SISIKON NU TO RASUL-RASUL 5:20 - KITAB NU TUMPU ALLA LELE MA'IMAI'

²⁰ “Lako'mo tinjo i Laigan nu Tumpu ka' poto'i hi to mia-mian mongkona kantumuu'an bu'ou aiya.”

SISIKON NU TO RASUL-RASUL 5:20 ပူးပေါင်းရင်းမြစ်များ

NOSABATMO 24:3

Lantas i Musa nambamo ka' nombebakonmo hi bansa aijo' iwi-iwi' na palentah ka' atulan nu Tumpu. Aha iwi-iwi' nontaami hingga-hinggat, “Obaumo mami iwi-iwi' na anu tinaloakonmo nu Tumpu.”

YESAYA 58:1

Tumpu notatae, “Poloboo'mo hoso-hoson! Poto'imo hi mian anu palesayamo hi beleng-Ku na ko dosa-dosa' nu aha.

YEREMIA 26:2

Tumpu notataemo mae hi belengku, “Lako mamba tuminjo' ipopasan nu Laigan-Ku ka' potataemo hi aha mian anu jojoong Yehuda anu toka mae monsombah ikiijo'. Poto'i hi aha iwi-iwi' na anu Ku palentahkon hi beleyum da opoto'iakon hi aha. Boli oga'ai mau ola sangkiding.

YEREMIA 36:10

Lantas binasa'akonmo i Barukh na kitab anu ilulun aijo' iwi-iwi' na anu kiijo' ikitab apaa na anu pinoto'ingkumo ka' iwi-iwi' na mian nohongomo. Nombasa' aijo' binau kiijo' i uno nu Laigan nu Tumpu ikantoon i Gemarya anak i Salum julutulis nu negara. Kantoon aijo' binau ipopasan sasu aita' mae, koko jalan pinsoopan i Sabatan Daka' Bu'ou kiijo' i Laigan nu Tumpu.

YEHEZKIEL 33:7

O manusia anu madi' tumuu' batu, beleyum ihangkat-Kumo da bau ponjagai bansa Israel. Poto'i hi aha na pokinde' aiya;

MATIUS 10:27

Apaa na Kutaloakon hi beleyum i uno nu pintung tionyo o ulit miu ijingka de sinaamo. Ka' apaa na anu o oyongakon i bihingum, o sisikakon hi mian da'isan aijo' mana-manasa!

MATIUS 21:23

Lapas aijo', i Yesus ninsusule' i Laigan nu Tumpu, lantas ninsoop ka' nongajan i kiijo'. Tempo'nyo Ia hau-haunyo mongajan, Kapala nu to Ima-imam ka' to pola-polaya' nu Yahudi tinokamo hi Ia ka' nompokilawa, “Apaa na alasan nu Beleyum mombau iwi-iwi' aiya? Ihe na nombee'i hak aiya hi Beleyum?”

YOHANES 12:50

Ka' Kusumbu' saba' palentah-Nyo aijo' mombee'i kantumuu'an kopian ka' toka sidu-sidutu'. Jadi Aku mompotokakon sumo anu pinogulu'mo nu Tuuma hi belengku.”

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

YOHANES 17:8

Pinoto'ingkumo hi aha na potatae nu kita Tuuma anu binee'mo hi beleng-Ku; ka' tinalimanyomo nu aha. Sinumbu'mo nu aha taalu' Aku tinoka mae totu-totu'u lengkat hi kita Tuuma ka' aha nompalesayamo taalu' kita Tuuma na nonsai mae Aku.

YOHANES 18:20

I Yesus nontaami, “Aku saja' basisik sahondo-hondonyo i ahop nu mian da'isan. Aku saja' mompogulu' i to lai-laigan Pogalejaan ka' i Laigan nu Tumpu, tampat nu mian Yahudi biasanyo silimu'. Madi' toho' Aku montaloakon apa-apaa maninsuluk.

YOHANES 6:63

Anu nompotimbali mian tumuu' aijo'mo Roh nu Tumpu. Kahosonan nu mian madi' ko kaliangannyo. Potatae anu Ku taloakon hi komiu aiya, aijo'mo na potatae nu Roh nu Tumpu ka' potatae anu mombee'i kantumuu'an.

YOHANES 6:68

“Kita Tumpu,” na koonyo i Simon Petrus hi Ia, “Hi ihe na kalambanan mami? Potatae nu Kita Tumpu mombee'i kantumuu'an anu talakana' ka' toka sidu-sidutu'.

SISIKON NU TO RASUL-RASUL 11:14

Ia nompotokamo hi komiu lele anu momposalamat beleyum ka' to utu-utusum.’

SISIKON NU TO RASUL-RASUL 13:26

To Utu-utus lee' i Abraham, ka' iwi-iwi' to Utu-utus anu sangga'atannyo, i aiya anu mohongo hi Tumpu! Tumpu nompakatumo hi kita lele kasalamatan aijo';