SISIKON NU TO RASUL-RASUL 6:10 - KITAB NU TUMPU ALLA LELE MA'IMAI'

¹⁰ Panyo aha madi' noko ala nombahakon apaa na anu tinaloakon i Stefanus, kalana Roh nu Tumpu nombee'i ia kapandean motatae.

SISIKON NU TO RASUL-RASUL 6:10 ပူးပေါင်းရင်းမြစ်များ

AYUB 32:18

Madi'mo sabaan na aku montanda'i. Madi'mo daagi' ku poko ala ku intim na potataengku.

AYUB 32:8

Panyo anu mombee'i kapandean bapikin hi manusia, ola Roh nu Tumpu Allah Anu Daka' hondo na kuasanyo.

NOSABATMO 4:12

Uuka aiya, lako'mo, Ku tulingije na beleyum motatae ka' mompogulu' apaa na anu tionyo nu taloakon”.

YESAYA 54:17

Panyo toto sa'angu' na toongon anu tinutukmo mongewa beleyum, madi' kino hasinnyo. Ka' toto sa'angu' na tuduhan i uno nu pomputusianmo palakala nu pobukutimo taalu aijo' sala'. Ku bee'ije palasen salaku tanda imenangmo hi to posa-posaihon-Ku,” sumo aijo' na koonyo nu Tumpu.

YEREMIA 15:20

Beleyum Ku potimbalimo sumo benteng tambaga da madi'mo nu poko pinsoopi mae nu aha. Aha saidi' mae mompahampateakonmo beleyum panyo madi' ahi' moko ala mompatundu' beleyum. Ku sangaluimo na beleyum da ojagai ka' momposalamat beleyum.

YEHEZKIEL 3:27

Saidi' mae de Aku po ule'mo motatae hi beleyum ka' po ule'mo mombee' kahosonan nu beleyum da timbalimo motatae, beleyum tionyo ahi' mompotokakonmo apaa na anu Ku poto'i, Aku, Tumpu Anu Matangkas na Kuasanyo mompoto'i hi aha. Sambahagian na aha aijo' saidi' mae mompotombihing, panyo sambagian mule' na madi' ahi' kalana aha memang bansa anu saja' motomuhuk.”

MIKHA 3:8

Panyo mongkona ibutongku aiya, Tumpu nombee'imo mae aku roh-Nyo tiba kuasa-Nyo. Aku binee'an-Nyomo balakat da monsumbu' ka'adilan ka' mule' kabaanian da moko ala mompoto'i hi aha mian nu Israel iwi-iwi', na anu binaumo nu aha.

LUKAS 1:17

Ia timbali pokauhon nu Tumpu anu mahoson, ka' bala kuasa sumo i Elia. Ia mompodameje tuuma ka' anak, ka' mian anu madi' tulut nu laya'je minsusule' i jalan pikilan anu hondo. Sumo aijo' na ia momposadia mian anu sadiamo toka hi bele nu Tumpu.”

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

YOHANES 7:46

Anu monja-monjagai aijo' nontaami, “Bee', ma'isa toho' ko mian anu notatae sumo Ia!”

SISIKON NU TO RASUL-RASUL 5:39

Panyo de aijo' nolengkat mae hi Tumpu, tantu to Utu-utus madi' moko ala mohungku'i aha. Panyo ola ahi' ugaat to Utu-utus na madi' mohongo-hongo Tumpu.” Pokinde' i Gamaliel aitu tinalima nu Mian Kopian Daka' nu Agama.

SISIKON NU TO RASUL-RASUL 6:11

Kalana aijo' aha nontamboi to pia-piangkuka na mian da motatae, “Kami nohongo mian aijo' mongise-ise'akon i Musa ka' Tumpu!”

SISIKON NU TO RASUL-RASUL 6:9

Panyo daagi' ko to mia-mian anu madi' montalima ia; aha aijo'mo to mia-mian anu mogaleja i laigan pogalejaan anu osa-osanggohi Laigan Pogalejaan nu to Mia-mian anu Madi' Tataap. To mia-mian anu mogaleja i laigan pogalejaan aijo' atina'mo to mia-mian nu Yahudi lengkat mae i Kirene ka' i Aleksanderia. Aha tiba to mia-mian nu Yahudi lengkat mae i Kilikia ka' i Asia nahanggaga tiba i Stefanus.

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

1 KORINTUS 2:4

Lele anu pinotokakon hi komiu madi' pinotokakonku nu potatae anu mompagala mongendei susumo kapandean nu dunia. Aku nompotokakon aijo' tiba jalan momponyata', saba' Roh nu Tumpu Allah ko kuasanyo.