SISIKON NU TO RASUL-RASUL 7:53 - KITAB NU TUMPU ALLA LELE MA'IMAI'

⁵³ To mala-malaikat nompotokamo pale-palentah nu Tumpu Allah hi komiu, panyo komiu madi' mohongo-hongo.”

SISIKON NU TO RASUL-RASUL 7:53 ပူးပေါင်းရင်းမြစ်များ

MAZMUR 68:17

Kadaka' atina' mae ibungkutnyo manjo-manjo atina' beleyum minsihipmo na montoa mae Puge'nyo nu Sion anu pinile'anmo nu Tumpu bau kajojoongan-Nyo? Tumpu jojoongmo kiijo' mae sampe toka sidu-sidutu'.

YOHANES 7:19

Te misa' i Musa nombee'imo pale-palentah nu Tumpu hi beleyum? Panyo itina' hi komiu madi' ko anu mombatuki pale-palentah haha aijo'. Ka' kadaka' komiu kahanda'mo mompatei Aku?”

SISIKON NU TO RASUL-RASUL 7:38

I Musamo ai-aijo' hi aha bansa Israel i padang bone', anu nowakini malaikat nota-notatae i Bungkut nu Sinai tiba mompolee'to. Iamo na nontalima lengkat hi Tumpu lele anu moko tumuu' da opotokakon hi kita.

GALATIA 3:19

Desumo aitu, bau apaa na atulan nu agama anu binee'mo? Salaku bau pontaami, saba' atulan aijo' pinotuangmo da bau momponyata' manusia sinala'mo. Atulan nu agama aijo' opake ola, de ma'isa pe'e toka na samian anu lee' mae i Abraham, anu sinanggo i uno nu janji' nu Tumpu hi Abraham. Atulan nu agama aijo' pinotokakon nu to mala-malaikat nompake samian na manusia.

GALATIA 6:13

Mau mule' to mia-mian anu nombatukimo atulan nu sunat, madi' ahi' mompojalan atulan nu agama. Panyo aha mongkahanda'i da komiu o sunatmo, da aha timbali mombuulakon, kalana komiu nontulutimo atulan aijo'.

PO'ULE' INGULIT 33:2

“Tumpu tinoka lengkat mae i Bungkut nu Sinai; Ia binete' mae aita' i Edom susumo batu nu sinaa ka' lengkat mae i Bungkutnyo nu Paran Ia nonjingkaimo mian anu pinalesayamo hi Ia. Ia sinangaluan mae nu malaekat aha sampulu' na madala; ka' apu moak i sasu koanan-Nyo.

IBRANI 2:2

Iwi-iwi' na anu pinotuunmo ka' pinotokakonmo nu to mala-malaikat hi mompolee'to i nyata'mo hondo, ka' mian anu madi' montuluti, kabai mian anu madi' montapali mohumpak hukuman anu konanyomo na o hukum sumo aijo'.