SISIKON NU TO RASUL-RASUL 6:3 - KITAB NU TUMPU ALLA LELE MA'IMAI'

³ Jadi, sahanyo kita to Utu-utus mompile'i anu atina' hi komiu aha popitu' na anu kinyonyoanyo ma'ima' ka' nu kuasai nu Roh nu Tumpu tiba pande, anu timbali opokalaja mami mongulus hahan aiya;

SISIKON NU TO RASUL-RASUL 6:3 ပူးပေါင်းရင်းမြစ်များ

NOSABATMO 18:21

Panyo tionyo ahi' suele beleyum mompile'i to pia-piangkuka na mo'ane anu pande, ka' mohangkat aha timbali polaya' hi mian anu samadala, mian anu sa'atu, mian anu limampulu' ka' mian anu sampulu'. Aha tionyo ahi' to mia-mian anu mabuhuk ka' mohongo-hongo Tumpu Allah, ka' timbali opalesaya ka' madi' mongka'oho' mongala doi bau pontutup palakala.

YESAYA 28:26

Nu sumbu' mosia na mokalaja kalana ingajanmo nu Tumpunyo.

YESAYA 28:6

Tumpu mombalakatimo da adin na to mia-mian kopian ka' mule' da baani na to mia-mian anu monjaga kota' de bisuanyo ko anu mae montumbuhi.

MATIUS 23:8

Panyo komiu, boli mongka'oho' o laga ‘Tuumangku Gulu'’, kalana Gulu'um ola sa'angu', ka' komiu iwi-iwi' moto utus.

YOHANES 21:23

Sahingga tinogilele hi anu saja' mombatuki Yesus, au' aitu anu saja' mombatuk madi' silaka. Padahan i Yesus madi' nontaloakon anu saja' mombatuki aijo' madi' silaka. Ola ahi', “Maluannyo Ku kahanda'i ia satumuu'nyo sampe Aku toka, aijo' misa' ponsumbu'anum.”

SISIKON NU TO RASUL-RASUL 1:15

Kinosansinaan aitu, tempo'nyo aha hau-haunyo sinilimu'mo – daagi' kila-kila sa'atu ka' uampulu' na mian anu tinoka – i Petrus tinuminjomo mongka'oho' motatae. Ia notatae,

SISIKON NU TO RASUL-RASUL 1:21

Kalana aijo', tionyo ahi' daagi' ko toto samian anu mombatuki kita da timbali sakisi saba' i Tumpu Yesus po'ule'mo tinumuu' maumo Ia sinilakamo. Mian aijo' tionyo ahi' sala'samian lengkat hi to mia-mian anu saja' mo'imboa tiba kita tempo'nyo kita nombatuki i Tumpu Yesus noyaya, lengkat pe'e i Yohanes nontampu'uni nompalamandikan sampe tempo'nyo i Yesus i hangkat nokiita' i suluga', lengkat aiya hi kita.”

SISIKON NU TO RASUL-RASUL 10:22

Tinaaman nu aha, “Kapiteng Kornelius nonsai mae kami toka mae i uuka. Ia samian anu ma'ima' ka' mabuhuk hi Tumpu, tiba talalo otabea'i nu iwi-iwi' mian Yahudi. Samian na malaikat nu Tumpu nonsai ia mompoita i Tuan toka pe'e i laigannyo kalana, salaku bau pontaami do'anyo, ia sinai mohongo apaa na anu otaloakon i Tuan hi ia.”

SISIKON NU TO RASUL-RASUL 15:23

Hingga-hinggat tiba anu sinai aijo', aha mule' nompakatumo sa'angu' na sulat anu onyi'nyo sumo uuka, “Toka hi iwi-iwi' na to utu-utus anu nolengkat mae i to bansa-bansa sangga'at anu misa' Yahudi, anu jojoong i Antiokhia, i Siria ka' i Kilikia. Salan do'a mami, to rasul-rasul, ka' to pola-polaya', aijo'mo to utu-utus miu.

