SISIKON NU TO RASUL-RASUL 3:19 - KITAB NU TUMPU ALLA LELE MA'IMAI'

¹⁹ Mokonyo aijo' to Utu-utus, balatobatmo i dosa-dosa' miu ka' pinsusule'mo mae hi Tumpu, da Ia mongalinakon dosa-dosa' miu.

SISIKON NU TO RASUL-RASUL 3:19 ပူးပေါင်းရင်းမြစ်များ

MAZMUR 103:12

Sumo kojo'onnyo nu kabete'an lengkat mae i kinsoban, sumo aijo'mo na Ia mompojoon dosa'to iwi-iwi'.

MAZMUR 51:13

Boli mongalin aku sahingga majo'onmo i ahop nu Belento, ka' boli mongala roh nu Belento anu susi', anu aiya hi belengku.

MAZMUR 51:9

Posusi'akon mae na aku da aku belesi'mo; baso'i mae na aku, da ku lingkuduimo na kopute'nyo nu kabu-kabu.

YESAYA 43:25

Panyo Aku ahi' Tumpu na nohapusmo dosa' nu beleyum, Aku mongampunimo beleyum kalana sumo aijo'mo nakinyonyoang-Ku; Aku madi'mo daagi' sola' monginau dosa' nu beleyum.

YESAYA 44:22

Kasala'an nu beleyum Ku laa'mo da mamba susumo kundom, dosa' nu beleyum Kusikaimo da mamba susumo sehu'. Pinsusule'mo mae hi beleng-Ku, kalana pinobebas-Kumo na beleyum!”

YESAYA 51:11

Sahingga aha to mia-mian anu pinobebasmo nu Tumpu minsusule'mo mae aha minsoopmo i Yerusalem ka' lewa'mo montaligalai ohup nu aha balasahayamo kalana kalame'an anu madi'mo kokamingkotannyo. Aha bilahimo ka' mule' lame'mo, kaduka'an tiba pengeluhan imadi'anmo.

YESAYA 6:10

Lantas notataemo mae na Ia hi belengku, “Popikokakon na pikilan nu mian haha aijo', pobongonakon na bihingnyo ka' mule' popisokakon na matanyo da aha madi'mo montoa-toa, madi'mo mohongo-hongo kabai madi'mo mangalati' lantas po ule'mo toka mae hi beleng-Ku ka' ma'alinmo.”

YESAYA 61:3

da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

YESAYA 61:9

Lee' nu belemiu togilelemo iyaya mae, talasanggomo hi aha iwi-iwi' na bansa. Sahingga iwi-iwi' na mian anu montoa mongakuimo, saba' bansa aiya Ku balakatimo.”

YEREMIA 36:3

Ugaat mian nu Yehuda belentimo na mombau palabuatan anu ma'idek de aha mohongomo iwi-iwi' na balaa' anu Ku pokona hi aha. Sahingga ku ampunimo na dosa' tiba palabuatan nu aha ma'i-ma'idek aijo'.”

YEREMIA 50:20

Toka itempo'nyo aijo' Israel tiba Yehuda belesi'mo madi'mo baladosa', kalana Ku ampunimo na to mia-mian anu pinosalamat-Kumo. Aku, Tumpu, notataemo.”

MOHAANGI 3:40

Sahanyo oselidikinto na kantumuu'anto, ka' pobalikmo hi Tumpu Allah i suluga'. Imbo'mo da kita momposadia kinyonyoa ka' balado'a

MOHAANGI 5:21

O Tumpu, boa na kami po'ule' minsusule' hi Belento; kami po'ule'mo minsusule' hi Belento! Po'ule'akonmo mae na ka'ada'an mami susumo naipuan mae.

YEHEZKIEL 33:11

Poto'iakon hi aha saba' atas sanggong-Ku, Tumpu anu tumuu', Tumpu Anu Matangkas na Kuasanyo, Aku madi' sanang de mian anu palabuatannyo ma'idek silaka; panyo mule' ahi' Ku ka'ima'i da ia bolimo daagi' lewa' mombau dosa'nyo haha aijo' da ia tataap tumuu'. O bansa Israel, bolimo daagi' lewa' mombau palabuatan ma'idek! Kadaka' belemiu mongka'ima'i silaka?

