SISIKON NU TO RASUL-RASUL 7:2 - KITAB NU TUMPU ALLA LELE MA'IMAI'

² Tinaaman i Stefanus, “To Utu-utus ka' to Tutuuma! Soba hongo na aku! Ma'isa pe'e mompolee'to i Abraham nolalin nokiijo' i Haran, tempo'nyo ia daagi' jojoong i Mesopotamia, Tumpu anu opopodaka' tinokamo hi ia,

SISIKON NU TO RASUL-RASUL 7:2 ပူးပေါင်းရင်းမြစ်များ

KAJADIAN 11:31

I Terah nompala'i kota Ur i da'erah Babilonia hingga-hinggat tiba i Abram anaknyo, i Lot makumpunyo, ka' i Sarai moniannyo boune, aijo'mo bengkele' i Abram. Ia ko kahanda' mamba i lipu' Kanaan. Panyo salatan tinokamo i Haran aha jinojoongmo ikiijo' mae.

KAJADIAN 12:1

Tumpu notataemo hi Abram, “Pala'imo na lipu' no beleyum, sampoto utusan nu beleyum ka' laigan nu tuuma nu beleyum, lantas mambamo i lipu' anu Ku potiju' hi beleyum.

KAJADIAN 15:7

Lapas aijo' Tumpu po'ule' mule' notatae hi ia, “Akumo na Tumpu, anu nolaya'mo mae beleyum nosabat lengkat mae i lipu' Ur anu ikiijo' mae i Babilonia, da mombee' tano' aiya hi beleyum timbali beleyumo na tumpunyo.”

KAJADIAN 29:4

Lantas pinokilawamo i Yakub hi to pola-polaya' anu daagi' ikiijo', “To sanga-sangalu lengkat mae iya na belemiu aiya?” “Lengkat mae i Haran”, na tinaaman nu aha.

NEHEMIA 9:7

Belentomo na Tumpu Allah, Tumpu Anu Sa'a-sa'angunyomo. Belento nompile'imo i Abram aijo' hi bansanyo. Lipu' Ur kiijo' i Babel pinala ian-Nyomo, kalana posi Belentomo na nolaya' mae ia. Lantas binee'anmo nu Belento na ia sanggo anu bau binau pombolosi: i Abraham, aijo'mo na saja' pinolaga ia mulai tempo'nyo aitu.

MAZMUR 24:10

Ihe na Tomundo' anu talasanggo aijo'? Tumpu Anu Daka' hondo na Kuasanyo, Iamo na Tomundo' anu talasanggo!

MAZMUR 24:7

Po'ewa na montuhea'akon sabatan daka' anu pini-pininmo, da minsoopmo na Tomundo' anu talasanggo aijo'.

MAZMUR 29:3

Tumpu anu oholomati hondo sumomo ahi' gohung ibawo nu ambai potatae-Nyo naloungmo ibawo nu ndalangon.

YESAYA 37:12

Tempo'nyo mompolee'ku mae nohansunimo kota' Gozan, Haran tiba Resef ka' mule' nompateimo aha mian nu Eden anu jojoong i Telasar, madi' kosamian pe'e na pilogot nu aha haha aijo' na noko ala nomposalamat aha.

YESAYA 51:2

Inau' na mompolee' nu belemiu i Abraham, tiba i Sara anu nonompohampemo belemiu; tempo'nyo Aku nolagamo i Abraham, ia madi' kino anak; lantas binalakatan-Kumo na ia ka' binee'an-Kumo manjoo' hondo na lee'nyo.

YESAYA 6:3

Aha motatae daka-daka' hi samian toka hi samian: “Susi', susi', susi'. Susi' na Tumpu Anu Daka' na Kuasanyo. Ia anu talasanggo Nu songkohi na dunia aiya.”

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

LUKAS 2:14

“Puji' na Tumpu i langit anu matangkas hondo! Ka' i bawo nu dunia, salamatmo na mian anu momposanang kinyonyoa nu Tumpu!”

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 12:41

I Yesus notatae sumo aijo' kalana ia nontoamo kadaka'an i Yesus, ka' nonsisikmo mongkona Ia.

SISIKON NU TO RASUL-RASUL 22:1

“To tutuuma ka' to Utu-utus iwi-iwi'! Aku mompotoka kahondoanku hi komiu. Soba potombihing!”

SISIKON NU TO RASUL-RASUL 23:7

Salatan notatae sumo aijo', to mia-mian nu Farisi ka' to mia-mian nu Saduki aijo' nontampu'unimo pinainggaga, sahingga anu momputusi aijo' noobagimo tinimbalimo ohua' na gombuan. (

SISIKON NU TO RASUL-RASUL 7:1

Imam Daka' nompokilawa hi Stefanus, “Apaa anu tinaloakonmo nu mian aijo' iwi-iwi' totu'u?”

1 KORINTUS 2:8

Madi' ko samian pe'e na anu mongkuasai tempo' uuka monsumbu' kapandean aijo'. Kalana de sinumbu'mo nu aha, tantu aha madi' nonsalib Tumpu anu ko angga'annyo aijo'.

EFESUS 1:17

Aku nongkakasemo da Tumpunto i Yesus Kristus, Tuuma anu opopodaka' mombee'i Roh-Nyo hi komiu. Roh aijo' mompotimbalije belemiu pande, ka' momponyata'je Tumpu hi komiu, sahingga belemiu monsumbu'mo Ia.

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

IBRANI 11:8

Kalana bala'iman, sahingga i Abraham tulu-tulutan hondo hi Tumpu, tempo'nyo Tumpu nolagamo ia ka' nonsaimo ia namba i lipu' anu jinanji'mo nu Tumpu hi ia. Lantas i Abraham nambamo, padahan madi' nusumbu' pa' moya na kalambanannyo.

YAKOBUS 2:1

To Utu-utusku! Salaku mian anu pinalesayamo hi Tumpu Yesus Kristus, Tumpu Anu Talasanggo hondo, boli ola komiu montoa ohup nu mian kalana hahan anu i dunia.

YOSUA 24:2

Lapas aijo' i Yosua notataemo hi aha iwi-iwi', “Potombihing mae apaa na anu pinoto'imo nu Tumpu, Tumpu Allah nu Israel hi belemiu, ‘Naipuan mae mompolee' nu belemiu jinojoongmo i santoa nu Kaunyo Efrat, ka' nonsombahmo to pilo-pilogot. Samian anu aijo' hi aha aijo'mo i Terah, tuuma i Abraham ka' i Nahor.

ANU PINOTO'I HI YOHANES 4:11

“O Tumpu, o Tumpu mami! Ola Belento na pantas montalima pompuji', pongadati ka' kuasa. Kalana Belento na nompotimbali iwi-iwi' na apaa, ka' kalana pongka'oho' nu Belento suele iwi-iwi' apaa tinimbalimo, ka' tinumuu'mo.”