SISIKON NU TO RASUL-RASUL 16:2

Anu i kiijo' to mia-mian anu palesayamo anu jojoong i Listra ka' i Ikonium, i Timotius tinalasangmo, mian anu ma'ima'.

SISIKON NU TO RASUL-RASUL 2:4

Aha iwi-iwi' kinuasanmo nu Roh nu Tumpu, ka' nontampu'unimo notatae tiba ngangahan nu basa' sangga'at. Aha motatae nombatukimo apaa na anu pinoto'i nu Roh aijo' hi aha da otaloakon.

SISIKON NU TO RASUL-RASUL 22:12

I kiijo' daagi' ko samian sanggonyo i Ananias. Ia samian na anu pa' agama ka' mohongo-hongo montuluti palentah i Musa. Iwi-iwi' mian nu Yahudi anu jojoong i Damsyik mongadati hondo ia.

SISIKON NU TO RASUL-RASUL 28:14

I kiijo' mae kami nompahakabotmo tiba to pia-piangkuka na mian anu palesayamo hi Yesus, ka' kalana kami ilagamo nu aha sahingga kami jinojoongmo tiba aha sina'angu' na duminggu na ko pinnyo. Lantas kami namba nokiijo' i Roma.

SISIKON NU TO RASUL-RASUL 6:2

Kalana aitu, aha sampu-sampulu' ka' ohua' na to rasul-rasul aijo' nolimu' iwi-iwi' anu saja' mombatuk ka' notatae hi aha, “Madi' ma'ima' de kami belenti na mompolele potatae nu Tumpu Allah, kalana tionyo mongulus apaa na anu okaan.

SISIKON NU TO RASUL-RASUL 6:5

Iwi-iwi' na mian aijo' situju tiba pongka'oho' nu to rasul-rasul aijo'. Lantas aha nompile'i i Stefanus, samian na anu palesaya hondo hi Yesus ka' nukuasai nu Roh nu Tumpu. Suele tinompile'i: i Filipus, i Prokhorus, i Nikanor, i Timon, i Parmenas, ka' i Nikolaus lengkat i Antiokhia; ia misa' mian nu Yahudi, panyo ninsoopmo agama nu Yahudi.

SISIKON NU TO RASUL-RASUL 6:6

Aha popi-popitu' na mian aijo' opoita hi to rasul-rasul, da to rasul-rasul aijo' mondo'akon mompoita balakat hi Tumpu toka hi aha.

SISIKON NU TO RASUL-RASUL 9:30

Salatan to mia-mian palesaya sangga'atannyo nonsumbu'mo mongkona han aijo', aha nomboa i Saulus nokiijo' i Kaisarea, lapas aitu nonsai ia nokiijo' i Tarsus.

1 KORINTUS 12:8

Toka hi samian, Roh aijo' mombee'i balakat da basisik o angga'i. Toka hi sangga'at Roh suele ai-aijo'mo na mombee'i balakat da monsisikakon Tumpu.

1 KORINTUS 16:3

De aku tokamo kusaije na to mia-mian anu sinitujuanmo miu. Kubee'ije na aha sulat pongantan, da nu boa nu aha na doi anu bau pontulungi aijo' kiijo' mae i Yerusalem.

EFESUS 5:18

Boli komiu malangu nu anggur, kalana aijo' mongidei komiu. Ola ahi' maunyo komiu nukuasai nu Roh nu Tumpu.

PO'ULE' INGULIT 1:13

Pilei'mo hi posi-posi bansa ka' da kuhangkat na aha bau polaya' miu.

1 TIMOTIUS 5:10

talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

3 YOHANES 1:12

Iwi-iwi' na mian mompuji' i Demetrius. Maumo Tumpu suele mompuji' ia. Kami suele mompuji' ia, ka' osumbu' nu kita Utus saba' apaa na anu pinotokakonmo mami timbali opalesaya.