SISIKON NU TO RASUL-RASUL 3:2 - KITAB NU TUMPU ALLA LELE MA'IMAI'

² I kiijo' mae i sabatan anu osanggohi “Sabatan Ma'ima'”, daagi' ko samian na mo'ane anu kapi' salatan pe'e i hampe. Toka sansina-sinaa mian aijo' oboa mokiijo' da momoita hi to mia-mian anu minsoop i Laigan nu Tumpu.

SISIKON NU TO RASUL-RASUL 3:2 ပူးပေါင်းရင်းမြစ်များ

LUKAS 16:20

I ahop nu sabatan nu laigannyo, pino'una' samian na anu kasiasi sanggonyo i Lazarus. Butongnyo kaho bela.

LUKAS 18:35

Tempo'nyo i Yesus malia'mo toka i Yerikho, samian na mian mapisok hau-haunyo suha-suhang lewa' momoita i sohipi' nu jalan.

YOHANES 9:8

Sampo ohani laigannyo tiba to mia-mian anu daagi' nontoa ia napisok lewa' ba'ita', iwi-iwi' notatae, “Te misa' ia aiya mian anu ola saja' sumuhang ka' lewa' ba'ita'?”

SISIKON NU TO RASUL-RASUL 10:31

Ia notatae, ‘Kornelius! Tumpu nontalimamo do'a nu beleyum ka' monginau' ka'ima'an nu kinyonyoaum.

SISIKON NU TO RASUL-RASUL 10:4

I Kornelius nontonto'i Malaikat aijo' ka' nabuhukmo lantas notatae, “Daagi' ko apaa Tuan?” Tinaaman nu malaikat aijo', “Do'aum ka' ka'ima'an nu kinyonyoaum tinalimamo nu Tumpu ka' Tumpu nonginau'mo beleyum.

SISIKON NU TO RASUL-RASUL 14:8

I Listra daagi' ko samian na mo'ane anu tengkenyo kapi' salatan pe'e i hampe, sahingga ia madi' toho' moko ala lumajang, sabab tengkenyo talalo lundeng.

SISIKON NU TO RASUL-RASUL 3:10

Lantas aha aitu sininsumbu'je saba' iamo aitu na anu saja' mompoita ka' biasanyo sumuhang i “Sabatan Ma'ima'”, i Laigan nu Tumpu. Aha binangang hondo ka' tinonto' na nontoa apaa na anu jinadimo hi ia.

SISIKON NU TO RASUL-RASUL 4:22

Mian anu nongoa'i na'alinmo, anu okabangangi aijo', umunnyo labimo patom pulu' na taun.