SISIKON NU TO RASUL-RASUL 4:29 - KITAB NU TUMPU ALLA LELE MA'IMAI'

²⁹ Uuka aiya, Tumpu, toamo mosia na aha kahanda'mo monsilakai kami. Ka' poloasmo na kami, to posa-posaihon-To aiya, mompolele lele anu lengkat mae hi Kita ka' madi' mabuhuk.

SISIKON NU TO RASUL-RASUL 4:29 ပူးပေါင်းရင်းမြစ်များ

YESAYA 58:1

Tumpu notatae, “Poloboo'mo hoso-hoson! Poto'imo hi mian anu palesayamo hi beleng-Ku na ko dosa-dosa' nu aha.

YESAYA 63:15

O, Tumpu, toa mae mo uuka atina' i suluga', lengkat mae atina' ikajojoongan nu Belento anu susi' ka' talasanggo. Iyamo mae na kalibosan tiba kabaanian nu Belento? Iyamo mae na kanonongan tiba kalibosan nu Belento? Boli mae montahan aijo', bee'mo mae hi kami.

MOHAANGI 3:50

sampe Belento, O Tumpu i suluga', mompalahatikan mae kami.

MOHAANGI 5:1

Inau' pe'e mae, o Tumpu, apaa na anu jinadimo aiya hi kami. Toa mae na kami, ka' tonto'i mae na kahina'an mami.

YEHEZKIEL 2:6

Panyo beleyum, o, manusia anu madi' tumuu' batu boli mabuhuk hi aha anu sosola' motomuhuk aijo' kabai apaa na anu nu taloakon nu aha. Aha saidi' mae mongewamo ka' mompopo ambangmo beleyum, sahingga beleyum sumomo ahi' tumuu' galo-galo' hi beyua'. Panyo maumo ahi' sumo aijo', boli mabuhuk.

DANIEL 9:18

Potombihingakon mae na kami, o, Tumpu, toa mae na kami ka' palahatikan mae na kasala'an mami tiba kota' mami anu nana idekmo tiba suele sanggo nu Belento. Kami binalado'amo hi Belento misa' kalana kami mian anu manonong panyo kalana Belento talalo ahi' hondo mongkalibosi.

MIKHA 3:8

Panyo mongkona ibutongku aiya, Tumpu nombee'imo mae aku roh-Nyo tiba kuasa-Nyo. Aku binee'an-Nyomo balakat da monsumbu' ka'adilan ka' mule' kabaanian da moko ala mompoto'i hi aha mian nu Israel iwi-iwi', na anu binaumo nu aha.

SISIKON NU TO RASUL-RASUL 13:46

Panyo i Paulus ka' i Barnabas nompaka baani mule' na notatae totu-totu'u. Aha notatae, “Potatae nu Tumpu memang hi komiu pe'e na tionyo pompotokan. Panyo kalana komiu madi' mongka'oho' montalima, komiu nosi tantukanmo saba' komiu madi' pantas montalima kantumuu'an kopian ka' toka sidu-sidutu'. Ka' uuka kami mompala'imo miu namba hi bansa sangga'at.

SISIKON NU TO RASUL-RASUL 14:3

Kalana aijo' i Paulus ka' i Barnabas jinojoongmo pinin i kiijo'. Ka' binaanimo na aha notatae mongkona Tumpu. Sahingga Tumpu mule' nompotoamo bukuti', saba' lele anu pinotokamo nu aha mongkona liibos-Nyo aijo' memang totu'u; Ia nombee'i kuasa hi aha da mombau anu okabangangi ka' hahan anu ma'isa toho' tinimbali.

SISIKON NU TO RASUL-RASUL 19:8

I Paulus saja' notatae tinotolu' na bitu'on na kino pinnyo ka' baani na motatae hi to mia-mian i laigan pogalejaan ka' painggaga tiba aha mompohoson kapalesaya'an nu aha mongkona mosia na Tumpu mompalentah susumo Tomundo'.

