SISIKON NU TO RASUL-RASUL 7:36 - KITAB NU TUMPU ALLA LELE MA'IMAI'

³⁶ I Musa ai-aijo'mo na polaya' nu bansa Israel nosabat lengkat i Mesir ka' nombau anu okabangangi tiba hahan anu ma'isa toho' tinimbali i Mesir, i Ambai anu Momea' ka' i padang ewa kinopinnyo patom pulu' na taun.

SISIKON NU TO RASUL-RASUL 7:36 ပူးပေါင်းရင်းမြစ်များ

NEHEMIA 9:10

Kona hi tomundo' Mesir binaumo nu Belento na hahan anu opalias. Ka' suele kona hi mian anu kopangkat ka' mule' hi mian da'isan anu i lipu' nu aha, kalana osumbu' nu Belento mosia na mian anu palesayamo hi Belento, sisinakisamo nu aha. Lantas tinalasanggomo na sanggo nu Belento sampe sinaa uuka aiya.

MAZMUR 95:10

Pinatompulu' na taun na kopinnyo na aku lewa' nonguahi nontoa aha; Aha notataemo: Totu-totu'u, bansa aijo' madi' tulu-tulutan! Aha madi' mompajuli iwi-iwi' na palentah-ngKu.

MAZMUR 95:8

“Boli panggaga na belemiu susumo mompolee' nu belemiu kiijo' mae i Meriba, susumo tempo'nyo aha kiijo' mae i Masa, i tampat padang anu mateges.

NOSABATMO 12:41

I sinaa pupuusnyomo nu taun ko 430 nyomo aijo' iwi-iwi' na mian anu pinalesayamo hi Tumpu nojonjulumo nompala'imo mae tano' nu Mesir.

NOSABATMO 14:21

Lantas tinangkakonmo i Musa na limanyo nokiijo' i ambai, sahingga Tumpu nompotimbalimo baleba' nu kabete'an anu makansang hondo so'mo nompuuhakon sahingga ambai nokekesmo. Sinampahu na pinuuhan nu baleba' aijo' sahingga ambai nongabali'mo, tinimbalimo katano'an.

NOSABATMO 16:35

Manna aijo' binaumo kaanon nu aha mian Israel kopinnyo pinatompulu' na taun, i lambakonnyo tinoka i Kana'an, tampat anu kinajojoonganmo nu aha. (

NOSABATMO 3:20

Panyo Ku pakeje na kakuasa'an-Ku, ka' mohukum Mesir nu to bala-balaa' anu okabuhuk anu ku pokona hi aha kiijo' mae. Lapas aijo' ia mompobee'je belemiu mamba.

NOSABATMO 33:1

Lantas Tumpu notataemo hi Musa, “Pala'imo na tampat aijo' ka' lako'mo tiba bansa anu binoamo mae nu beleyum lengkat i Mesir aijo' namba i lipu' anu jinanji'-Kumo hi Abraham, Ishak, ka' i Yakub tiba lee' nu aha.

YOHANES 4:48

I Yesus notatae hi anu ko pangkat mokalaja i pamalentah aijo', “De komiu madi' montoa anu okabangangi, komiu madi' palesaya.”

SISIKON NU TO RASUL-RASUL 13:18

Sinabaanakonnyo na mongkona kalakuan nu aha i padang bolaa patompulu' na taun na kopinnyo.

SISIKON NU TO RASUL-RASUL 7:42

Sahingga Tumpu nompala'imo aha ka' nompojohokmo aha monsombah to manda-mandala' i langit. Aijo' pokakanamo tiba apaa na anu tinulis i uno nu kitab nu to nabi-nabi. Sumo uuka, ‘O to mia-mian nu Israel! Misa'mo bau baging-Ku komiu mongkolot ka' mongkulubanakon binatang pinatompulu' na taun na kopinnyo i padang bone'.

PO'ULE' INGULIT 8:4

Kopinnyo patompulu' na taun pihude miu madi' maluso ka' tengke miu madi' ahi' bangkak.

IBRANI 3:9

‘Kiijo' mae mompolee' miu nonsobaimo Aku, ka' nonguji'mo Aku’, na koo-Nyo nu Tumpu, ‘padahan aha nontoamo anu binaung-Ku patompulu' na taun na kinopinnyo.’

IBRANI 8:9

Misa' sumo palajanjian anu binaung-Kumo tiba mompolee' nu aha tempo'nyo Aku nolaya' nosabat mae lengkat i lipu' Mesir. Aha madi' tinulu-tulutan anu binaung-Kumo tiba aha; aijo' na sababnyo Aku madi'mo mompajuli aha.