aijo'.

SISIKON NU TO RASUL-RASUL 5:40

Sahingga to rasul-rasul aijo' i laga, lantas pinohos, lapas aijo' pinoliwa'mo na mongajan mule' mongkona i Yesus. Lapas aitu, i lapasakonmo na aha.

SISIKON NU TO RASUL-RASUL 7:38

I Musamo ai-aijo' hi aha bansa Israel i padang bone', anu nowakini malaikat nota-notatae i Bungkut nu Sinai tiba mompolee'to. Iamo na nontalima lengkat hi Tumpu lele anu moko tumuu' da opotokakon hi kita.

SISIKON NU TO RASUL-RASUL 7:54

Salatan to mia-mian Mian Kopian Daka' nu Agama aijo' nohongomo iwi-iwi' anu tinaloakon i Stefanus, na'idekanmo hondo na kinyonyoa nu aha ka' pinusa hondo hi ia.

SISIKON NU TO RASUL-RASUL 7:58

Aha nohela' ia nosabat i sambiha' nu kota ka' lapas aitu pinahambunu'akonmo nu aha nu batu. To mia-mian anu nonsakisi apaa na anu tinimbalimo aijo' nompo'una' baju' nu aha hi samian na olitau sanggonyo i Saulus.

SISIKON NU TO RASUL-RASUL 8:14

To Rasul-rasul i Yerusalem nohongo tukoonyo nu aha to mia-mian nu Samaria nontalimamo potatae nu Tumpu. Kalana aijo' aha nonsai i Petrus ka' i Yohanes namba nokiijo'.

SISIKON NU TO RASUL-RASUL 8:2

To mia-mian anu mabuhuk hi Tumpu nolamunmo i Stefanus ka' nohangimo ia talalomo hondo nolibos.

SISIKON NU TO RASUL-RASUL 8:4

To mia-mian palesaya anu noga'a-ga'atmo aijo' noleleakonmo Lele Ma'ima' lengkat mae hi Tumpu aijo' iyaya mae.

SISIKON NU TO RASUL-RASUL 8:5

I Filipus namba nokiijo' i kota Samaria ka' noleleakon hi to mia-mian kiijo' mae mongkona Tomundo anu Momposalamat anu jinanji'mo.

SISIKON NU TO RASUL-RASUL 9:31

Sahingga jama'at i songko-songko na Yudea, Galilea ka' i Samaria madi'mo binata-bata. Roh nu Tumpu na nontulungi da nabuhuk hi Tumpu, sahingga to jama-jama'at aijo' nompaka majumo ka' nompaka da'isanmo.

ROMA 1:32

Nusumbu' nu aha, tukoonyo atulan nu Tumpu, mian anu mombau aijo' iwi-iwi' tionyo ohukum mate. Mau mule' sumo aijo' nubau ahi' nu aha na hahan aijo'; tiba mule' monsetujui mian sangga'at mombau.

FILIPI 1:12

Ku kahanda'i da komiu monsumbu', hahan anu tinimbalimo hi belengku panyo nonsaduakonmo lebe manjoo' na mian nohongo ka' pinalesayamo i Lele Ma'ima' aijo'.

IBRANI 11:27

Kalana bala'iman, sahingga i Musa nompala'imo Mesir ka' madi'mo mabuhuk maumo nu tambuha'i nu tomundo'. I Musa nolausakonmo patujunyo sumomo ia nontoamo Tumpu anu madi' otoa-toa.