SISIKON NU TO RASUL-RASUL 4:28 - KITAB NU TUMPU ALLA LELE MA'IMAI'

²⁸ Aha nosa'angu' da mombau apa-apaa, anu tinantukanmo nu Kita momonanyo saba' aijo' tionyo timbali. Ka' Kita montantukanmo aijo' nu kakuasa'an ka' posi Pongka'oho'-To.

SISIKON NU TO RASUL-RASUL 4:28 ပူးပေါင်းရင်းမြစ်များ

KAJADIAN 50:20

Belemiu nomposa'angu'mo tanga'an sahingga mombaumo idek hi belengku, panyo Tumpu Allah nombali'imo, ka'idekan aijo' tinimbalimo ka'ima'an, da apaa na anu jinadimo naipuan mae aijo' da'isan na mian anu tumuu' uuka aiya pinosalamatmo.

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

YESAYA 14:24

Tumpu Anu Daka na Kuasanyo notataemo, “Anu tinanga'an-Kumo aijo' tionyo ahi' jadimo.

YESAYA 28:29

Kapandean aijo' nolengkat mae hi Tumpu Anu Daka' na Kuasanyo. Iwi-iwi' na anu tinanga'anmo nu Tumpu tinanga'anmo nu kapandean ka' saja' mingkaliangan.

YESAYA 37:26

Pa' ma'isa toho' nohongo na beleyum mongkona hahan aijo' iwi-iwi' te misa' polo'mo ahi' tinangka'an-Ku salatanmo pe'e naipuan mae? Ka' tempo uuka aiya Ku baumo ahi'. Akumo aiya na nombee'i beleyum kuasa da mohansunimo iwi-iwi na kota' anu ko bentengnyo sahingga hansunmo.

YESAYA 40:13

Ihe na moko ala mompotiju' Tumpu, kabai mompogulu' Ia salaku mian anu lewa' mompokinde'i Ia?

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

YESAYA 5:19

Belemiu notatae, “Bakasmo da Tumpu anu susi' nu aha Israel mali-lia' mae mombau katantuan! Bakasmo da Nu pojadimo na anu tinanga'an-Nyomo da otoanto ka' mule' osumbu'tomo.”

YESAYA 53:10

Tumpu mongkahanda' da ia sansala, ka' nombee'mo butongnyo susumo koloban pongalini dosa'. Sahingga ia mantan na umun ka' montoa tulunannyo, kalana ia sahingga kahanda' nu Tumpu timbalimo jadi.

MATIUS 26:24

Memang Anak nu Mian tionyo mate, sumo anu tinulis i uno nu Kitab nu Tumpu. Panyo silaka na mian anu mongkabisa'i Anak nu Mian! Lebe ma'ima' na mian aijo' de ia madi' pinohampe!”

MATIUS 26:54

Panyo desumo aijo', mosia na jadi sumo anu sinisikmo i uno nu Kitab nu Tumpu, tukoonyo memang tionyo jadi sumo anu tempo' uuka aiya?”

LUKAS 22:22

Anak nu Mian memang silaka sumo anu tinantukanmo nu Tumpu; panyo mohumpak susa' na mian anu monguesani Ia!”

SISIKON NU TO RASUL-RASUL 2:23

Posi pongka'oho'-Nyo na Tumpu nomputusi da obee' na i Yesus hi komiu. Ka' salatan binee' na Ia, komiu nompateimo Ia ka' nompojohokmo to mia-mian ma'idek nonsalib Ia.

SISIKON NU TO RASUL-RASUL 3:18

Ka' kalana aijo'mo na jinadi suele apaa na anu noko poto'imo nu Tumpu u'utu mae hi to nabi-nabi-Nyo, anu pinotokanyomo hi komiu saba' Tomundo anu Momposalamat anu jinanji'mo aijo' tionyo mongoa'i sansala.

EFESUS 1:11

Tumpu nombau iwi-iwi' apaa posi pongka'oho'-Nyo ka' posi kaputusan-Nyo. Salatanmo pe'e imoonanyo Ia nompile'imo kita kalana Ia mongkahanda'i da kita timbali mian anu palesayamo kalana mosa'angu'mo tiba i Kristus.

IBRANI 6:17

Tumpu ko kahanda' lebe momponasa hi to mia-mian anu nontalimamo janji'-Nyo, tukoonyo Ia madi'mo mombali'i anu ingatun-Nyomo. Aijo' na sababnyo pinaka tuangan-Nyomo na sumpa'nyo anu jinanji'-Nyomo aijo'.