SISIKON NU TO RASUL-RASUL 6:8 - KITAB NU TUMPU ALLA LELE MA'IMAI'

⁸ I Stefanus talalo nu balakati nu Tumpu sahingga ia nombaumo manjoo' na anu okabangangi ka' hahan anu talalo hondo hi aha mian da'isan.

SISIKON NU TO RASUL-RASUL 6:8 ပူးပေါင်းရင်းမြစ်များ

YOHANES 4:48

I Yesus notatae hi anu ko pangkat mokalaja i pamalentah aijo', “De komiu madi' montoa anu okabangangi, komiu madi' palesaya.”

SISIKON NU TO RASUL-RASUL 6:10

Panyo aha madi' noko ala nombahakon apaa na anu tinaloakon i Stefanus, kalana Roh nu Tumpu nombee'i ia kapandean motatae.

SISIKON NU TO RASUL-RASUL 6:15

Iwi-iwi' mian anu tinokamo i uno nu ulusan Mian Kopian Daka' nu Agama aijo' nontoa i Stefanus. Ka' tempo'nyo aitu ohup i Stefanus tinoa sumomo ohup nu malaikat.

SISIKON NU TO RASUL-RASUL 6:3

Jadi, sahanyo kita to Utu-utus mompile'i anu atina' hi komiu aha popitu' na anu kinyonyoanyo ma'ima' ka' nu kuasai nu Roh nu Tumpu tiba pande, anu timbali opokalaja mami mongulus hahan aiya;

SISIKON NU TO RASUL-RASUL 6:5

Iwi-iwi' na mian aijo' situju tiba pongka'oho' nu to rasul-rasul aijo'. Lantas aha nompile'i i Stefanus, samian na anu palesaya hondo hi Yesus ka' nukuasai nu Roh nu Tumpu. Suele tinompile'i: i Filipus, i Prokhorus, i Nikanor, i Timon, i Parmenas, ka' i Nikolaus lengkat i Antiokhia; ia misa' mian nu Yahudi, panyo ninsoopmo agama nu Yahudi.

SISIKON NU TO RASUL-RASUL 7:55

Panyo i Stefanus anu kinuasanmo nu Roh nu Tumpu, nonsinda langit. Ia nontoamo kadaka'an nu Tumpu ka' i Yesus tinuminjomo i tampat kakuasa'an sasu koanan nu Tumpu.

SISIKON NU TO RASUL-RASUL 8:6

Salatan to mia-mian nohongomo i Filipus notatae ka' aha nontoamo hahan anu okabangangi binaunyo, da'isan na anu aijo' hi aha nompalahatikanmo apaa na anu tinaloakon i Filipus.

EFESUS 4:11

Iamo na anu “mombee'i palasen-palasen hi mian”; sambagian i hangkat-Nyo tinimbali rasul, sangga'at tinimbali nabi; sangga'at mule' tinimbali pompolele Lele Ma'ima' aijo', ka' sangga'at mule' i hangkat-Nyo tinimbali to gulu-gulu' ka' pongatun jama'at.

1 TIMOTIUS 3:13

To mia-mian anu ma'ima' na timbali pabantun nu jama'at, saidi' mae o'angga'i ka' timbali kobabaaninyo na motatae mongkona kapalesaya'an nu aha hi Kristus.