SISIKON NU TO RASUL-RASUL 5:25 - KITAB NU TUMPU ALLA LELE MA'IMAI'

²⁵ Lapas aitu tinoka na samian na mo'ane nomboa mae lele aijo', “Hongo! To mia-mian anu pinosoop nu Tuan-tuan i talungku' aijo', uuka aiya hau-haunyo mongajan mian da'isan i Laigan nu Tumpu!”

SISIKON NU TO RASUL-RASUL 5:25 ပူးပေါင်းရင်းမြစ်များ

MAZMUR 107:14

Aha i uno nu pikat, sinabatakon-Nyomo, ka' nombotu'akonmo lante' besak anu pinompungu aha.

YEREMIA 26:2

Tumpu notataemo mae hi belengku, “Lako mamba tuminjo' ipopasan nu Laigan-Ku ka' potataemo hi aha mian anu jojoong Yehuda anu toka mae monsombah ikiijo'. Poto'i hi aha iwi-iwi' na anu Ku palentahkon hi beleyum da opoto'iakon hi aha. Boli oga'ai mau ola sangkiding.

DANIEL 3:13

Nohongo lele aijo' i tomundo' pinusamo hondo, lantas nompalentahmo da aha totototolu' na mian haha aijo' oboa mae mangadap hi ia.

MATIUS 10:18

Komiu tionyo oboa i ahop nu anu batu-batu ko kuasa ka' to tomu-tomundo', kalana komiu anu saja' mombatuki Aku. Ka' aijo' na kasampatan hi komiu da mombee' katalangan mongkona aku hi aha, ka' hi to mia-mian anu madi' monsumbu' Tumpu.

YOHANES 11:46

Panyo to pia-piangkuka na aha i kiijo' i namba hi mian nu Farisi mompoto'i apaa na anu binaumo i Yesus.

SISIKON NU TO RASUL-RASUL 3:1

Daagi' kino sansinaan i Petrus ka' i Yohanes namba i Laigan nu Tumpu jam totolu' ohanimo malom, tempo'nyomo nu balado'a.

SISIKON NU TO RASUL-RASUL 5:24

Salatan to sulu-suludadu anu monjagai Laigan nu Tumpu ka' to kapa-kapala nu imam nohongo potatae aijo', aha biningungmo mongkona to rasul-rasul haha aijo', ka' nabuhukmo pa' apaa na anu timbali.

SISIKON NU TO RASUL-RASUL 5:26

Jadi suludadu anu monjagai Laigan nu Tumpu aijo' tiba to sanga-sangalunyo namba po'ule' nongala to rasul-rasul haha aijo'. Panyo aha madi' nontambuha'i, sabab aha mabuhuk hi mian da'isan; dumo saidi' mae mian da'isan aijo' mompahambunu'akon aha nu batu.