SISIKON NU TO RASUL-RASUL 7:34 - KITAB NU TUMPU ALLA LELE MA'IMAI'

³⁴ Aku nontoamo ka' nompalahatikanmo ideknyo nu kasansala'an nu mian-Ku i Mesir. Aku nohongomo indi nu aha ka' Aku mambamo mompobebas aha. Uuka aiya, imbo'! Aku monsaimo beleyum minsusule' mokiijo' i Mesir.’

SISIKON NU TO RASUL-RASUL 7:34 ပူးပေါင်းရင်းမြစ်များ

KAJADIAN 11:5

Sahingga nintau'mo mae na Tumpu nontoa kota ka' menara anu pinotinjomo nu manusia.

KAJADIAN 11:7

Sahanyo Kita mintatau'mo ka' mompotabuntala' basa' nu aha da aha madi'mo mopaha sumbu' sisik samian ka' samian.”

KAJADIAN 18:21

Mokonyo aijo' Aku kahanda' mamba mokiijo' da opalesa pa' iwi-iwi' na anu opisala'i, anu i hongongkumo aijo' to tu'u kabai madi'.”

NEHEMIA 9:9

Tinoamo nu belento na kasansala'an nu mompolee' mami tempo'nyo naipuan mae anu ihikuhakonmo; ihongomo nu Belento na aha i humang kiijo' i Mesir ka' mule' kiijo' i ambai Teberau.

MAZMUR 105:26

Lantas Ia nonsaimo i Musa posaihonnyo, ka' i Harun mian anu pinile'an-Nyomo.

MAZMUR 106:44

Panyo ihongomo mae nu Tumpu na aha nolobo', ia nonginau'mo kasusa'an nu aha.

MAZMUR 144:5

O, Tumpu, bukaimo mae na langit nu Belento ka' pintatau'mo mae, sintungmo na bungkutnyo iwi-iwi' da mintibukmo.

NOSABATMO 3:14

Notatae na Tumpu Allah, “Aku memang AKU DAAGI'. Aiyamo na anu tionyo nu taloakon hi bansa Israel, Iamo na anu osa-osanggohi AKU DAAGI', nonsaimo mae aku toka hi belemiu.

NOSABATMO 4:31

Sahingga pinalesayamo na aha, ka' salatan aha nohongomo taalu' Tumpu daagi' monginau' bansa Israel ka' nontoamo iwi-iwi' na kasansalan nu aha, aha dinumaladupumo ka' nonsombahmo.

YESAYA 64:1

Beakmo mae na langit ka' pintatau'mo mae, o, Tumpu, genggomo na bungkutnyo iwi-iwi' da gayu'anmo i ahop nu Belento,

HOSEA 12:13

I Yakub mompolee'to nopalaimo namba i Mesopotamia, lantas da timbali mohumpak bengkele' ia nomoitamo da bau posaihon hi aha mian anu kiijo' mae ka' lewa'mo nolaya' domba nu mian aijo'.

MIKHA 6:4

Belemiu binoang-Kumo nosabat nompala'i Mesir ka' pinolapas-Kumo da madi'mo binotuanan; Aku nonsaimo i Musa, i Harun tiba Miryam da molaya' belemiu.

NOMBILANGMO 11:17

Aku mintatau'je mae ka' motatae hi beleyum i tampat atina' ka' sambagian na kuasa anu binee'-Kumo hi beleyum, Ku bee'mo hi aha. Sahingga timbalimo na aha montulungi beleyum mongkalesang hingga-hinggat bansa aiya, ka' bolimo ola posi beleyum na mongkalesang.

YOHANES 3:13

Ma'isa toho' ko samian pe'e anu noliba'mo i suluga', ola ahi' Ia anu nintatau' i Dunia aijo'mo Anak nu Mian.

YOHANES 6:38

Kalana Aku nintatau' mae lengkat i suluga', misa' mombau anu posi pongka'oho'ku, panyo pongka'oho'-Nyo nu anu nonsai mae Aku.

TO MIA-MIAN KOPIAN 2:18

De Tumpu mombee'imo samian na polaya' hi bansa Israel, Tumpu saja' montulungi polaya' aijo'. Ka' de polaya' aijo' daagi' tutuu' Tumpu saja' montoa aha da boli opoposia nu sampobali' nu aha. Ia molibos hi aha de ia mohongo aha susa'mo kalana osansalamo ka' sakisamo.