SISIKON NU TO RASUL-RASUL 6:5 - KITAB NU TUMPU ALLA LELE MA'IMAI'

⁵ Iwi-iwi' na mian aijo' situju tiba pongka'oho' nu to rasul-rasul aijo'. Lantas aha nompile'i i Stefanus, samian na anu palesaya hondo hi Yesus ka' nukuasai nu Roh nu Tumpu. Suele tinompile'i: i Filipus, i Prokhorus, i Nikanor, i Timon, i Parmenas, ka' i Nikolaus lengkat i Antiokhia; ia misa' mian nu Yahudi, panyo ninsoopmo agama nu Yahudi.

SISIKON NU TO RASUL-RASUL 6:5 ပူးပေါင်းရင်းမြစ်များ

KAJADIAN 41:37

I Tomundo tiba anu ko pangkatnyo sangga'at monsitujuimo tanga'an i Yusuf aijo'.

AMSAL 15:1

Tiba pontaami anu madi' kopesa-pesa tambuha' timbali mohuhus; panyo de pontaami anu talalo mapohos mombau da ola mompaka motambuha'.

AMSAL 15:23

Potatae anu otaeakon kona memang itempo'nyo mompotoka mae kasanangan nu kinyonyoa,

MIKHA 3:8

Panyo mongkona ibutongku aiya, Tumpu nombee'imo mae aku roh-Nyo tiba kuasa-Nyo. Aku binee'an-Nyomo balakat da monsumbu' ka'adilan ka' mule' kabaanian da moko ala mompoto'i hi aha mian nu Israel iwi-iwi', na anu binaumo nu aha.

MATIUS 23:15

Silakamo na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! Komiu mamba majo-majo'on motaap i ambai, ka' lumajang monsongkohi katano'an ola ahi' mombau samian da minsoop i agamaum. Ka' salatan mian aijo' ninsoopmo i agamaum, komiu monsaduakonmo ia salon nu nalaka. Lipat pinduan lebe ma'idek molingkudui komiu!

SISIKON NU TO RASUL-RASUL 11:19

Lapas i Stefanus pinatean, to mia-mian anu palesayamo hi Yesus mulaimo saja' iloloi', sahingga aha noga'a-ga'atmo iyayamae. Daagi' ko anu nalai sampe tinoka i Fenisia, ka' daagi' mule' ko anu tinoka kiijo' mae i Siprus ka' i Antiokhia. Aha nompolele lele anu lengkat hi Tumpu ola hi to mia-mian nu Yahudi.

SISIKON NU TO RASUL-RASUL 11:20

Panyo daagi' ko anu hi aha to mia-mian anu palesayamo aijo', anu nolengkat mae i Siprus ka' i Kirene, daagi' mule' ko to mia-mian anu namba nokiijo' i Antiokhia ka' nompolele Lele Ma'ima' mongkona i Yesus aijo' hi to mia-mian anu madi' bala agama Yahudi.

SISIKON NU TO RASUL-RASUL 11:22

To sisi-sisik mongkona kajadian-kajadian aiya tinoka tokamo suele hi jama'at i Yerusalem. Sahingga aha nonsaimo i Barnabas mokiijo' i Antiokhia.

SISIKON NU TO RASUL-RASUL 11:24

I Barnabas aiya mian anu ma'ima' na kinyonyoanyo ka' nukuasai nu Roh nu Tumpu tiba talalo palesaya hi Tumpu sahingga da'isan na mian nontulutimo Tumpu.

SISIKON NU TO RASUL-RASUL 11:26

Salatan siningkabotmo i Saulus, ia nomboamo i Saulus nokiijo' i Antiokhia ka' sinataun ahi' na aha nosa'angu' tiba jama'at kiijo' mae ka' nongajan da'isan na mian. Kiijo'mo i Antiokhia na to mia-mian anu palesayamo hi Yesus momonaje hondo sinanggohan to mia-mian Kristen.

SISIKON NU TO RASUL-RASUL 11:27

Tempo'nyo aitu daagi' ko to pia-piangkuka na nabi lengkat mae i Yerusalem nokiijo' i Antiokhia.

SISIKON NU TO RASUL-RASUL 13:1

I uno nu jama'at Antiokhia, daagi' ko nabi-nabi ka' to gulu-gulu', aitumo i Barnabas ka' i Simeon, anu o sanggohi mule' Si Hitam, i Lukius lengkat mae i Kirene, i Menahem anu pinotuu' hingga-hinggat i Tomundo Herodes, ka' i Saulus.

SISIKON NU TO RASUL-RASUL 15:22

To rasul-rasul ka' to pola-polaya', nohingga-hinggat tiba iwi-iwi' mian anu ninsoopmo jama'at aijo' nomputusimo da mompile'imo to pia-piangkuka na mian anu kiijo' hi aha anu osai mamba mokiijo' i Antiokhia mohingga-hinggat tiba i Paulus ka' i Barnabas. Sahingga aha nompile'imo i Silas ka' i Yudas anu o sanggohi i Barsabas. Ua'aha na mian aiya, aitumo to mia-mian anu talasanggo ka' mian anu palesayamo kiijo' i Yerusalem.

SISIKON NU TO RASUL-RASUL 2:4

Aha iwi-iwi' kinuasanmo nu Roh nu Tumpu, ka' nontampu'unimo notatae tiba ngangahan nu basa' sangga'at. Aha motatae nombatukimo apaa na anu pinoto'i nu Roh aijo' hi aha da otaloakon.

SISIKON NU TO RASUL-RASUL 21:8

Dodododopnyo kami namba mule', lantas tinokamo i Kaisarea. I kiijo' kami namba hi Gulu Injin sanggonyo i Filipus, lantas jinojoong i laigannyo. Ia sala'samian aha anu popitu' na mian anu pinile'an kiijo' i Yerusalem.

SISIKON NU TO RASUL-RASUL 22:20

Sumo aitu mule' salatan anu nonsakisi Kita i Stefanus pinateanmo, aku daagi' i kiijo' ka' nonsetujuimo aha nompatei aijo'. Aitu pe'e aku na nonjagai baju' nu to mia-mian anu nompatei ia.’

SISIKON NU TO RASUL-RASUL 6:10

Panyo aha madi' noko ala nombahakon apaa na anu tinaloakon i Stefanus, kalana Roh nu Tumpu nombee'i ia kapandean motatae.

SISIKON NU TO RASUL-RASUL 6:3

Jadi, sahanyo kita to Utu-utus mompile'i anu atina' hi komiu aha popitu' na anu kinyonyoanyo ma'ima' ka' nu kuasai nu Roh nu Tumpu tiba pande, anu timbali opokalaja mami mongulus hahan aiya;

SISIKON NU TO RASUL-RASUL 6:8

I Stefanus talalo nu balakati nu Tumpu sahingga ia nombaumo manjoo' na anu okabangangi ka' hahan anu talalo hondo hi aha mian da'isan.

SISIKON NU TO RASUL-RASUL 7:1

Imam Daka' nompokilawa hi Stefanus, “Apaa anu tinaloakonmo nu mian aijo' iwi-iwi' totu'u?”

ANU PINOTO'I HI YOHANES 2:15

Sumo aitu mule' daagi' ko anu itina' hi belemiu na to mia-mian anu mintoong i pangajalan nu to mia-mian anu montuluti i Nikolaus.

ANU PINOTO'I HI YOHANES 2:6

Mau pe'e daagi' ko apa-apaa anu ma'ima' hi belemiu, aijo'mo: Komiu nongka'idekimo apaa na anu binaumo nu to mia-mian anu nombatukimo i Nikolaus, anu suele Ku ka'ideki.