DANIEL 9:13

Iwi-iwi' na balaa' anu tinulismo i uno nu atulan i Musa binee'mo mae nu belento hi kami. Panyo maumo ahi' sumo aijo' o, Tumpu mami daagi' ahi' saja' kami madi' mombau anu momposanang kinyonyoa nu Belento. Kami daagi' sabole-bole madi' mongka'oho' mompala'i iwi-iwi na dosa' mami ka' madi mule' mongka'oho' mompalahatikan to panga-pangajalan nu Belento.

HOSEA 14:2

Pinsusule'mo mae hi Tumpu na belemiu o bansa Israel! Dosa' nu belemiu nonsaduakonmo sahingga belemiu tinompaleda'mo ka' tinombahangkangmo.

YOËL 2:13

Obeak na kinyonyoa nu beleyum ka' misa' ahi' pakean nu beleyum.” Mambamo mae hi Tumpu nu belemiu. Ia talalo saban ka' mongkalibosi hondo, ma'ima' na kinyonyoa ka' talalo hondo manonong. Sanang hondo na mongampuni ka' madi' mongka'ima'i mompokona hukuman.

MATIUS 13:15

Kalana pikilan nu to mia-mian aiya tinatumpumo, bihing nu aha nabongonmo ka' mata nu aha pinipidi'akonmo. Aiya jinadi da mata nu aha boli montoa, bihing nu aha boli mohongo, pikilan nu aha boli mangalati' ka' boli po'ule' minsusule' mae hi beleng-Ku, lantas Aku mompa'alin aha.’ ”

MATIUS 18:3

Lantas i Yesus notatae, “Palesayamo! Ola ahi' de komiu mongabali' ka' timbali susumo to ana-anak, komiu timbali minsoop mian anu palesayamo hi Tumpu.

LUKAS 1:16

Manjoo' na mian nu Israel nu laya'je minsusule' hi Tumpu Allah, Tumpu nu aha.

LUKAS 22:57

Panyo i Petrus nojalo. Ia notatae, “Aku madi' hondo monsumbu' mian aijo'!”

SISIKON NU TO RASUL-RASUL 1:6

Salatan to rasul-rasul aijo' sinilimu'mo hingga-hinggat tiba i Yesus, aha nompokilawamo hi Ia, “Kita Tumpu, apaa uuka Kita Tumpu mongka'oho' po'ule' mompotinjo Kapalentahan nu bansa Israel?”

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

SISIKON NU TO RASUL-RASUL 11:21

Kuasa nu Tumpu, daagi' aitu hi aha, sahingga da'isan na mian timbali pinalesaya ka' mombee' butongnyo hi Tumpu.

SISIKON NU TO RASUL-RASUL 15:3

Jama'at i Antiokhia nolaya' aha tinoka i sambiha' nu kota, lapas aijo' aha namba notulu i Fenisia ka' i Samaria. I kiijo' mae aha nonsisikakon mosia na to mia-mian anu misa' Yahudi nombee'mo butongnyo hi Tumpu. Lele aijo' talalo nompolame' to mia-mian anu palesaya i kiijo'.

SISIKON NU TO RASUL-RASUL 17:26

Lengkat i samian na mian Ia nombau iwi-iwi' na bansa ka' nompokau aha monjoongi songko-songko na dunia. Iamo suele na anu montantukan salatanmo pe'e i moonanyo, hipian ka' iya mae na aha timbali tumuu'.

SISIKON NU TO RASUL-RASUL 2:38

Tinaaman i Petrus, “Balatobatmo, bolimo mombau dosa-dosa' miu. Ka' tionyo komiu toto samian opalamandikan nu sanggo i Yesus Kristus, da dosa-dosa'um o ampuni. Sahingga to Utu-utus montalimaje tambo nu Roh nu Tumpu lengkat hi Tumpu.

