SISIKON NU TO RASUL-RASUL 5:5 - KITAB NU TUMPU ALLA LELE MA'IMAI'

⁵ Salatan i Ananias nohongomo potatae aijo', ia notua' lantas natemo. Iwi-iwi' mian anu nohongo mongkona apaa na anu tinimbali aijo' i nabuhukmo.

SISIKON NU TO RASUL-RASUL 5:5 ပူးပေါင်းရင်းမြစ်များ

2 TOMU-TOMUNDO' 2:24

I Elisa nosiloi ka' nontoa aha lantas sinumpa'akonnyomo na aha i uno nu sanggo nu Tumpu. Madi' pinin ohua' na beruang behenyo nosabatmo mae i kuhat ka' nombente-bentek aha patompulu' ka' ohua' na to ana-anak anu sinihuk aijo'.

1 TAWARIKH 13:12

Panyo i Daud mabuhuk ahi' hi Tumpu Allah sahingga ia notataemo “Uuka aiya mosiamo da Peti' Palajanjian aijo' timbali ku poko ala ku boa?”

1 TAWARIKH 15:13

Tempo'nyo Peti' aijo' palatamanyo i lalin, belemiu madi' ko anu i kiijo' da nomboa. Kalana aijo' Tumpu Allah-nto nohukummo kita kalana monsombah ia panyo madi' mombatuki pongka'oho'nyo.”

MAZMUR 119:120

Aku ilangkakatanmo kalana nabuhukumo hi Belento, kinyonyoangku nangada'mo kalana kaputusan nu Belento.

MAZMUR 64:9

Aha silakamo kalana potatae nu aha na monsaduakon; iwi-iwi' na anu montoa kino bilok-bilokmo.

YEREMIA 5:14

Lantas Tumpu Anu Mahakuasa hondo notataemo mae hi belengku, “O Yeremia kalana mian haha aijo' notataemo sumo aijo', saba' aha nu tuda'imo mae nu balaa' anu kokoonyo nu aha madi' mule' jadi. Ku pojadimo na potataengku pokakana susumo apu i uno nu nganga' nu beleyum. Bansa aijo' sumomo kau' anu oposun ka' apu aijo' montoyo'imo aha sampe mingkot.”

YEHEZKIEL 11:13

Hau-haunyo aku montaloakon potatae aijo', monti-montiik ahi' i Pelaca notua'mo ka' sinilakamo. Sahingga aku mule' tinolodadupumo nonsombah ka' notatae daka-daka', “Ibeh Tumpu Anu Matangkas na Kuasanyo! Pa' iwi-iwi' na Israel anu tinon tuha' aiya nu pateimo nu Belento?”

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

SISIKON NU TO RASUL-RASUL 13:11

Uuka aiya toa, Tumpu mohukummo beleyum! Beleyum timbali mapisok, sampe beleyum to pia-pian sinaa madi' moko ala montoa jingka nu sinaa.” Tempo'mo aitu na i Elimas nongoa'i daagi' ko seehu' anu mo'itom mohuhubi matanyo, sahingga ia lumajang mahakawan molio mian da montaka' ia.

SISIKON NU TO RASUL-RASUL 2:43

Manjoo' hondo na anu okabangangi binau nu to rasul-rasul aijo' sahingga, iwi-iwi' na mian binangangmo ka' nabuhukmo.

SISIKON NU TO RASUL-RASUL 5:13

Ka' mian anu i sambiha'nyo madi' ko anu baani toka sihuk tiba to mia-mian anu palesayamo aijo'. Panyo to mia-mian anu palesayamo aijo' o'adati hondo nu mian da'isan.

1 KORINTUS 4:21

Jadi pile'imo apaa na talalo oka'ima'i miu! Pa' komiu mongka'oho' da aku toka masigo na mompogulu' komiu, kabai aku toka mompogulu' nu kinyonyoa molibos ka' manonong?

2 KORINTUS 13:10

Mokonyo aijo' aku nontulismo sulat aiya tempo'nyo aku ma'isa itina' hi komiu. Desumo aijo', de aku tokamo saidi' mae, madi'mo pilenje mapohos na aku mompalentah komiu mompake kakuasa'an anu binee' nu Tumpu hi belengku. Kakuasa'an aijo' binee' da pombangonakon komiu, misa' da bau pohansuni.

2 KORINTUS 13:2

To mia-mian anu tempo'nyo naipuan mae nombaumo dosa' ka' mian iwi-iwi' sangga'at pinoto'ingkumo momonanyo tempo'nyo aku namba nolenga komiu kinopinduannyo. Uuka aiya hau-haunyo aku to majo'onan tiba komiu, po'ule' ku poto'i, saba' de aku po'ule'mo toka madi' ko samian pe'e itina' hi aha na anu madi' o hukum.

2 KORINTUS 7:11

Soba po'inau'akon miu apaa na hasinnyo hi komiu nu kalibosan anu mo'imboa kahanda' nu Tumpu! Hasinnyo aijo'mo komiu totu-totu'u bala usaha da mompokopiani anu ma'idek! Komiu mongka'idekimo dosa', komiu mabuhukmo, komiu molibosmo, komiu timbalimo bikas, komiu halala'mo na mohukum anu ko sala'nyo! I uno nu iwi-iwi' na han aiya komiu mompotoamo saba' komiu madi' ko sala'nyo.

PO'ULE' INGULIT 13:11

Sahingga iwi-iwi' na bansa Israel mabuhukmo kalana nohongomo lele nompatei aijo' sahingga madi'mo daagi' ko samian na anu mombau kalakuan anu ma'idek sumo aijo'.

PO'ULE' INGULIT 21:21

Lantas to momo'ane nu kota aijo' tionyo ahi' mompahambunu'akon anak aijo' nu batu sampe mate. Sumo aijo' na belemiu mombau da bolimo ko anu ma'idek sumo aijo'. Iwi-iwi' na aha mian nu Israel aijo' mohongo apaa na anu binaumo aijo' sahingga mabuhukmo.”

YOSUA 22:20

Sabole-bole o inau' na i Akhan anak i Zerah madi'mo nongka'oho' nombatuki palentah nu Tumpu mongkona bala-balang anu tionyo ahi' o idei ka' apaa na kina'ahenannyo. Iwi-iwi' na mian nu Israel i hukum! Anu binaladosa' ola i Akhan, panyo anu sinilaka misa' ola ia!”

ANU PINOTO'I HI YOHANES 11:13

Sahingga tempo'nyo aijo' jinadimo na luulu' daka' hondo. O bagi sampulu' sambahagian na kota aijo' i hansun, ka' popitu' na madala na mian i natemo nu luulu' aijo'. To mia-mian sangga'atannyo aijo' nabuhukmo hondo, lantas aha nompuji'mo katalasanggoan nu Tumpu i suluga'.

ANU PINOTO'I HI YOHANES 11:5

De mian mongkahanda'i mombau apa-apaa anu madi' ma'ima' hi aha, saba' lengkat i nganga' nu aha mosabatmo na apu anu mompatei sampo bali' nu aha. Tiba jalan anu sumo aijo', iwi-iwi' na mian anu mongka'oho' monsakiti aha, o pateimo.