SISIKON NU TO RASUL-RASUL 4:21 - KITAB NU TUMPU ALLA LELE MA'IMAI'

²¹ To mia-mian anu Mongulus Palakala aijo' madi' noko humpak sa'angu' pe'e na alasan da mohukum i Petrus ka' i Yohanes. Jadi aha nompopobuhukmo ua-ua'aha na rasul aijo', lantas pinolapasmo ua-ua'aha kalana iwi-iwi' na mian mompuji-puji' Tumpu kalana apaa na anu tinimbalimo aijo'.

SISIKON NU TO RASUL-RASUL 4:21 ပူးပေါင်းရင်းမြစ်များ

MATIUS 15:31

Mian da'isan anu daagi' i kiijo' binangang hondo, salatan aha montoamo mian momo' notataemo, mian pengko' na'alinmo, mian anu kapi' ilumajangmo, ka' mian anu mapisok nontoamo. Lantas aha nompuji-puji'mo Tumpu bansa nu Israel.

MATIUS 21:46

Jadi aha binala usahamo mohakop Ia. Panyo aha mabuhuk hi mian da'isan aijo', kalana mian da'isan aijo' monsangka i Yesus samian na nabi.

MATIUS 26:5

“Panyo,” koonyo nu aha, “boli na han aijo' o bau i tempo' nu lamean, kalana dumo timbali na kahengge'an nu layat.”

MATIUS 9:33

I Yesus nolaa' roh ma'idek aijo', ka' tempo' aitu mule' mian aijo' binangangmo ka' notatae, “Ma'isa toho' kami nontoa anu tinimbali sumo aiya i Israel!”

MATIUS 9:8

Tempo'nyo to mia-mian nontoamo anu tinimbali aijo', aha sinawe'mo nu buhuk ka' nompuji' Tumpu, kalana Tumpu nombee'mo kuasa anu daka' hondo hi mian.

LUKAS 13:17

Potaam i Yesus aijo' nombaumo anu mongka'ideki i Yesus aijo' na'ambangmo hondo; iwi-iwi' na to mia-mian sangga'at, sinanangmo na nontoa iwi-iwi' anu okabangangi anu binaumo i Yesus.

LUKAS 20:19

To gulu-gulu' agama, ka' Kapala nu to ima-imam monsumbu' saba' kantuangan aijo' nu patuakon i Yesus hi aha. Mokonyo aitu aha kahanda'mo mohakop Ia tempo'nyo aitu, panyo aha mabuhuk hi mian da'isan.

LUKAS 20:6

Panyo de otaloakonto, ‘Mian na nombee'i hak,’ iwi-iwi' na mian mompahambunu'akon mae nu batu kita, kalana nu palesaya nu aha na i Yohanes samian na nabi.”

LUKAS 22:2

Kapala nu to ima-imam tiba gulu-gulu' agama hau-haunyo molio jalan da o patei na i Yesus hoko-hokot, kalana aha nabuhuk hi mian da'isan.

LUKAS 5:26

Aha iwi-iwi' binangang hondo, lantas nompuji' Tumpu. Kalana nongoa'i nabuhukmo, aha notatae, “Mompobangang hondo na anu sinakisiantomo sinaa aiya!”

SISIKON NU TO RASUL-RASUL 4:17

Panyo da han aiya boli talalo togilele ka' lebe motala mule' i totonga' nu to mia-mian, imbo' da opopobuhukto na ua-ua'aha, da aha madi'mo timbali motatae hi samian pe'e mompake sanggo i Yesus.”

SISIKON NU TO RASUL-RASUL 4:22

Mian anu nongoa'i na'alinmo, anu okabangangi aijo', umunnyo labimo patom pulu' na taun.

SISIKON NU TO RASUL-RASUL 5:13

Ka' mian anu i sambiha'nyo madi' ko anu baani toka sihuk tiba to mia-mian anu palesayamo aijo'. Panyo to mia-mian anu palesayamo aijo' o'adati hondo nu mian da'isan.

SISIKON NU TO RASUL-RASUL 5:26

Jadi suludadu anu monjagai Laigan nu Tumpu aijo' tiba to sanga-sangalunyo namba po'ule' nongala to rasul-rasul haha aijo'. Panyo aha madi' nontambuha'i, sabab aha mabuhuk hi mian da'isan; dumo saidi' mae mian da'isan aijo' mompahambunu'akon aha nu batu.

SISIKON NU TO RASUL-RASUL 5:40

Sahingga to rasul-rasul aijo' i laga, lantas pinohos, lapas aijo' pinoliwa'mo na mongajan mule' mongkona i Yesus. Lapas aitu, i lapasakonmo na aha.