SISIKON NU TO RASUL-RASUL 4:33 - KITAB NU TUMPU ALLA LELE MA'IMAI'

³³ Tiba kuasa anu daka', to rasul-rasul aijo' mombee'i katalangan saba' i Yesus po'ule'mo tinumuu'. Sahingga Tumpu talalomo nombalakati aha.

SISIKON NU TO RASUL-RASUL 4:33 ပူးပေါင်းရင်းမြစ်များ

MARKUS 16:20

Lantas anu saja' mombatuki Ia nambamo ka' nompolele lele lengkat mae hi Tumpu iyayamae. Ka' Tumpu suele mokalaja mohingga-hinggat tiba aha ka' nompotoamo bukuti', i hahan anu okabangangi, saba' apaa na anu pinotokamo nu aha aijo' memang totu'u.] [

LUKAS 2:52

I Yesus kinodaka-daka'nyomo, ka' kino pande-pandenyomo, tiba mule' nukalibosi nu Tumpu, ka' nuka'ima'i nu mian.

YOHANES 1:16

Ia saja' mongkalibosi; madi' ko kamingkotannyo, Ia mombalakati kita.

SISIKON NU TO RASUL-RASUL 1:8

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

SISIKON NU TO RASUL-RASUL 2:47

Aha saja' mompuji-puji' Tumpu ka' nuka'ima'i nu mian iwi-iwi'. Toka sansina-sinaa konjoo'nyo nu aha saja' mintuang kalana Tumpu mombee' hi aha to mia-mian anu oposalamat.

SISIKON NU TO RASUL-RASUL 4:30

Otulungiakon-To mae da mian masakit opa'alin ka' anu okabangangi ka' hahan anu madi' toho' opia timbali kalana kakuasa'an ka' kahosonan anu nolengkat mae hi Yesus, Posaihon-To anu Susi' aijo'.”

1 TESALONIKA 1:5

Kalana kami mompotokakon Lele Ma'ima' hi belemiu misa' ola potatae, panyo mule' tiba kuasa ka' tiba Roh nu Tumpu, ka' kami palesaya hondo na kahondoan lengkat i Lele Ma'ima'. Osumbu' miu mosia na kami tinumuu' nombaumo kapentingan miu tempo'nyo kami jinojoong itina' hi komiu.

IBRANI 2:4

Ka' mumle' Tumpu nompaka pototu'umo apaa na anu sinakisianmo nu mian haha aijo', aijo'mo Tumpu nombaumo iwi-iwi' nu ngahan anu okabangangi ka' hahan anu madi' ko gampanyo ka' posi pongka'oho'-Nyo na nombagi-bagiakonmo to bala-balakat nu Roh nu Tumpu.