SISIKON NU TO RASUL-RASUL 5:16 - KITAB NU TUMPU ALLA LELE MA'IMAI'

¹⁶ Mojonjulu na to mia-mian toka lengkat mae i kota-kota anu ohani i Yerusalem. Aha momboa to mia-mian masakit ka' anu pininsoopanmo nu to roh-roh ma'idek. Ka' to mia-mian haha aijo' pina'alinmo iwi-iwi'.

SISIKON NU TO RASUL-RASUL 5:16 ပူးပေါင်းရင်းမြစ်များ

MATIUS 2:16

Salatan sinumbu' i Herodes taalu' anu to pande-pande monsumbu' mandala' lengkat i sasu kabete'an aitu nongakalimo ia, ia pinusamo hondo. Lantas ia nompalentahkon anu mompatei iwi-iwi' to ana-anak mo'ane anu umunnyo i aluk nu ohua' na taun. I Betlehem ka' i anu mompaha ohani. Aijo' sosok tiba katalangan anu i humpaknyo lengkat hi anu to pande-pande monsumbu' mandala' aijo' kakona tempo'nyo mandala' aijo' kinantoaan.

MATIUS 4:24

Lele mongkona i Yesus aijo' tinolelemo i songko-songko na tano' Siria, sahingga manjoo' na mian tinoka hi Ia. Aha nomboamo mae to mia-mian anu mongoa'i manjoo' na lupa-lupa nu panyakit tiba kasusa'an. To mia-mian anu pininsoopanmo nu roh ma'idek, anu mongkingkimi ka' anu lupe, iwi-iwi' pina'alin i Yesus.

MATIUS 8:16

Tempo'nyo mamalom, mian nomboa hi Yesus da'isan na mian anu sinoku'onmo nu roh ma'idek. Ka' ola santaa' na potatae, i Yesus nolaa' to roh-roh ma'idek aijo' ka' nompa'alin mule' iwi-iwi' na mian anu masakit.

LUKAS 5:17

Daagi' ko sansinaan tempo'nyo i Yesus hau-haunyo mongajan, daagi' ko to pia-piangkuka na mian nu Farisi tiba to gulu-gulu' agama sinumuhang i kiijo'. Aha tinoka lengkat mae i Yerusalem tiba lengkat mae i to kota-kota Galilea ka' i Yudea. Kuasa nu Tumpu daagi' hi Yesus, da nompa'alin to mia-mian masakit.

LUKAS 6:18

Aha tinoka da mohongo i Yesus, ka' mule' da opa'alin na to panya-panyakit nu aha. Apaa aha anu sinoku'on nu Roh ma'idek tinoka suele ka' pina'alinakon.

LUKAS 9:11

Panyo salatan sinumbu'mo nu to mia-mian na han aijo', aha nombatukimo Yesus. Ia nontalima aha, lantas binasisik hi aha mosia na Tumpu mompalentah sumo Tomundo. Ka' Ia mule' nompa'alinmo mian masakit anu kiijo' hi aha.

YOHANES 14:12

Totu'u hondo na potataeng-Ku aiya: Mian anu palesaya hi beleng-Ku tionyo mombau apaa na anu binaung-Kumo, – aitu pe'e ia tionyo mombau anu lebe daka' mule' – kalana aku mamba hi Tuuma.

SISIKON NU TO RASUL-RASUL 4:30

Otulungiakon-To mae da mian masakit opa'alin ka' anu okabangangi ka' hahan anu madi' toho' opia timbali kalana kakuasa'an ka' kahosonan anu nolengkat mae hi Yesus, Posaihon-To anu Susi' aijo'.”

SISIKON NU TO RASUL-RASUL 5:15

Hahan anu tinimbalimo saja'mo nompaka timbali, sahingga to mia-mian masakit pinomale' i tampat kamale'an kabai i ampas, lantas binoa nokiijo' i jalan, da aha mau ola nukona nu lolung i Petrus, de i Petrus motulu i kiijo'.

SISIKON NU TO RASUL-RASUL 5:17

Ahennyo imam daka' ka' iwi-iwi' na anu saja' mombatuki ia, aitumo to mia-mian anu minsoop i posa'angu'an nu Saduki, nontampu'unimo mombau anu ma'idek, kalana kinyonyoa nu aha madi'mo sinanang.

1 KORINTUS 12:9

Roh sa'a-sa'angu'nyomo aijo' suele na mombee'i hi samian balakat anu madi' ko gampanyo da palesaya hi Kristus; panyo hi sangga'at Roh aijo' mombee'i kuasa da nompa'alin mian.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.