SISIKON NU TO RASUL-RASUL 5:35 - KITAB NU TUMPU ALLA LELE MA'IMAI'

³⁵ Lapas aitu ia notatae hi Mian Kopian Daka' nu Agama aijo', “To Utu-utus mian Israel! Tutugi ima-ima' mongkona apaa na anu obau nu to Utu-utus hi to mia-mian haha aiya.

SISIKON NU TO RASUL-RASUL 5:35 ပူးပေါင်းရင်းမြစ်များ

YEREMIA 26:19

Panyo i Tomundo' Hizkia tiba aha mian nu Yehuda madi' nompatei i Mikha. Ola ahi' i Hizkia nabuhukmo hi Tumpu ka' nongkakasemo da okalibosi. Sahingga Tumpu madi'mo nonsidahi niat-Nyo mompateimo aha. Ka' uuka aiya, me ise-ise' kita nompotokamo mae balaa' anu daka' hondo iposi butongto.”

MATIUS 27:19

Tempo'nyo aitu i Pilatus hau-haunyo sinumuhang i kulusi, anu pomputusian palakala, bengkele'nyo nompotuun potuunon sumo uuka hi ia, “Boli beleyum matigalo' i palakala hi mian anu madi' ko kosala'nyo aijo', sabab kalana Ia, aku kino ipion ma'idek sinaa aiya.”

SISIKON NU TO RASUL-RASUL 19:36

Madi' ko samian pe'e na moko ala monggagakon han aijo'. Kalana aijo' momohokot ka' boli mombau apa-apaa ka' ko sia-sia'.

SISIKON NU TO RASUL-RASUL 22:26

Nohongo aijo', suludadu aijo' namba hi kapala nu pasukan ka' notatae, “Apaa na kahanda' anu obaunto nu Kita Tuuma? Mian aiya layat nu negara Roma!”

SISIKON NU TO RASUL-RASUL 5:34

Panyo anu kiijo' i sangalu nu Mian Kopian Daka' nu Agama aijo' daagi' ko samian na mian nu Farisi sanggonyo i Gamaliel. Ia gulu' agama anu otabea'i hondo nu iwi-iwi' na mian. Ia tinuminjo lantas nonsai momboa monsabatakon to rasul-rasul haha aijo' sasaingoni'.

SISIKON NU TO RASUL-RASUL 5:36

Kalana u'utu mae toho' i lubat na i Teudas, anu monsangka butongnyo mian daka', sahingga kila-kila pato atu na mian nombatuki ia. Panyo ia pinatean ka' iwi-iwi' na anu nombatukimo ia nosubalimo ka' anu ingusahakonnyo pe'e madi'mo ko anu pinia.