SISIKON NU TO RASUL-RASUL 6:7 - KITAB NU TUMPU ALLA LELE MA'IMAI'

⁷ Sumo aitumo na lele lengkat hi Tumpu nompaka togilelemo ka' anu saja' mombatuki Yesus i Yerusalem nompaka da'isanmo. Ka' da'isan mule' na to ima-imam anu pinalesayamo hi Yesus.

SISIKON NU TO RASUL-RASUL 6:7 ပူးပေါင်းရင်းမြစ်များ

2 TAWARIKH 29:34

To ima-imam anu nomposusi'mo butongnyo madi' da'isan na mongkiliti binatang haha aijo'. Kalana aitu aha tinulunganmo nu to mia-mian Lewi, kalana mian nu Lewi na talalo tulu-tulutan hi atulan nu momposusi'. Aha tataap montulungi sampeje sukupmo na imam anu momposusi'mo butongnyo.

2 TAWARIKH 30:24

I Tomundo Hizkian nombee' 1.000 na sapi' lakinyo ka' 7.000 na domba. To mia-mian anu ko pangkatnyo mokalaja hi Hizkia nombee' 1.000 na sapi' lakinyo ka' 10.000 na domba. Iwi-iwi' na binatang haha aijo' binee'mo hi mian da'isan da okolot ka' o kaan. Manjoo' hondo na to ima-imam nomposusi'mo butong nu aha.

MAZMUR 132:16

To ima-imam nu aha mompotoamo kasalamatan anu lengkat mae hi belengku; aha mian manyanyimo ka' montaligalaimo kalana lame'mo.

MAZMUR 132:9

O'amalakon da mian anu pinalesayamo hi Belento montaligalai kalana lame'mo, ka' to ima-imam nu Belento saja' tumuu' montuluti pongka'oho' nu Belento.

MATIUS 19:30

Panyo da'isan na mian anu tempo' uuka tongkoimoona timbali anu tongkoimihi, ka' anu tempo' uuka tongkoimihi timbali anu tongkoimoona.”

LUKAS 2:34

I Simeon nombalakati aha, ka' notatae hi Maria tina nu Anak aijo', “Anak aiya pinile'anmo nu Tumpu da mombahayai ka' momposalamat manjoo' na mian nu Israel. Ia timbalije tanda lengkat mae hi Tumpu, anu nugagakon nu mian da'isan,

YOHANES 12:42

Mau mule' sumo aitu, da'isan na mian, tiba sangga'at na anu mongkuasai Yahudi pinalesayamo hi Yesus. Panyo aha aijo' palesaya nu pohowini nu aha, kalana aha mabuhuk boli-boli mian nu Farisi madi' mompobee' aha minsoop i Laigan Pogalejaan.

SISIKON NU TO RASUL-RASUL 12:24

Sahingga potatae nu Tumpu nompaka togilele jo'o-jo'on ka' nompaka padodomo.

SISIKON NU TO RASUL-RASUL 13:8

Panyo i Barnabas ka' i Saulus ginagakon i Elimas anu monsumbu' ilimu' aijo', kalana i Elimas (aijo'mo na sanggonyo i uno nu bansa nu Yunani) bala usaha da gubernur aijo' boli sampe palesaya hi Yesus.

SISIKON NU TO RASUL-RASUL 14:22

I kota-kota aijo' aha nompaka pohoson kinyonyoa nu anu saja' mombatuki Yesus ka' nompokinde'i anu saja' mombatuki aijo' da tataap palesaya hi Yesus. “Kita tionyo manjoo' na mongoa'i sansala i moonanyo, atina'je ka' kita mongoa'i ka'ima'an nu Dunia Bu'ou nu Tumpu,” sumo aitumo na to rasul-rasul aijo' mongajanakon hi anu saja' mombatuki Yesus i to kota-kota haha aijo'.

SISIKON NU TO RASUL-RASUL 19:20

Tiba jalan anu okabangangi sumo aijo', potatae nu Tumpu nompaka togilelemo ka' nompaka pahosonmo na kuasanyo.

SISIKON NU TO RASUL-RASUL 2:47

Aha saja' mompuji-puji' Tumpu ka' nuka'ima'i nu mian iwi-iwi'. Toka sansina-sinaa konjoo'nyo nu aha saja' mintuang kalana Tumpu mombee' hi aha to mia-mian anu oposalamat.

