SISIKON NU TO RASUL-RASUL 28:30 - KITAB NU TUMPU ALLA LELE MA'IMAI'

³⁰ Ohua' na taun na ki no pinnyo i Paulus jinojoong i Roma, i laigan anu pinosi sewanyo. Ia sanang na montalima iwi-iwi' na mian anu toka molenga ia.

SISIKON NU TO RASUL-RASUL 28:30 ပူးပေါင်းရင်းမြစ်များ

YEREMIA 37:21

Sahingga i Tomundo' Zedekia nompalentahkonmo da aku otalungku'mo i popasan nu nu laigan nu tomundo'. Jadi aku jinojoongmo ikiijo' mae, ka' sansina-sinaa obee'i roti anu o'alamae itampat pombauan roti sampe palasadia'an roti ikota' aijo' i ningkotmo iwi-iwi'.

YEREMIA 38:13

Lantas ihela'mo nu aha na aku da osabatakonmo lengkat i bubung aijo'. Lantas aku tinahanmo ipopasan nu laigan nu tomundo'.

YOHANES 1:39

“Imbo' posi toa,” tukoonyo i Yesus. Aha namba tiba Ia ka' nontoa iya na kajojoongan-Nyo. Tempo'nyo aijo' jam opatmo mamaalom. Sinaa aijo' aha jinojoongmo hingga-hinggat tiba Ia.

SISIKON NU TO RASUL-RASUL 19:21

Salatan haha aiya ilapasmo, i Paulus nompatantumo da mamba mokiijo' i Makedonia ka' i Akhaya, lantas lausmo mokiijo' i Yerusalem. “Ilapas nokiijo',” koonyo i Paulus, “aku mule' tionyo mamba mokiijo' i Roma.”

SISIKON NU TO RASUL-RASUL 24:27

Salatan ingohua'mo na taun, i Perkius Festus nombolosakonmo i Feliks salaku Gubernur. Ka' kalana i Feliks ka'oho' mongala kinyonyoa nu to mia-mian Yahudi, ia nompojohokmo i Paulus i uno nu talungku'.

SISIKON NU TO RASUL-RASUL 28:16

Tempo'nyo tinokamo i Roma, i Paulus pinobee'mo jojoong sausa'nyo ka' nujagai nu samian na suludadu.

SISIKON NU TO RASUL-RASUL 28:29

Salatan i Paulus notataemo sumo aitu, to mia-mian nu Yahudi aijo' nompala'imo tampat aijo' ka' pinainggagamo samian ka' samian.]

SISIKON NU TO RASUL-RASUL 28:31

Ka' baani hondo na ia mompoto'i hi aha mongkona mosia na Tumpu mompalentah sumo Tomundo', ka' mongkona i Tumpu Yesus Kristus. I Paulus nombau han aijo' binebas hondo madi' ko anu lewa' montewa'. 64

ROMA 15:32

Desumo aitu, maluannyo nukahanda'i nu Tumpu, aku toka hi beleyum tiba kinyonyoa sanang. Ka' aku mongoa'ije lame' tiba komiu itina'.

2 KORINTUS 11:23

To posa-posaihon i Kristus ugaat na aha? De ohongo aku sumo anu i ningkotmo na pikilan, panyo aku memang posaihon anu lebe ma'ima' molingkudui aha iwi-iwi'! Aku mokalaja lebe makeke, aku lebe saja' oposoop i uno nu talungku', aku lebe saja' hondo sinakisa, ka' toto minsan mompai patemo.

2 KORINTUS 6:5

kami sinakisa, tinalungku', ka' opatei; kami nokalajamo make-makeke, toto minsan madi' hoyot ka' toto minsan madi'mo ko anu okaan.

FILIPI 1:13

Ahennyo iwi-iwi' na anu monjagai laigan nu Tomundo tiba to mia-mian sangga'at i kota aiya nonsumbu'mo taalu' aku tinalungku' kalana aku mompojalan apaa na koonyo i Kristus.

2 TIMOTIUS 1:17

Salatan tinokamo i Roma, ia lau-laus binala usahamo nolio aku sampe ia siningkabot tiba aku.

2 TIMOTIUS 4:2

Tionyo ahi' beleyum saja' mompolele lele lengkat mae hi Tumpu Allah aijo', ka' sabole-bole opoita da mian mohongo pa' aha mongka'oho', kabai madi'. Tionyo ahi' beleyum bala usaha da mian palesaya totu-totu'u, mompoto'i kasala'an ka' mongkakeha'i aha. Pagala osabalakon na mongajan mian.