SISIKON NU TO RASUL-RASUL 7:8 - KITAB NU TUMPU ALLA LELE MA'IMAI'

⁸ Noko potatae sumo aitu palajanjian aijo' pinohosonmo nu Tumpu nu adat monsunat. Sahingga salatan i Ishak anak i Abraham i hampemo, i Abraham nonsunatmo ia tempo'nyo ia umunnyo iyalunmo na sinaa. Lapas aijo' i Ishak suele nonsunatmo anaknyo, aijo'mo i Yakub. Ka' i Yakub mule' nonsunatmo sampu-sampulu' ka' ohua' na anaknyo, aijo'mo anu tinimbalimo to tutuuma mompolee' nu bansa Yahudi.

SISIKON NU TO RASUL-RASUL 7:8 ပူးပေါင်းရင်းမြစ်များ

KAJADIAN 29:31

Salatan tinoa nu Tumpu na i Lea madi' talalo nuka'ima'i susumo i Rahel, Tumpu nombee'imo i Lea anak, panyo i Rahel madi' nohumpak anak.

KAJADIAN 30:5

I Bilha pinoboamo lantas nohampeakonmo samian na anak mo'ane.

KAJADIAN 35:16

Lapas aijo' i Yakub ka' iwi-iwi' na miannyo nompala'imo Betel. Salatan aha madi'mo talalo majo'on na mokiijo' i Efrata, tinokamo na tempo'nyo i Rahel mompohampemo anak. Panyo anaknyo susa' na hampe.

KAJADIAN 35:18

Panyo i Rahel tinokamo na ukunnyo, ka' salatan ia kahanda'mo nompopupus napasnyo, sinanggohannyomo na anak aijo' i Ben-Oni panyo tuumanyo nonsanggohi ia i Benyamin.

1 TAWARIKH 1:34

I Ishak anak i Abraham kino anak mo'ane ua'aha, aijo'mo: i Esau tiba i Yacub (anu suele lewa' osanggohi i Israel).

MATIUS 1:2

i Abraham, i Ishak, i Yakub, i Yehuda tiba to utu-utusnyo, i Peres tiba i Zerah (tina nu aha sanggonyo i Tamar), i Hezron, i Ram, i Aminadab, i Nahason, i Salmon, i Boas (tinanyo aijo'mo i Rahab), i Obed (tinanyo aijo'mo i Rut), i Isai, ka' i Tomundo Daud.

YOHANES 7:22

I Musa nombee'i komiu atulan da o sunat – mau mule' sunat aijo' sabenannyo misa' nolengkat mae hi Musa, panyo lengkat mae hi to tutuuma nu nompolee' ma'isa pe'e kino i Musanyo. Kalana aijo', mau mule' i sinaa nu Sabat komiu mongka'oho' monsunat mian.

SISIKON NU TO RASUL-RASUL 2:29

To Utu-utus, poloas mae na aku motatae sahondo-hondonyo mongkona i Daud, tuuma nu mompolee'to. Ia natemo ka' i lamunmo suele; pinolamunan ia daagi' aiya i totonga'to sampe uuka.

ROMA 4:10

Yo, naipian na Tumpu nompoto'i anu sumo aijo'? Ma'isa pe'e sinunat kabai pinoko sunatmo na i Abraham? Memang ma'isa pe'e ia sinunat, misa' noko lapasmo.

GALATIA 3:15

To Utu-utus! Soba da aku mombau sonto' i han anu ingoa'anmo sansina-sinaa. De mian nojanji'mo ka' janji' aijo' ingakuanmo, saba' madi' ko samian pe'e na timbali mombahakon anu jinanji'mo aijo', kabai montuangi apa-apaa mule' hi ia.

GALATIA 3:17

Anu kahanda' kupoto'i aiya: Janji' nu Tumpu binaumo ka' ingakuanmo imoonanyo. Atulan nu agama anu binee' 430 mo na taun noko lapas na aijo' madi' timbali momadi'akonmo anu ingakuanmo ka' mohapusmo anu jinanji'mo nu Tumpu aijo'.

IBRANI 7:4

Jadi otoantomo i aiya palias na kodaka'nyo na i Melkisedek aiya; ia sumo aijo' na kodaka'nyo sahingga i Abraham, Tuuma nu mompolee' nu bansanto, nombee'mo hi ia anu binagi sampulu' na bagian, sambagian na binee'nyo, anu i humpaknyo lengkat mae nahampate aijo'.