SISIKON NU TO RASUL-RASUL 21:20

Noko hongo sisik i Paulus aijo', aha iwi-iwi' nompuji'mo Tumpu. Lapas aijo' aha notatae hi Paulus, “Utusku Paulus! Kita utus tionyo monsumbu' saba' nomada-madalamo na to mia-mian Yahudi anu pinalesayamo hi Yesus. Aha iwi-iwi' aijo'mo, na to mia-mian anu saja'mo nombatuki atulan i Musa.

SISIKON NU TO RASUL-RASUL 6:1

Anu saja' mombatuki Yesus ko pipinnyo ko pintu-pintuangnyo manjoo'. Tempo'nyo aitu to mia-mian nu Yahudi anu motatae nu basa' Yunani, madi'mo sinanang hi to mia-mian anu daagi' Yahudi totu-totu'u. Anu mobasa' Yunani aijo' notatae, “To bouboune mami anu binalumo madi' sinukup nu pontulungi bau balanja sansina-sinaa anu binagi-bagiakon hi to mia-mian.”

ROMA 1:5

Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

ROMA 16:26

Panyo uuka aiya, kalana palentah nu Tumpu anu madi' ko kamingkotannyo, tanga'an aijo' pinonyata'mo ka' binebakonmo hi iwi-iwi' na bansa, han aijo' tinoa hi anu tinulismo nu to nabi-nabi, da aha iwi-iwi' palesaya ka' mohongo-hongo hi Tumpu Allah.

GALATIA 1:23

Aha ola nohongomo mian notatae, “Mian anu u'utu mae nonsakisamo kami, uuka nombebakonmo kapalesaya'an anu u'utu mae ka'oho'mo nu hopu'i.”

GALATIA 6:10

Jadi' de daagi' ko tempo' hi kita, tionyo ahi' kita mombau anu ma'ima' hi iwi-iwi' na mian, anu talalo hondo, toka hi to Utu-utusto sangko mian anu pinalesayamo totu-totu'u.

KOLOSE 1:6

Lele lengkat mae hi Tumpu aijo' tinogilelemo i songko-songko na dunia, ka' kantumuu'an nu mian lajangmo binalakatan nu lele aijo', pokakana sumo kantumuu'an miu binalakatanmo salatan pe'e tempo'nyo komiu nohongomo balakat nu Tumpu, ka' totu-totu'u ingoa'anmo.

2 TESALONIKA 1:8

ka' ko apunyo anu balea-leak. Ia mintau' da mohukum to mia-mian anu madi' mompajuli Tumpu, ka' anu madi' ka'oho' tumuu' sosok tiba Lele Ma'ima' mongkona i Yesus Tumpunto.

2 TIMOTIUS 2:9

Kalana mompolele Lele Ma'ima' aijo', nonsaduakonmo aku sinilaka; pinaka mule' i lante' sumo samian anu uesan. Panyo potatae nu Tumpu madi' opoko ala o lante'.

IBRANI 11:8

Kalana bala'iman, sahingga i Abraham tulu-tulutan hondo hi Tumpu, tempo'nyo Tumpu nolagamo ia ka' nonsaimo ia namba i lipu' anu jinanji'mo nu Tumpu hi ia. Lantas i Abraham nambamo, padahan madi' nusumbu' pa' moya na kalambanannyo.

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,

YUDAS 1:20

Panyo komiu, to Utu-utusku, saja' ahi' opokopiani na kantumuu'an miu mintoong i kapalesaya'an miu hi Yesus Kristus. Iman nu belemiu atina' talalo hondo susi'. Ka' suele balado'a ahi' i uno nu kuasa nu Roh nu Tumpu,

YUDAS 1:3

To Utu-utus anu okanonongi! Aku totu-totu'u ko kahanda' nontulis sulat toka hi belemiu mongkona kasalamatan anu bubuu'mo ingoa'anto. Panyo uuka aiya aku palalu hondo mompokinde'i komiu nu sulat aiya da komiu saja' bala usaha da iman anu minsanmo na binee' nu Tumpu sampemo ahi' toka sidu-sidutu' hi mian anu palesayamo hi Ia.