SISIKON NU TO RASUL-RASUL 28:2 - KITAB NU TUMPU ALLA LELE MA'IMAI'

² Mian anu monjoongi togong aijo' lame' hondo hi kami. Aha nolabot kami iwi-iwi' ma'ima' hondo ka' nomposuuni apu bau kapalaluan kami, kalana ujan tinudunmo ka' tempo'mo nu bakin.

SISIKON NU TO RASUL-RASUL 28:2 ပူးပေါင်းရင်းမြစ်များ

EZRA 10:9

Salatan tinolunsinaamo kinakonamo i tanggan uampulu'mo, bitu'on ko osio'nyomo, iwi-iwi' na to momo'ane anu jojoong i da'erah Yehuda ka' Benyamin tinokamo i Yerusalem ka' sinihukmo i popasan nu Laigan nu Tumpu. Tempo'nyo aitu tinudunmo na ujan mabohos hondo. Iwi-iwi' na mian ilangkungkunanmo kalana mobakin hondo, panyo kalana penting hondo na aha sihuk aijo'.

IMAMAT 19:18

Boli mombalosi kasala'an nu mian ka' boli mongka'ideki mian sangga'at, panyo kanonongi na sangko mian susumo belemiu mongkanonongi posi butong nu belemiu! Akumo na Tumpu.

IMAMAT 19:34

Opalentah na aha susumo belemiu mompalentah to mia-mian anu bubuu' bansa nu belemiu ka' okanonongi na aha susumo belemiu mongkanonongi posi butong nu belemiu. Inau' saba' belemiu suele toho'mo jinojoong salaku mian anu lengkat mae i salipu'an tempo'nyo kiijo' mae i Mesir. Akumo na Tumpu Allah nu belemiu.

MATIUS 10:42

De ihe na mompo'inumi, mau mule' ola uee lop hi sala'samian to mia-mian anu madi' ko angga'nyo, kalana ia anu saja' mombatuki Aku, palesayamo ia tantu montalima tamboonyo!”

YOHANES 18:18

Tempo'nyo aitu tempo' nu bakin, sahingga to posa-posaihon ka' ponjaga-ponjaga nomposuunimo apu da mingoba ka' aha minjohu i kiijo'. I Petrus nokiijo' ka' tinuminjo, minjohu hingga-hinggat tiba aha.

SISIKON NU TO RASUL-RASUL 27:3

Dodododopnyo kami tinokamo i Sidon. I Paulus ingatun ma'i-ma'ima' hondo i Yulius. Ia pinoloas mamba singkabot to sanga-sangalunyo da aha timbali mombee'i ia apaa na anu nu palalui.

SISIKON NU TO RASUL-RASUL 28:3

I Paulus nolimu' kau', ka' nompodumak to kau-kau' aijo' i apu. Hau-haunyo ia mombau aijo', sa'angu' na ulo nosabat mae kalana napanasmo nu apu aijo', lantas nombahe' limanyo.

SISIKON NU TO RASUL-RASUL 28:4

Salatan mian anu monjoongi togong aijo' nontoa ulo kala-kalayo' i lima i Paulus, aha notatae samian ka' samian, “Mian aiya tantu saja' nompatei, kalana maumo ia madi' binahaya i ambai, Pilogot Boune anu Adin madi' mompobee' ia tumuu'.”

ROMA 1:14

Kalana aijo' aku ko kahanda' mamba i songko-songko na bansa; anu monsumbu'mo atulan tiba anu ma'isa monsumbu' atulan, anu nosikolahmo tiba anu ma'isa nosikolah.

ROMA 14:1

Mian anu madi' junjuhi' na palesayanyo itina' hi komiu to Utu-utus, otalima ma'i-ma'ima'. Boli painggaga tiba ia anu pa' mosia na pongka'oho'nyo.

ROMA 14:3

Mian anu mongkaan mau mule' apaa, boli mongalu mian anu mongkaan ola kaanon anu tinantukanmo; ka' mian anu mongkaan ola anu tinantukanmo, boli mule' mompisala'i mian anu mongkaan mau mule' apaa, kalana Tumpu nontalimamo ia.

ROMA 2:27

Ka' to mia-main anu madi' sinunat aijo' mompisala'imo kita Utus mian nu Yahudi, kalana kita Utus daagi' ko atulan nu agama Yahudi, ka kita Utus sinunatmo, panyo kita Utus molanggai atulan aijo'. Aha madi' sinunat, panyo ahamo na anu montanga'imo atulan nu agama Yahudi.

1 KORINTUS 14:11

Panyo de aku madi' mangalati' i basa' anu tinaloakon nu toto samian, saba' mian anu mompake basa' aijo' pokakanamo mian anu i salipu'an na basisik hi belengku; sumo aitu mule' aku toka hi ia.

2 KORINTUS 11:27

Aku mokalaja totu-totu'u nongusahakon mompai patemo: toto minsan madi' hoyot, madi' mongkaan, madi' monginum, saja' mongintim ohop, mabakin kalana madi' sukup na baju' ka' madi' ko tampat kajojoongan.

KOLOSE 3:11

Salaku kasawe'annyo, aijo'mo iwi-iwi' na anu sangalasan hi mian Yahudi ka' misa' Yahudi, mian basunat ka' mian anu madi' basunat, pinokakanamo mian anu i salipu'an ka' mian anu madi' monsumbu' adat, posaihon ka' mian bebas, kalana iwi-iwi' kiijo'mo hi Kristus, ka' Ia nosa'angu'mo tiba aha iwi-iwi'.

IBRANI 13:2

Boli bata-bata na montalima i laigan miu to mia-mian anu ma'isa osumbu' miu. Kalana de mombaumo anu sumo aijo' daagi' kino mian madi' sinumbu-sumbu'nyo, padahan ia nontalimamo malaikat i laigannyo.