SISIKON NU TO RASUL-RASUL 4:36 - KITAB NU TUMPU ALLA LELE MA'IMAI'

^36-37 Sumo aitumo mule' na i Yusuf. Ia suele nompobaluk tano'nyo, lantas doi oli nu anu pinobaluknyo aijo' binoanyo ka' binee'nyo hi to rasul-rasul. I Yusuf aiya samian na lee' mae nu bansa Lewi lengkat mae i Siprus; to rasul-rasul suele monsanggohi ia i Barnabas (alati'nyo Pontundu).

SISIKON NU TO RASUL-RASUL 4:36 ပူးပေါင်းရင်းမြစ်များ

MARKUS 3:17

I Yakobus ka' i Yohanes utusnyo, aijo'mo to ana-anak i Zebedeus (aha aiya sinanggohan-Nyo Boanerges, alati'nyo “anak nu gohung”),

SISIKON NU TO RASUL-RASUL 11:30

Posa'angu'an nu tanga'an aijo' binaumo, lantas i Barnabas ka' i Saulus sinai da momboa pontulungi aijo' hi to pola-polaya' nu jama'at.

SISIKON NU TO RASUL-RASUL 12:25

Sinailapas i Barnabas ka' i Saulus nompomingkot kalaja nu aha, aha ninsusule'mo lengkat mae i Yerusalem nomboa i Yohanes Markus nohingga-hinggat tiba aha.

SISIKON NU TO RASUL-RASUL 13:1

I uno nu jama'at Antiokhia, daagi' ko nabi-nabi ka' to gulu-gulu', aitumo i Barnabas ka' i Simeon, anu o sanggohi mule' Si Hitam, i Lukius lengkat mae i Kirene, i Menahem anu pinotuu' hingga-hinggat i Tomundo Herodes, ka' i Saulus.

SISIKON NU TO RASUL-RASUL 13:15

Salatan Kitab i Musa ka' Kitab nu to nabi-nabi binasa'akon, to pola-polaya' i laigan pogalejaan aijo' nonsai mian mompokilawa hi Paulus ka' to sanga-sangalunyo, “To utu-utus, de kita utus ko pokinde apa-apaa hi to mia-mian aiya, ku poita da mompotokamo pokinde' aijo'.”

SISIKON NU TO RASUL-RASUL 13:2

Tempo'nyo aha hau-haunyomo mogaleja hi Tumpu ka' bapuasa', Roh nu Tumpu notatae hi aha, “Pile'imo na i Barnabas ka' i Saulus, da mokalaja hi beleng-Ku da aha mokalaja anu tinantukankumo hi aha.”

SISIKON NU TO RASUL-RASUL 13:4

Kalana sinai nu Roh nu Tumpu, i Barnabas ka' i Saulus namba nokiijo' i Seleukia. Lengkat kiijo' mae aha tinalabutmo nokiijo' i togong Siprus.

SISIKON NU TO RASUL-RASUL 15:12

Sahingga nomohokot na iwi-iwi' mian anu balagombu i kiijo'. Lapas aitu aha nompotombihingmo i Barnabas ka' i Paulus po'ule' nonsisik iwi-iwi' anu okabangangi ka' anu ma'isa toho' tinimbali anu binaumo nu Tumpu i uno nu kalaja nu aha kiijo' hi to mia-mian bansa sangga'at anu misa' Yahudi.

SISIKON NU TO RASUL-RASUL 15:2

I Paulus ka' i Barnabas talalo hondo nonggagakon pongka'oho' nu to mia-mian aijo'. Ahennyo tinantukan da i Paulus ka' i Barnabas tiba to pia-piangkuka na mian sangga'at lengkat i Antiokhia mamba mokiijo' i Yerusalem da mombisalakon ulusan aijo' tiba to rasul-rasul ka' to pola-polaya' i kiijo' mae.

SISIKON NU TO RASUL-RASUL 15:37

I Barnabas mongka'oho' momboa i Yohanes Markus,

SISIKON NU TO RASUL-RASUL 15:39

Sahingga i Paulus ka' i Barnabas pinainggaga tala-talalomo hondo, sahingga i mihinyo aha noga'a-ga'atmo: I Barnabas nongala i Markus ka' tinalabut tiba ia nokiijo' i Siprus.

SISIKON NU TO RASUL-RASUL 21:16

To pia-piangkuka na aha utus lengkat i Kaisarea namba suele nohingga-hinggat tiba kami da molaya' kami mokiijo' i laigan hi Manason, kalana i laigannyo na kasonso'an mami. (I Manason atina'mo na mian nu Siprus anu pininmo na tinimbali anu saja' mombatuki Yesus.)

SISIKON NU TO RASUL-RASUL 21:3

ka' tinalabutmo sampe kami nontoa togong Siprus i sasu kowi mami; panyo kami tinalabutmo lau-laus nompatui Siria. Kami i lumajang tano' nokiijo' i Tirus, kalana i kiijo' kapan anu kinasake'an mami mae aijo' daagi' molobosakon anu sinake'nyo mae.

SISIKON NU TO RASUL-RASUL 27:4

Lengkat i kiijo' kami po'ule'mo tinalabut. Kalana kapan mongahopi mombun, kami tinalabutmo lau-laus montusakon biwi nu bone' togong nu Siprus anu madi' talalo nukona nu mombun.

SISIKON NU TO RASUL-RASUL 9:27

Lapas aitu i Barnabas tinoka hi ia, lantas nomboa ia hi to rasul-rasul. I Barnabas nonsisikakon hi aha mongkona mosia na i Saulus nontoa Tumpu i totonga' nu jalan ka' mosia na Tumpu notatae hi ia. I Barnabas nompoto'i mule' mongkona mosia na ko baaninyo i Saulus nongajan i Damsyik mongkona sanggo i Yesus.

1 KORINTUS 14:3

Panyo mule' mian anu mompotokakon lele lengkat mae hi Tumpu Allah, mompotoka hi mian da bau pompohoson aha, da bau pongkakeha aha, ka' da bau pomposanang kinyonyoa nu aha.

1 KORINTUS 9:6

Kabai ola i Barnabas ka' aku na anu tionyo mosi lio kaanon?

GALATIA 2:1

Ilapas sampulu' ka' opat na taun, aku ninsusule'mo nokiijo' i Yerusalem tiba i Barnabas, ka' nomboa suele i Titus.

GALATIA 2:13

To Utu-utus Yahudi sangga'at po'ule'mo nombatuki kalakuan anu baleko' sumo i Petrus, sahingga i Barnabas suele nombatukimo kalakuannyo sumo aha.

GALATIA 2:9

I Yakobus, i Petrus ka' i Yohanes anu lupanyo tinimbalimo to pola-polaya' nu jama'at, nongakuimo tukoonyo Tumpu nombee'imo hi belengku palentah anu ola samata-mata aiya na obau. Sahingga aha nompaha kawamo tiba i Barnabas ka' aku, salaku tanda nosangalumo. Lantas aha ka' kami nompahakonamo jadi kami mokalajamo hi aha aijo' to bansa-bansa anu misa' Yahudi, ka' aha na hi mian nu Yahudi.

KOLOSE 4:10

I Aritarkhus, anu i uno nu talungku' hingga-hinggat tiba aku, nompakatu salan do'a hi komiu. Sumo aitu mule' na i Markus mototominsan ka' i Barnabas. (Pinotuunmo na kaleba hi komiu da o labot na ia, de ia tokamo itina' hi komiu.)