SISIKON NU TO RASUL-RASUL 28:27

Kalana pikilan nu bansa aiya pinonga'mo, bihing nu aha nabongonmo ka' mata nu aha pinipi di'akonmo. Aiya tinimbalimo da mata nu aha boli montoa, bihing nu aha boli mohongo, pikilan nu aha boli mangalati', ka' boli minsusule' mae hi beleng-Ku, lantas Aku mompa'alinje aha.’ ”

SISIKON NU TO RASUL-RASUL 3:20

Tumpu tokaje hi komiu da komiu mongoa'ije kasanangan kalana kapalesaya'an. Ka' Tumpu monsaije i Yesus hi komiu, kalana Ia tinantukanmo nu Tumpu timbali Tomundo anu Momposalamat hi komiu.

SISIKON NU TO RASUL-RASUL 3:21

Ia tionyo jojoong i suluga' sampe Tumpu mompotimbalimo iwi-iwi' bu'ou sumo anu tinaloakonmo nu Tumpu hi to nabi-nabi-Nyo, anu pinotokanyo hi komiu daagi' pe'e u'utu mae.

ROMA 11:25

To Utu-utus! Kupoita da komiu boli mongoa'i au' aitu nonsumbu'mo iwi-iwi'. Kalana daagi' ko sangahan anu nukahanda'i nu Tumpu Allah, panyo anu ma'isa nusumbu' nu mian. Ka' ku kahanda'i da osumbu' miu; aijo'mo: Sambagian mian nu Yahudi panggaga, panyo kalakuan nu aha aijo' ola toka sampe pa'sangkuka na konjoo'nyo nu to mia-mian misa' Yahudi anu toka hi Tumpu aijo' sukupmo.

2 TESALONIKA 1:10

iwi-iwi' aijo' timbalimo de sinaa katokaannyomo da Ia opopodaka'mo nu mian-Nyo anu palesayamo, ka' o'angga'imo nu iwi-iwi' mian anu pinale sayamo. Komiu suele pinonsoopmo i kiijo' hi mian anu palesayamo hi Tumpu aijo', kalana komiu pinalesayamo i lele anu pinotokamo mami hi komiu.

2 TESALONIKA 1:7

Ka' hi komiu anu uuka aiya nongoa'imo kasansala'an – sumo aitu mule' hi kami – Tumpu mombee'je kasanangan de Sinaanyomo nu Tumpu Yesus minsusule'mo mae lengkat i suluga' ka' mompotoamo butong-Nyo tiba to mala-malaikat-Nyo anu to babaani

2 TIMOTIUS 2:25

Ia madi' ko sega-sega na mongajan mian anu ka'oho' monggagakon; o'amalakon da Tumpu mombee'i kasampatan hi mian haha aijo' da balatobat mombabali'i dosa-dosa' nu aha, ka' monsumbu' pangajalan anu totu'u.

IBRANI 4:1

Yo, janji' nu Tumpu daagi' ahi' sabole-bole opake, ka' kita mohumpakje pingkainan anu jinanji'nyomo. Jadi, sabole-bole ahi' obala'ingati da boli ko samian anu itina' hi komiu na madi' mohumpak pingkainan anu jinanji'nyomo aijo'.

1 PETRUS 2:25

U'utu mae belemiu sumo domba anu tinalasmo, panyo uuka aiya belemiu sinule'akonmo mae da mombatuki Polaya' ka' anu Mompalakai santuu' miu.

2 PETRUS 3:8

Panyo to utu-utusku, sa'angu' na han aiya boli okolilimi nu belemiu: kalana hi Tumpu sansinaa madi' mosi sangalasan tiba samadala na taun – ohu-ohua' aijo' pokakana de hi Ia.

ANU PINOTO'I HI YOHANES 21:4

Ia na monsapuimo iwi-iwi' na lolu' i mata nu aha. Madi'mo daagi' ko anu silaka; kasusa'an, mohaangi, kabai kasakitan suele madi'mo daagi'. Hahan anu pininmo madi'mo daagi'.”