SISIKON NU TO RASUL-RASUL 7:38 - KITAB NU TUMPU ALLA LELE MA'IMAI'

³⁸ I Musamo ai-aijo' hi aha bansa Israel i padang bone', anu nowakini malaikat nota-notatae i Bungkut nu Sinai tiba mompolee'to. Iamo na nontalima lengkat hi Tumpu lele anu moko tumuu' da opotokakon hi kita.

SISIKON NU TO RASUL-RASUL 7:38 ပူးပေါင်းရင်းမြစ်များ

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

YOHANES 6:63

Anu nompotimbali mian tumuu' aijo'mo Roh nu Tumpu. Kahosonan nu mian madi' ko kaliangannyo. Potatae anu Ku taloakon hi komiu aiya, aijo'mo na potatae nu Roh nu Tumpu ka' potatae anu mombee'i kantumuu'an.

SISIKON NU TO RASUL-RASUL 7:30

Patom pulu' na taun lapas aitu, samian na malaikat tinokamo hi Musa i padang ewa ohani Bungkut nu Sinai. Malaikat aijo' tinoka i uno nu apu i kuhat anu hau-haunyo moak.

SISIKON NU TO RASUL-RASUL 7:35

I Musamo aiyamo na i Musa anu madi' nuka'ima' nu bansa Israel ka' anu madi' otalima nu aha ka' notatae sumo uuka, ‘Ihemo na nohangkat beleyum timbali polaya' ka' mian kopian mami?’ Panyo iamo na mian anu sinai nu Tumpu timbali polaya' ka' pomposalamat, kalana bantuan lengkat hi malaikat anu tinoka hi ia i kuhat anu moak aijo'.

SISIKON NU TO RASUL-RASUL 7:53

To mala-malaikat nompotokamo pale-palentah nu Tumpu Allah hi komiu, panyo komiu madi' mohongo-hongo.”

ROMA 3:2

Tantu manjoo' na gunanyo! Momoonanyo, kalana hi mian nu Yahudi Tumpu montaha'imani da obau apaa na koonyo nu potatae nu Tumpu.

ROMA 9:4

Aha mian anu pinile'anmo ka' Tumpu nompotimbalimo aha to ana-anak-Nyo, ka' nompotoamo kuasa-Nyo hi aha. Ia binajanji'mo tiba aha ka' nombee'imo atulan nu agama hi aha. Tumpu nompoto'i hi aha, mosia na aha tionyo balado'a ka' aha mule' nontalimamo anu jinanji'-Nyo.

GALATIA 3:19

Desumo aitu, bau apaa na atulan nu agama anu binee'mo? Salaku bau pontaami, saba' atulan aijo' pinotuangmo da bau momponyata' manusia sinala'mo. Atulan nu agama aijo' opake ola, de ma'isa pe'e toka na samian anu lee' mae i Abraham, anu sinanggo i uno nu janji' nu Tumpu hi Abraham. Atulan nu agama aijo' pinotokakon nu to mala-malaikat nompake samian na manusia.

PO'ULE' INGULIT 33:4

Atulan anu binee'mo i Musa tionyo ahi' otulutinto aijo'mo na halata' anu talalo hondo ko angga'nyo hi bansa aiya.

IBRANI 2:2

Iwi-iwi' na anu pinotuunmo ka' pinotokakonmo nu to mala-malaikat hi mompolee'to i nyata'mo hondo, ka' mian anu madi' montuluti, kabai mian anu madi' montapali mohumpak hukuman anu konanyomo na o hukum sumo aijo'.

IBRANI 4:12

Potatae nu Tumpu aijo'mo na potatae anu tumuu' ka' mahoson; molingkudui tajom nu bajak anu ko matanyo ohua'. Potatae aijo' monsusuk toka-toka i kinyonyoa ka' santuu'; toka-toka i to losu-losuan ka' touak na buku, sahingga monsumbu' totu-totu'u pikilan ka' tanga'an nu mian.

IBRANI 5:12

Sabenannyo tempo'nyomo na komiu timbali gulu', panyo nanasamo taalu' komiu daagi' ahi' palalu balagulu' pe'e hi mian sangga'at mongkona alati'nyo nu pangajalan nu Tumpu. Komiu ma'isa timbali mongala kaanon anu mokuut; komiu daagi' tionyo ola monginum susu.

1 PETRUS 4:11

Mian anu mompotokakon lele, tionyo ahi' mompotokakon lele anu lengkat mae hi Tumpu; mian anu mongkalesang kapalaluan nu mian sangga'at, tionyo mongkalesang nu kahosonan anu lengkat mae hi Tumpu, da i uno nu iwi-iwi na han, Tumpu na opopodaka' kalana i Yesus Kristus. Ia na anu ko kuasa ka' patut opopodaka' sampe toka sidu-sidutu'. Amin.