SISIKON NU TO RASUL-RASUL 7:35 - KITAB NU TUMPU ALLA LELE MA'IMAI'

³⁵ I Musamo aiyamo na i Musa anu madi' nuka'ima' nu bansa Israel ka' anu madi' otalima nu aha ka' notatae sumo uuka, ‘Ihemo na nohangkat beleyum timbali polaya' ka' mian kopian mami?’ Panyo iamo na mian anu sinai nu Tumpu timbali polaya' ka' pomposalamat, kalana bantuan lengkat hi malaikat anu tinoka hi ia i kuhat anu moak aijo'.

SISIKON NU TO RASUL-RASUL 7:35 ပူးပေါင်းရင်းမြစ်များ

MAZMUR 75:7

Kalana anu momputusi ulusan misa' molengkat mae i sasu kabete'an kabai i sasu kinsoban misa' mule' molengkat mae i sasu utara kabai i sasu selatan.

MAZMUR 77:20

Belento i lumajangmo nontulu bokon, i lumajang i ndalangon, panyo lawo nu Belento madi' tinoa-toa.

NOSABATMO 14:19

Lantas malaekat nu Tumpu Allah anu aita' momona i suludadu nu Israel, nolalinmo nokaiyong mae i mihi. Ka' nolalinmo suele na hohung nu kundom sahingga tinokamo

NOSABATMO 14:24

Ohanimo maliana Tumpu nontoamo lengkat mae aita' i jingka nu apu ka' hohung nu kundom nokiijo' hi suludadu nu aha Mesir ka' nompokalangkabutmo.

NOSABATMO 2:14

Tinaaman nu mian aijo', “Ihe na anu nohangkatmo beleyum timbali polaya' ka anu momputusi kami? Te beleyum suele mongka'oho' mompatei aku, susumo mian nu Mesir anu pinateanmo nu beleyum aijo'?” Lantas i Musa nabuhukmo ka' binapikinmo, “Silakamo! Kalakuanku sinumbu'mo nu aha”.

NOSABATMO 32:34

Lako'mo uuka aiya, ka' boa na aha aijo' i tampat anu pinoto'ing-Kumo hi beleyum. Malaekat-Kuje na molaya' beleyum, panyo tempo'nyo memang tokamo mian haha aijo' Kuhukumo kalana dosa' haha aijo' nu aha.”

NOSABATMO 33:2

Aku monsaije samian na malaekat da molaya' belemiu. Aku molaa'je bansa nu Kana'an, Amori, Het, Feris, Hewi ka' Yebus.

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

NOMBILANGMO 20:16

ka' kami nongkakasemo hi Tumpu nomoita tulung. Ia nohongomo poitaon mami ka' nonsaimo mae samian na malaekat. Malaekat aijo' nolaya'mo mae kami nosabat i tano' nu Mesir. Uuka aiya kami kiijo'mo i Kades, sa'angu' na kota kiijo' i potempasan nu da'erah nu belento Tuanku.

MARKUS 12:26

Ka' mongkona mian silaka po'ule' opotumuu', pa' ma'isa toho' nombasa' i uno nu kitab i Musa mongkona kumbung anu i noak aijo'? I uno nu to ayat-ayat aijo' tinulis saba' Tumpu notatae hi Musa, ‘Akumo na Tumpu i Abraham, Tumpu i Ishak, ka' Tumpu i Yakub.’

LUKAS 19:14

Panyo tumpu nu lipu' aijo' mongka'ideki ia. Jadi, salatan ia i nambamo, aha nonsaimo bobotokon da mompoto'i, ‘Kami madi' mongka'oho' mian aiya timbali tomundo mami.’

YOHANES 18:40

Aha nontaami molo-moloboo', “Madi', boli na Ia, panyo i Barabas!” (I Barabas mian anu saja' batololang.)

YOHANES 19:15

Aha nolo-noloboo'mo, “Pateimo na Ia! Pateimo na Ia! Salibmo na Ia!” I Pilatus nompokilawa, “Tionyo ku salibmo na tomundo miu?” To kapa-kapala nu imam nontaami, “Samata-mata i Kaisar na tomundo mami!”

SISIKON NU TO RASUL-RASUL 2:36

Aijo' na sababnyo iwi-iwi' mian nu Israel tionyo monsumbu' totu-totu'u saba' i Yesus anu sinalibmo miu aijo', i Yesus ati-atina'mo na anu pinotimbalimo nu Tumpu, timbali Tumpu ka' Tomundo anu Momposalamat!”

SISIKON NU TO RASUL-RASUL 3:22

I Musa toho'mo notatae, ‘Tumpu Tumpu miu monsaije hi komiu samian na nabi lengkat i posi bansa miu, sumo Ia nonsaimo aku. Komiu tionyo mohongo iwi-iwi' anu nutaloakon nu nabi aijo' hi komiu.

SISIKON NU TO RASUL-RASUL 5:31

Ka' Tumpu nombee'mo hi Ia kapalentahan ka' kakuasa'an anu matangkas sumo Polaya' ka' Pomposalamat; da bansa Israel obee'i tempo' da balatobat bolimo mombau to dosa-dosa'nyo ka' mohumpak'je ka'ampunan.

SISIKON NU TO RASUL-RASUL 7:30

Patom pulu' na taun lapas aitu, samian na malaikat tinokamo hi Musa i padang ewa ohani Bungkut nu Sinai. Malaikat aijo' tinoka i uno nu apu i kuhat anu hau-haunyo moak.

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

KOLOSE 1:15

I Kristus te gambalan nu butong nu Tumpu anu madi' kantoan; i Kristus te anak anu tumpe, lebe penting molingkudui iwi-iwi' apaa na anu pinotimbalimo.

IBRANI 2:2

Iwi-iwi' na anu pinotuunmo ka' pinotokakonmo nu to mala-malaikat hi mompolee'to i nyata'mo hondo, ka' mian anu madi' montuluti, kabai mian anu madi' montapali mohumpak hukuman anu konanyomo na o hukum sumo aijo'.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!

1 SAMUEL 10:27

Panyo to pia-piangkuka na mian anu ma'idek na kinyonyoanyo notatae, “Te kokaliangannyo mule' na mian aiya hi kita?” Aha madi' mongadati i Saul ka' madi' mombee'i palasen apa-apaa hi ia. Panyo ia mingadi-adi'au' aitu madi' nu sumbu'.

1 SAMUEL 12:8

Tempo'nyo i Yakub tiba aha salaigan tinoka i Mesir, ka' aha mian nu Mesir nonsakisamo aha, mompole'nu belemiu nomoitamo tulung hi Tumpu lantas sinaimo nu Tumpu na i Musa tiba i Harun. Ua aha na mian aijo' nomboamo mompole'nu belemiu nosabat lengkat mae i Mesir ka' nontulungimo aha jinojoongmo i lipu' aijo'.