SISIKON NU TO RASUL-RASUL 26:26

Posi kita Tomundo' Agripa monsumbu'mo totu'u na hahan aijo'. Mokonyo aijo' aku baani motatae hi ahop nu kita Tomundo' tiba sahondo-hondonyo. Kusumbu' hondo-hondo madi' ko sa'angu' pe'e na hahan aijo' anu ma'isa sinumbu' nu kita Tomundo', kalana iwi-iwi' aijo' madi' tinimbali i tampat-tampat anu sulu-suluk.

SISIKON NU TO RASUL-RASUL 28:31

Ka' baani hondo na ia mompoto'i hi aha mongkona mosia na Tumpu mompalentah sumo Tomundo', ka' mongkona i Tumpu Yesus Kristus. I Paulus nombau han aijo' binebas hondo madi' ko anu lewa' montewa'. 64

SISIKON NU TO RASUL-RASUL 4:13

To mia-mian anu Mongulus Palakala aijo' binangang na montoa kabaanian i Petrus ka' i Yohanes, apaa mule' nusumbu' nu aha saba' ua'aha na rasul aijo' to mia-mian biasa anu madi' ko sikolahnyo. Lantas aha sininsumbu' saba' ua'aha na rasul aijo' to mia-mian anu nombatuki Yesus.

SISIKON NU TO RASUL-RASUL 4:21

To mia-mian anu Mongulus Palakala aijo' madi' noko humpak sa'angu' pe'e na alasan da mohukum i Petrus ka' i Yohanes. Jadi aha nompopobuhukmo ua-ua'aha na rasul aijo', lantas pinolapasmo ua-ua'aha kalana iwi-iwi' na mian mompuji-puji' Tumpu kalana apaa na anu tinimbalimo aijo'.

SISIKON NU TO RASUL-RASUL 4:31

Ilapas na aha binalado'a, tampat sinihukan nu aha aijo' tinolohenggomo. Aha iwi-iwi' kinuasanmo nu Roh nu Tumpu ka' mulaimo binaani hondo na notatae mongkona lele lengkat mae hi Tumpu.

SISIKON NU TO RASUL-RASUL 9:27

Lapas aitu i Barnabas tinoka hi ia, lantas nomboa ia hi to rasul-rasul. I Barnabas nonsisikakon hi aha mongkona mosia na i Saulus nontoa Tumpu i totonga' nu jalan ka' mosia na Tumpu notatae hi ia. I Barnabas nompoto'i mule' mongkona mosia na ko baaninyo i Saulus nongajan i Damsyik mongkona sanggo i Yesus.

SISIKON NU TO RASUL-RASUL 9:28

Sahingga aijo' i Saulus jinojoongmo tiba aha, ka' baani hondo na mompotoka sisik nu Tumpu i songko-songko Yerusalem tiba sanggo nu Tumpu.

1 KORINTUS 14:13

Mokonyo aijo' mian anu basisik nu basa' anu okabangangi tionyo ahi' momoita hi Tumpu da ia obee'i suele kasanggupan montalangkan apaa na anu tinaloakonnyomo.

2 KORINTUS 3:12

Kalana kami montaha'imani anu susumo aijo', sahingga kami baani na motatae sumo aijo'.

FILIPI 1:14

Ka' aku tinalungku' nonsaduakonmo manjoo' na to mia-mian Kristen i kota aiya nompaka palesayamo mule' hi Tumpu, sahingga aha nompaka baanimo na mombebakon potuunon nu Tumpu, ka' madi'mo maha pabuhukan.

1 TESALONIKA 2:2

Komiu monsumbu' saba' ma'isa pe'e kami tinoka hi komiu i Tesalonika, kami po'ule'mo kinabisa'an ka' pinopo'ambang kiijo' mae i Filipi. Panyo mau mule' manjoo' na mian mombahakon kami, Tumpunto nombee'imo kami kabaanian da mompolele hi komiu Lele Ma'ima' anu lengkat mae hi Ia.

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.