SISIKON NU TO RASUL-RASUL 7:9 - KITAB NU TUMPU ALLA LELE MA'IMAI'

⁹ To Tutuuma anu nolee'akon mae kita aijo' nongka'idekimo i Yusuf, sahingga aha nompobaluk ia tinimbali botuan i Mesir. Panyo Tumpu nombalakati ia,

SISIKON NU TO RASUL-RASUL 7:9 ပူးပေါင်းရင်းမြစ်များ

KAJADIAN 39:2

Tumpu nontulungimo i Yusuf sahingga saja' mingkaliangan na anu nu kalaja iwi-iwi'. Ia jinojoongmo i laigan nu tuannyo, mian nu Mesir aijo'.

KAJADIAN 39:5

Mulai tempo'nyo aitu kalana i Yusuf, Tumpu nombalakatimo aha salaigan mian nu Mesir aijo' ka' iwi-iwi' apaa na halata' nu aha, mau anu i laigan ka' suele anu i ale'.

KAJADIAN 45:4

Lantas notataemo na i Yusuf hi aha, “Imbo' po'uuka mae.” Aha nongohanimo, ka' ia po'ule' mule' notatae, “Aku i Yusuf, anu pinobalukmo nu belemiu i Mesir.

MAZMUR 105:17

Panyo Tumpu nonsaimo samian namba momona, lantas aha nambaje i mihi, aijo'mo i Yusuf, anu pinobalukmo susumo posaihon.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

HAGAI 2:4

Maumo sumo aijo' boli ahi' hente na kinyonyoa nu belemiu iwi-iwi'! Lausakonmo na kalaja aijo' kalana Aku tataap montulungi belemiu.

MATIUS 27:18

I Pilatus notatae sumo aijo', kalana ia monsumbu' saba' anu mongkuasai Yahudi nombee' i Yesus hi aha, kalana aha madi' sanang na kinyonyoa nu aha.

1 KORINTUS 13:4

Mian anu mongkalibosi to mia-mian sangga'at, sabaan ka' ma'ima' na kinyonyoa. Ia madi' pangka'ideki mian, madi' malambubut, madi' kobubuun.