SISIKON NU TO RASUL-RASUL 27:42 - KITAB NU TUMPU ALLA LELE MA'IMAI'

⁴² To Sulu-suludadu i kapan ko kahanda'mo mompatei iwi-iwi' na mian anu tinalungku' kalana aha mabuhuk boli-boli daagi' ko anu lumangu i katano'an ka' malai.

SISIKON NU TO RASUL-RASUL 27:42 ပူးပေါင်းရင်းမြစ်များ

MAZMUR 74:20

Boli okolilimi na palajanjian nu Belento hi kami kalana mian anu taha-tahahumo na singgi mombau apa-apaa, iyaya mae na tampat anu madi' osumbu' i lipu' aiya.

AMSAL 12:10

Mian anu manonong mongkalesang potuu'onnyo; panyo mian anu ma'idek na kinyonyoanyo na ola ahi'monsakisa.

ANU MOMPOLELE POTATAE NU TUMPU 9:3

Jadi nasib anu pokakana suele mongkona ahi' aha iwi-iwi'. Ka' aijo' sa'angu' na han anu momposusa' kinyonyoa susumo suele iwi-iwi' na anu jinadimo i dunia. Tempo'nyo ia daagi tutuu' kinyonyoanyo nu pobuke'i nu pikilan anu ma'idek ka' mule' nu pobuke'i nu kaponga'an. Lantas monti-montik nu kabotmo na ukunnyo.

SISIKON NU TO RASUL-RASUL 12:19

Lantas i Herodes nonsai mian molio i Petrus, panyo aha madi' nompahakabot ia. Jadi i Herodes nompalentahkonmo da aha anu nonjagai aijo' lewa' o pokilawa ka' o pateimo. Lapas aitu i Herodes namba lengkat i Yudea ka' jinojoong tino pia-pia manga i Kaisarea.

SISIKON NU TO RASUL-RASUL 27:24

Malaikat aijo' notatae, ‘Boli mabuhuk, Paulus! Kalana beleyum mangadapmo hi Tomundo'. Ka' kalana kanonongan nu Tumpu Allah hi beleyum, iwi-iwi' na mian anu tinalabut tiba beleyum salamat, kalana beleyum.’

SISIKON NU TO RASUL-RASUL 27:41

Panyo kapan aijo' tinudunmo i ampasannyo nu bone'. I sasu ahopnyo tinosasamo ka' madi'mo tinolohenggo, ka i sasu mboyoknyo na'idekmo tinintip nu bokon anu talalo hondo daka'.

2 KORINTUS 11:26

Toto minsan ilumambananku mompai silakamo: iyaba' mompai silakaimo, tololang mompai silakaimo, mian nu Yahudi kabai misa' mian nu Yahudi mompai silakaimo, mian i uno nu kota mompai silakaimo, ka' mule' mian anu i sambiha'nyo nu kota mompai silakaimo, ambai mompai silakaimo, ka' suele anu mompai silakai aijo'mo to mia-mian anu mangaku butongnyo salaku moto utus kalana bubuu' Kristen padahan misa'.