SISIKON NU TO RASUL-RASUL 7:54 - KITAB NU TUMPU ALLA LELE MA'IMAI'

⁵⁴ Salatan to mia-mian Mian Kopian Daka' nu Agama aijo' nohongomo iwi-iwi' anu tinaloakon i Stefanus, na'idekanmo hondo na kinyonyoa nu aha ka' pinusa hondo hi ia.

SISIKON NU TO RASUL-RASUL 7:54 ပူးပေါင်းရင်းမြစ်များ

AYUB 16:9

Tambuha' nu Tumpu Allah na nombea-beakmo butongku aiya; kina'idekannyomo na montoa mae aku.

MAZMUR 112:10

Mian anu ma'idek na kinyonyoanyo montoa ia, lantas motambuha'mo; bese' nu aha koyokobanmo kalana mongka'idekimo. Lantas aha silakamo; anu nu ima-imani nu aha madi'mo nu humpak nu aha sampe toka sidu-sidutu'.

MAZMUR 35:16

Aha sabole-bolemo ahi' saja' mongkokojoi mae aku, mian anu ilupe'mo ka' mongka'idekimo mae na aha montoa aku.

MOHAANGI 2:16

Iwi-iwi' na sampobali' nu beleyum montoa ohup nu beleyum ka' mongka'ideki nu kokojoi nu aha na beleyum ka' lewa' motatae nganga' Aha motatae, “Kota' aijo' ihansunanmo mami! Ahennyo tinokamo ahi' na tempo'nyo anu pininmo na lewa' tinanda'an mami!”

MATIUS 13:42

Aha iwi-iwi' olumbu'akon i uno nu tolukun anu ko apunyo ka' moak hondo; i kiijo' aha humaangje ka' mongoa'i sansala.

MATIUS 13:50

Lapas aijo' to mia-mian ma'idek aijo' o'alinmo i uno nu tolukun anu ko apunyo. I kiijo'mo na aha humaang ka' mongoa'i sansala.”

MATIUS 22:13

Lantas tomundo aijo' notatae hi to poka-pokauhonnyo, ‘Segoti na tengke ka' lima nu mian aiya, ka' alin na ia i sambiha'nyo i tampat anu pikat. I kiijo' daagi' ko anu tumando' ka' sansala.’ ”

MATIUS 24:51

Saba' posaihon-posaihon aijo' pinahandokeakon totu-totu'u nu tuannyo ka' ingalin nokiijo' i tampat nu to mia-mian anu palangues. Aha humaang ka' mongoa'i sansala i kiijo' mae.”

MATIUS 25:30

Ka' posaihon anu madi' ko gunanyo aijo', alin i uno nu pikat hondomi' i sambiha'nyo. I kiijo' ia humaang ka' mongoa'i sansala!’ ”

MATIUS 8:12

Padahan to mia-mian anu sabenannyo timbali mian anu palesayamo hi Tumpu, o alin i kapintungan anu i sambiha'nyo. I kiijo' aha humaang ka' mongoa'i sansala.”

LUKAS 13:28

Tempo'nyo komiu montoa i Abraham, i Ishak ka' i Yakub tiba iwi-iwi' na nabi balame-lame' i uno nu Dunia Bu'ou nu Tumpu Allah, komiu humaang ka' nonta'up sansala, kalana komiu olaa'mo mamba i sambiha'nyo.

SISIKON NU TO RASUL-RASUL 5:33

Salatan to sanga-sangalunyo nu Mian Kopian Daka' nu Agama nohongomo aijo', aha pinusamo hondo ka' aha nosa'angu'mo na tanga'an da mompateimo to rasul-rasul haha aijo'.