SISIKON NU TO RASUL-RASUL 3:14 - KITAB NU TUMPU ALLA LELE MA'IMAI'

¹⁴ Ia Susi' ka' ma'ima', panyo komiu mombahakon Ia ka' mompakisa da i Pilatus molapasakon samian na topo patei hi komiu.

SISIKON NU TO RASUL-RASUL 3:14 ပူးပေါင်းရင်းမြစ်များ

MAZMUR 16:10

Kalana Belento madi' mompojohok aku da silakamo; mian anu nukalibosi nu Belento madi' nupojohok nu Belento da silakamo.

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

MATIUS 27:20

Panyo Kapala nu to Ima-imam ka' to pola-polaya' nu Yahudi sabole-bole monsale'i mian da'isan da mompoita hi Pilatus, da i Barabas opobebas ka' i Yesus na o hukum mate.

MARKUS 1:24

“O Yesus, mian nu Nazaret, Beleyum mongka'oho' mombau apaa hi kami? Beleyum toka da monsilakai kami? Kusumbu' ihe na Beleyum: Beleyumo na posaihon anu Susi' lengkat mae hi Tumpu Allah!”

MARKUS 15:11

Panyo kapala nu to imam-imam nonsale'i mian da'isan da mompoita hi Pilatus monsabatakon i Barabas da aha sanang.

MARKUS 15:7

I uno nu talungku' daagi' ko anu tinalungku' kalana nangamu' nompatei tempo'nyo kinahengge'an, samian sanggonyo i Barabas.

LUKAS 1:35

Tinaaman nu malaikat aijo', “Roh nu Tumpu tokaje hi beleyum, ka' kuasa nu Tumpu monjagaije beleyum. Mokonyo sumo aitu, anak anu o hampe'akonto atina' osanggohi Susi', Anak nu Tumpu.

LUKAS 23:25

ka' nolapasakon mian anu pinoita nu aha, aijo'mo mian anu tinalungku' kalana nangamu' ka' nompatei. Lapas aijo' i Yesus binee'nyomo hi aha, da nubau nu aha yayamo pongka'oho' nu aha.

YOHANES 16:10

saba' Aku totu'u, kalana Aku mambamo hi Tuuma, ka' komiu madi'mo daagi' nontoa Aku mule';

YOHANES 18:40

Aha nontaami molo-moloboo', “Madi', boli na Ia, panyo i Barabas!” (I Barabas mian anu saja' batololang.)

SISIKON NU TO RASUL-RASUL 13:28

Maumo aha madi' nongkabot apa-apaa hi Ia anu tionyo o hukum nu hukuman mate, panyo pinoita nu aha hi Pilatus da Ia o pateimo.

SISIKON NU TO RASUL-RASUL 2:27

Kalana Beleyum madi' mompojohok butongku jojoong i uno nu dunia mian mate. Beleyum madi' mompojohok posaihon-Um anu mohongo-hongo aijo' magalis ka' mingkot.

SISIKON NU TO RASUL-RASUL 22:14

Lapas aitu ia notataemo hi belengku, ‘Tumpu mompolee'to nompile'imo beleyum, da beleyum monsumbu' pongka'oho'-Nyo, ka' montoa i Yesus Posaihon nu Tumpu ka' mohongo posi potatae i Yesus.

SISIKON NU TO RASUL-RASUL 4:27

Kalana memang i Herodes ka' i Pontius Pilatus nombaumo posa'angu'an nu tanga'an tiba to mia-mian anu madi' monsumbu' Tumpu ka' tiba to mia-mian nu Israel i kota aiya. Aha singkabot da mongewa i Yesus Posaihon-To anu Susi' aijo', anu i hangkatmo nu Kita timbali Tomundo anu Momposalamat.

SISIKON NU TO RASUL-RASUL 5:28

Ia notatae, “Tinewa'mo mami na komiu, da bolimo hondo-hondo mongajan mongkona Mian aijo'. Panyo uuka soba toa pa' apaa na anu binaumo nu belemiu! Komiu nompolelemo pangajalan miu aijo' i songko-songko na Yerusalem, ka' komiu ola mule' monsangka saba' kamimo na anu nonsaduakon kinapatean nu Mian aijo'.”

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

YAKOBUS 5:6

Komiu nohukummo ka' nompateimo to mia-mian anu madi' ko sala'nyo, ka' aha madi' nongewa komiu.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

1 YOHANES 2:1

To ana-anakku! Aku nontulis aiya toka hi komiu da komiu boli mombau dosa'. Panyo de ko anu mombau dosa', saba' hi kita daagi' ko samian na anu mombolosakon, aijo'mo i Yesus Kristus anu talalo adin hondo aijo'; Iaje na mompoitakon ka'ampunan dosa' hi Tuuma.

ANU PINOTO'I HI YOHANES 3:7

“Toka hi malaikat anu kiijo' hi jama'at nu Filadelfia, tulismo sumo uuka: Aiyamo na potuunon lengkat mae hi Ia anu susi', ka' anu tumuu' kopian. Gunsing i Daud Ia na montoongi; de Ia na montuhea'akon madi' ko samian pe'e na timbali montumban, ka' de Ia na montumban, madi' ko samian pe'e na timbali montuhea'akon.