SISIKON NU TO RASUL-RASUL 5:36 - KITAB NU TUMPU ALLA LELE MA'IMAI'

³⁶ Kalana u'utu mae toho' i lubat na i Teudas, anu monsangka butongnyo mian daka', sahingga kila-kila pato atu na mian nombatuki ia. Panyo ia pinatean ka' iwi-iwi' na anu nombatukimo ia nosubalimo ka' anu ingusahakonnyo pe'e madi'mo ko anu pinia.

SISIKON NU TO RASUL-RASUL 5:36 ပူးပေါင်းရင်းမြစ်များ

MATIUS 24:24

Kalana tokaje mae na anu momposalamat padahan anu madi' totu'u, ka' to nabi-nabi anu madi' totu'u. Aha mombau palabuatan-palabuatan anu o palias, ka' hahan anu okabangangi bau pongakali, de timbali, mau mian anu palesayamo hi Tumpu suele.

MATIUS 24:26

De mian motatae hi komiu, ‘Toa, Ia daagi' aijo' i padang bolaa!’ – boli komiu mokiijo'. Kabai motatae, ‘Toa, Ia matisuluk i uno nu kaman aiya!’ – boli palesaya.

MATIUS 24:5

Kalana da'isan na mian anu toka mae mongala sanggong-Ku ka' motatae, ‘Akumo na Tomundo anu Momposalamat!’ Da'isan na mian nu akali nu aha.

SISIKON NU TO RASUL-RASUL 21:38

“Desumo aitu, beleyum misa' mian nu Mesir anu u'utu mae nombaumo kahengge'an lantas nompalaiyakonmo opat na madala na mian anu mompokalangkabut nomboa bau pimuhuk ninsoop i padang bolaa?”

SISIKON NU TO RASUL-RASUL 5:35

Lapas aitu ia notatae hi Mian Kopian Daka' nu Agama aijo', “To Utu-utus mian Israel! Tutugi ima-ima' mongkona apaa na anu obau nu to Utu-utus hi to mia-mian haha aiya.

SISIKON NU TO RASUL-RASUL 8:9

I kota aijo' daagi' ko samian na mo'ane sanggonyo i Simon, anu noko to pia-piamangamo na tempo'nyo nombau to mia-mian nu Samaria tinalagoda nu ilimu'nyo. Ia nompoto'i hi to mia-mian tukoonyo ia mian hebat.

GALATIA 2:6

Maumo sumo aitu, madi' ko hahan anu ma'isa toho' ihongo nu aha na pagalamo nu tuntut nu aha hi belengku, nu to mia-mian anu osangka pande – hi belengku madi' ko bedanyo de aha pande kabai madi', kalana Tumpu madi' montoa ohup nu mian.

GALATIA 6:3

De daagi' ko samian monsangka butongnyo talasanggo padahan madi', mian aijo' mombaleko'imo posi butongnyo.

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.

2 PETRUS 2:2

Mau mule' sumo aijo', nanjoo'mo na mian nombatukimo jalan nu kantumuu'an nu to gulu-gulu' anu madi' totu'u aijo' anu kinuasanmo nu napisu nu aha. Ka' pakalaja'an nu to gulu-gulu' haha aijo' nonsaduakonmo da nanjoo'mo na mian nonjojoamo Jalan Anu Totu'u mamba hi Tumpu.

YUDAS 1:16

Mian haha aijo' ola saja' motusa' ka' mompisala'i to mia-mian sangga'at. Aha tumuu' montuluti apaa na anu nukamilui nu aha anu moko baladosa'. Aha mombuulakon posi butong ka' mongakali mian da mohumpak ka'untungan.

ANU PINOTO'I HI YOHANES 17:3

Lantas Roh nu Tumpu nongkuasaimo aku, ka' malaikat nomboamo aku i padang mateges. I kiijo' mae aku nontoa samian na boune suha-suhang aita' i sa'angu' na binatang anu bulunyo momea' hondo, ka' anu kaho tulisan nu to sanggo-sanggo anu mompopo'ise' Tumpu. Binatang aijo' ko ubaknyo popitu' ka' tanduknyo sampulu'.

ANU PINOTO'I HI YOHANES 17:5

I siakannyo tuli-tulis sa'angu' na sanggo anu madi' osumbu-sumbu' na alati'nyo. Sanggo aijo', aijo'mo Babel Anu Daka'; tina nu iwi-iwi' mian masala' ka' mian anu palaganta i dunia.