SISIKON NU TO RASUL-RASUL 4:34 - KITAB NU TUMPU ALLA LELE MA'IMAI'

³⁴ Ka' madi' ko samian pe'e aijo' hi aha na anu kamadi'an apa-apaa. Kalana aha anu ko tano' kabai laigan, nompobalukmo tano' kabai laigan nu aha aijo'; lantas doi oli nu anu pinobalukmo aijo' binoa nu aha,

SISIKON NU TO RASUL-RASUL 4:34 ပူးပေါင်းရင်းမြစ်များ

MATIUS 19:21

I Yesus notatae hi ia, “De beleyum mongkahanda'i da timbali mian anu madi' kokasala'annyo, lako' pobaluk iwi-iwi' na halata'um. Bee' na doinyo hi mian anu kasiasi, ka' beleyum mohumpakje halata' anu i suluga'. Lapas aijo', tokajemae mombatuki Aku!”

MARKUS 10:21

I Yesus noliibosmo na nontoa mian aijo' lantas notatae, “Me sa'angu' na han mule' anu daagi' opalalui nu beleyum. Lako'mo pobaluk iwi-iwi' na halata'um; bee' na doinyo hi mian anu kasiasi, ka' beleyum mohumpakje halata' i suluga'. Lapas aijo' tokaje mae mombatuki Aku.”

LUKAS 12:33

Pobaluk na anu daagi' hi beleyum ka' bee' na doinyo hi mian kasiasi. Pombaumo dompet bau kapentingan nu butongum, anu madi' toho' ma'idek, aijo'mo halata' anu opo una' i suluga'. Halata' aijo' madi' ko kapolapusannyo, kalana madi' nupoko ala nu anu buling, ka' atak madi' moko ala mongidei.

LUKAS 16:9

Lantas i Yesus po'ule' notatae, tukoo-Nyo, “Hongo! Pakemo na kakaya'an nu dunia aiya da mohumpak sangalu, da de kakaya'an nu dunia aiya madi'mo ko olinyo, komiu otalimaje i tampat kajojoongan anu sidu-sidutu'.

LUKAS 22:35

Lapas aijo' i Yesus notatae hi aha, “U'utumae tempo'nyo Aku nonsai komiu, madi' nompobee' komiu momboa dompet, botutu, kabai sapatu, kabai kinakulangan apa-apaa na komiu?” “Madi'!” tinaaman nu aha.

SISIKON NU TO RASUL-RASUL 2:45

Aha nompobaluk to bala-balang ka' halata' nu aha, lantas obagi-bagimo nu aha na doinyo aijo' iwi-iwi', otoa i kapalaluan nu aha toto samian.

PO'ULE' INGULIT 2:7

O'inau' mosia na Tumpu Allah nu belemiu nombalakatimo belemiu i han iwi-iwi' anu binaumo nu belemiu. Ia nompotuu'mo belemiu tempo'nyo belemiu lewa' nonsongkohi padang bola anu ewa aiya. Ia nonjagai belemiu pinatompulu' na taun ka' nombee'imo belemiu iwi-iwi' na anu opalalui.

1 TESALONIKA 4:12

De komiu tumuu' sumo aijo', komiu madi' ola taha'iman maumo pa'hihe, ka' to mia-mian anu madi' palesaya hi Kristus, mongadatimo komiu.

1 TIMOTIUS 6:19

Tiba jalan anu sumo aijo' aha mompolimu'mo halata' anu ma'ima' anu timbali otaha'imani, anu tokaje aiya mae i ahop. Ka' tiba jalan aijo', aha mohumpakje kantumuu'an anu sampe toka sidu-sidutu', atina'mo kantumuu'an anu totu'u.

YAKOBUS 1:27

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.