SISIKON NU TO RASUL-RASUL 5:17 - KITAB NU TUMPU ALLA LELE MA'IMAI'

¹⁷ Ahennyo imam daka' ka' iwi-iwi' na anu saja' mombatuki ia, aitumo to mia-mian anu minsoop i posa'angu'an nu Saduki, nontampu'unimo mombau anu ma'idek, kalana kinyonyoa nu aha madi'mo sinanang.

SISIKON NU TO RASUL-RASUL 5:17 ပူးပေါင်းရင်းမြစ်များ

AYUB 5:2

Ola mian anu ponga' na sinilaka kalana nusaduakon nu kinyonyoa anu madi'mo sanang.

AMSAL 14:30

Kinyonyoa anu madi' lewa' mangada' momposehat butongnyo; panyo anu saja' pusa nakinyonyoa sumomo panyakit anu monsilakai.

AMSAL 27:4

Tambuha' aijo' buhingison hondo ka mohansuni, panyo mongahopi mian minsihip ihe na moko tahan?

ANU MOMPOLELE POTATAE NU TUMPU 4:4

Ku sumbu' mule' saba' manusia nakekemo hondo na nokalaja ola kalana milu montoa hasin usaha nu anu mompaha ohani na laigannyo. Iwi-iwi' aijo' madi' kogunanyo ola susumo usaha mololoi' mombun.

MATIUS 27:18

I Pilatus notatae sumo aijo', kalana ia monsumbu' saba' anu mongkuasai Yahudi nombee' i Yesus hi aha, kalana aha madi' sanang na kinyonyoa nu aha.

MATIUS 3:7

Manjoo' suele na mian nu Farisi tiba Saduki tinoka hi Yohanes da o palamandikan. Panyo tempo'nyo ia nontoa aha tinokamo mae ia notatae hi aha, “Komiu mian ma'idek! Ihe na nontaloakon komiu timbali molapas lengkat i hukuman nu Tumpu anu tokaje mae?

YOHANES 12:10

Aijo' na sababnyo to kapala-kapala nu imam kahanda' mompatei i Lazarus suele.

YOHANES 12:19

Sahingga to mia-mian Farisi notatae samian ka' samian, “Kita madi' moko ala mombau apa-apaa! Toamo ahi', songko-songko na dunia mamba mombatuki Ia!”

SISIKON NU TO RASUL-RASUL 13:45

Salatan to mia-mian nu Yahudi nontoa mian da'isan aijo', nasakit hondo na kinyonyoa nu aha. Aha nompopo'ise'mo i Paulus ka' nonggagakonmo iwi-iwi' anu tinaloakonnyo.

SISIKON NU TO RASUL-RASUL 15:5

Panyo to pia-piangkuka na mian lengkat hi aha Farisi anu pinalesayamo, tinuminjo ka' notatae, “To mia-mian bansa sangga'at anu pinalesayamo aijo' tionyo o sunat ka' palalu mombatuki atulan i Musa.”

SISIKON NU TO RASUL-RASUL 17:5

Panyo to mia-mian Yahudi madi' sanang na kinyonyoa. Aha nolaga to mia-mian anu mahalajangan i jalan-jalan ka' nongatun posa'angu'an kalakuan anu ma'idek. Lantas aha nompokalangkabutmo songko-songko na kota aijo' ka' nompinsoopi laigan nu samian anu palesaya sanggonyo i Yason molio i Paulus, ka' i Silas, kalana aha ka'oho' momboa i Paulus ka' i Silas mosabat mangadap hi mian da'isan.

SISIKON NU TO RASUL-RASUL 4:26

To Tomu-tomundo nu dunia mosadiamo da mahampatemo, ka' to pola-polaya' mosa'angu'mo mongewa Tumpu ka' Tomundo anu Momposalamat.’

SISIKON NU TO RASUL-RASUL 4:6

Aha nompahakabotmo tiba Imam Daka' i Hanas, ka' i Kayafas, i Yohanes, i Aleksander, ka' iwi-iwi' na mian anu minsoop sampoto utusan nu imam daka' aijo'.

SISIKON NU TO RASUL-RASUL 5:16

Mojonjulu na to mia-mian toka lengkat mae i kota-kota anu ohani i Yerusalem. Aha momboa to mia-mian masakit ka' anu pininsoopanmo nu to roh-roh ma'idek. Ka' to mia-mian haha aijo' pina'alinmo iwi-iwi'.

SISIKON NU TO RASUL-RASUL 7:9

To Tutuuma anu nolee'akon mae kita aijo' nongka'idekimo i Yusuf, sahingga aha nompobaluk ia tinimbali botuan i Mesir. Panyo Tumpu nombalakati ia,

GALATIA 5:21

ka' madi' sanang hi samian, saja' malangu, saja' mombau bau-bauon, ka' sangga-sangga'atnyo. Mongkona iwi-iwi' aijo' ku pokinde'i na komiu uuka aiya susumo aku nompokinde'imo komiu u'utu mae, tukoongku to mia-mian anu nombaumo hahan anu sumo aijo', madi'mo timbali oposoop mian anu palesayamo hi Tumpu.

YAKOBUS 4:5

Boli monsangka Kitab nu Tumpu notatae madi' ko sababnyo, “I uno nu butongto Tumpu nompojoongmo roh anu madi' opoko gagakon na pongka'oho'nyo.”

1 PETRUS 2:1

Kalana aijo', alinmo na anu ma'idek iwi-iwi' itina' i butongum; bolimo daagi' baleko', ka' boli mimbudi-budi. Boli mongka'ideki mian sangga'at, ka' boli mompopo'ise' mian sangga'at.