SISIKON NU TO RASUL-RASUL 28:23 - KITAB NU TUMPU ALLA LELE MA'IMAI'

²³ Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

SISIKON NU TO RASUL-RASUL 28:23 ပူးပေါင်းရင်းမြစ်များ

MARKUS 4:34

I Yesus saja' mompake kantuang de Ia mongajan mian haha aijo'. Panyo de ola posi Ia tiba anu saja' mombatuki Ia, nupotalang iwi-iwi' hi aha.

LUKAS 16:28

Daagi' olima' na utusku i kiijo' mae. Saiakon na i Lazarus mompokinde'i aha, da boli sampe aha mule' manabu' i tampat kasansala'an sumo aiya.’

LUKAS 24:44

Lapas aijo' Ia notataemo hi aha, “Aiyamo na hahan anu pinoto'ingkumo hi komiu tempo'nyo Aku daagi' nojajalan tiba komiu: tukoongku apa-apaa na anu tinulis mongkona Aku i uno nu Kitab-kitab i Musa, to Nabi-nabi, ka' Mazmur, tionyo timbali.”

YOHANES 4:34

Lantas i Yesus notatae, “Anu Ku kaan aijo'mo mombatuki pongka'oho'-Nyo anu nonsai mae Aku, ka' mompotimbali kalaja anu binee'-Nyo hi beleng-Ku.

SISIKON NU TO RASUL-RASUL 1:3

Ilapas Ia sinilaka kopinnyo patom pulu' na sinaa Ia toto minsan saja' manintoa nyata-nyata' hondo hi to rasul-rasul aijo' pomponyata'-Nyo saba' Ia totu-totu'u tinumuu'mo. Aha nontoamo Ia, ka' Ia notataemo hi aha mongkona mosia na Tumpu mompalentah sumo Tomundo.

SISIKON NU TO RASUL-RASUL 18:28

Kalana kapandean i Apolos motatae sahingga i hungku'annyo na to mia-mian Yahudi i uno nu painggagaan i ahop nu mian da'isan. Ka' ia nompobukuti' nu to ayat-ayat nu Kitab nu Tumpu Allah onyi'nyo i Yesusmo na Tomundo' anu Momposalamat anu jina-jinanji'mo.

SISIKON NU TO RASUL-RASUL 18:4

Panyo toka i sinaa nu Sabat i Paulus mamba basisik i laigan pogalejaan da to mia-mian nu Yahudi mau pe'e to mia-mian nu Yunani palesaya hi Yesus.

SISIKON NU TO RASUL-RASUL 19:8

I Paulus saja' notatae tinotolu' na bitu'on na kino pinnyo ka' baani na motatae hi to mia-mian i laigan pogalejaan ka' painggaga tiba aha mompohoson kapalesaya'an nu aha mongkona mosia na Tumpu mompalentah susumo Tomundo'.

SISIKON NU TO RASUL-RASUL 23:11

Dodododopnyo malom-malom i Tumpu Yesus tinuminjo'mo i sohipi' hi Paulus ka' notatae, “Pohoson na kinyonyoaum! Beleyum nombee'imo katalangan mongkona Aku kiijo' i Yerusalem. Beleyum suele tionyo po'ule' mombee'i katalangan aijo' i Roma.”

SISIKON NU TO RASUL-RASUL 24:14

Hondo-hondomo tionyo ku akui hi kita Tuan, saba' aku monsombah Tumpu mompolee' mami mombatuki pangajalan i Yesus anu nusangka nu aha sala'. Panyo daagi' ku palesaya na iwi-iwi' anu tinulis i uno nu Kitab i Musa ka' i Kitab nu to Nabi-nabi.

SISIKON NU TO RASUL-RASUL 26:6

Ka' uuka aku tuminjo i aiya da o ulus kalana aku palesaya hi janji' anu binau nu Tumpu hi mompolee' mami.

SISIKON NU TO RASUL-RASUL 28:31

Ka' baani hondo na ia mompoto'i hi aha mongkona mosia na Tumpu mompalentah sumo Tomundo', ka' mongkona i Tumpu Yesus Kristus. I Paulus nombau han aijo' binebas hondo madi' ko anu lewa' montewa'. 64

SISIKON NU TO RASUL-RASUL 8:35

Sahingga i Filipus mule' mulaimo notatae; ia nompake aya-ayat aijo' salaku pontampu'uni da moleleakonmo Lele Ma'ima' mongkona i Yesus hi anu ko pangkat matangkas aijo'.

FILEMON 1:2

ka' hi jama'at anu silimu' i laiganum; ka' suele hi utusto boune, i Apfia ka' sangalu sampo usahanto, i Arkhipus.

FILEMON 1:22

Ka' mule', tulungi posadiai salipi' na aku i laiganum, kalana kutaha'imani Tumpu montalimakonmo iwi-iwi' na do'a nu to Utu-utus ka' po'ule'mo momboa aku minsusule' hi belemiu.