SISIKON NU TO RASUL-RASUL 5:39 - KITAB NU TUMPU ALLA LELE MA'IMAI'

³⁹ Panyo de aijo' nolengkat mae hi Tumpu, tantu to Utu-utus madi' moko ala mohungku'i aha. Panyo ola ahi' ugaat to Utu-utus na madi' mohongo-hongo Tumpu.” Pokinde' i Gamaliel aitu tinalima nu Mian Kopian Daka' nu Agama.

SISIKON NU TO RASUL-RASUL 5:39 ပူးပေါင်းရင်းမြစ်များ

KAJADIAN 24:50

I Laban ka' i Betuel nontaami, “Kalana anu jinadimo aiya nolengkat mae hi Tumpu, kami madi' pantas mombee'i katantuan sangga'at.

2 SAMUEL 5:2

Salatanmo pe'e naipuan mae, ka' mule' tempo'nyo i Saul daagi nompalentah kami, belentomo Tomundo' na nongkapali suludadu nu Israel de aha mambamo mahampate, ka' mule' Tumpu binalajanji'mo hi belento Tomundo' na molaya' mian anu pinalesayamo hi Ia, ka' timbaliomo tomundo' nu aha mian Israel.”

1 TOMU-TOMUNDO' 12:24

“Boli mompahampateakon mian nu Israel na belemiu kalana aha aijo' to utu-utus nu belemiu. Pinsusule'mo! Apaa na anu jiandimo aijo' pongka'oho'kumo.” Sahingga aha iwi-iwi' nontulutimo palentah nu Tumpu. Lantas ninsusule'mo na aha i laigan nu aha toto samian.

2 TOMU-TOMUNDO' 19:22

Beleyum nonsumbu'mo pa' ihe na inguda-udahanmo ka' pinopoambangmo nu beleyum aijo'? Akumo na Tumpu Allah nu Israel, Tumpu Allah anu Susi'! Kobubuun hondo na langkas nu beleyum hi belengku.

AYUB 34:29

De nutantukanmo nu Tumpu Allah da momohokotmo, madi' ko samian anu moko ala mompisala'i Ia. De nuposuluk na ahup-Nyo, madi' ko samian na anu moko ala mongkabot Ia.

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

YESAYA 43:13

sampe toka sidu-sidutu' Akumo aiya na tataap Tumpu. Madi' ko anu madi' i uno nu kakuasa'an-Ku, kabai montewa' anu tinanga'an-Kumo.”

YESAYA 45:9

Silakamo na mian anu painggaga tiba anu Nompotimbali ia; ia pokakanamo sumo kuhon tano' anu madi' tulut hi mian anu nombau ia. Pa' toho' mule' tano' ponto nompokilawa hi anu nombaumo kuhon tano', “Apaa na kalaja nu beleyum atina'?” Pa' toho' mule' kuhon tano' motusa'tukoonyo anu nombaumo ia madi' pande?

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

MATIUS 16:18

Kalana aijo' osumbu'mo, beleyum atina' i Petrus, batu anu mahoson. Ka' aita' i batu, aiya na Aku mompotinjo Grejang-Ku, anu madi' opoko hungku'i; mau mule' anu monsilakai!

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

SISIKON NU TO RASUL-RASUL 11:17

Jadi hondo-hondomo Tumpu mombee'i suele hi to mia-mian anu madi' bala agama Yahudi aijo', anu o bee' pokakana tiba anu binee'-Nyo hi kita tempo'nyo kita pinalesayamo hi Tumpu Yesus Kristus. Kalana aijo', te toho' mule' aku montewa' Tumpu!”

SISIKON NU TO RASUL-RASUL 23:9

Jadi talalomo hondo na pinainggaga. To pia-piangkuka na mian nu Farisi anu tinimbalimo gulu' agama tinuminjomo ka' nonggagakon totu-totu'u. Aha notatae, “De mongala i pongka'oho' mami, mian aiya sangkiding pe'e madi' ko sala'nyo! Ugaat totu'u daagi' ko roh kabai malaikat anu notatae hi ia!”

SISIKON NU TO RASUL-RASUL 6:10

Panyo aha madi' noko ala nombahakon apaa na anu tinaloakon i Stefanus, kalana Roh nu Tumpu nombee'i ia kapandean motatae.

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

SISIKON NU TO RASUL-RASUL 9:5

“Ihe na Kita Tuan?” pinokilawa i Saulus. Lewo' aijo' nontaami, “Akumo na i Yesus, anu osakisa nu beleyum.

1 KORINTUS 1:25

Kalana anu otoa ponga' hi Tumpu, aijo' na pande molingkudui kapandean nu mian; ka' anu otoa madi' moko ala hi Tumpu, aijo' na lebe mahoson molingkudui kahosonan nu mian.

1 KORINTUS 10:22

Kabai o kita mongka'oho' mombau Tumpu ma'idekan na kinyonyoanyo? Te kita lebe mahoson molingkudui Tumpu?