SISIKON NU TO RASUL-RASUL 27:4 - KITAB NU TUMPU ALLA LELE MA'IMAI'

⁴ Lengkat i kiijo' kami po'ule'mo tinalabut. Kalana kapan mongahopi mombun, kami tinalabutmo lau-laus montusakon biwi nu bone' togong nu Siprus anu madi' talalo nukona nu mombun.

SISIKON NU TO RASUL-RASUL 27:4 ပူးပေါင်းရင်းမြစ်များ

MATIUS 14:24

Hau-haunyo aijo' duangan anu sinake'an nu anu saja' mombatuki Yesus najo'onmo i totonga' nu dowiwi. Duangan aijo' ningkele-kelenjuangmo sinantip nu bokon, kalana baleba' nu ahopi nu duangan.

MARKUS 6:48

Ia nontoa aha susa' hondo na mombose duangan aijo' kalana baleba' lengkat i ahop nu duangan. Kalana aijo' kila-kila i olot nu jam totolu' ka' jam anom subu-subu, Ia tinoka hi aha ilumajang i bawo nu uee. Ka' Ia ilumajang lau-laus susumo anu moliu-liumo aha.

LUKAS 8:22

Daagi' ko sansinaan i Yesus tiba anu saja' mombatuki Ia sinumake' i duangan. “Imbo' da kita mamba i santoa nu dowiwi,” koonyo i Yesus hi aha. Lantas aha nambamo.

SISIKON NU TO RASUL-RASUL 13:4

Kalana sinai nu Roh nu Tumpu, i Barnabas ka' i Saulus namba nokiijo' i Seleukia. Lengkat kiijo' mae aha tinalabutmo nokiijo' i togong Siprus.

SISIKON NU TO RASUL-RASUL 15:39

Sahingga i Paulus ka' i Barnabas pinainggaga tala-talalomo hondo, sahingga i mihinyo aha noga'a-ga'atmo: I Barnabas nongala i Markus ka' tinalabut tiba ia nokiijo' i Siprus.

SISIKON NU TO RASUL-RASUL 21:16

To pia-piangkuka na aha utus lengkat i Kaisarea namba suele nohingga-hinggat tiba kami da molaya' kami mokiijo' i laigan hi Manason, kalana i laigannyo na kasonso'an mami. (I Manason atina'mo na mian nu Siprus anu pininmo na tinimbali anu saja' mombatuki Yesus.)

SISIKON NU TO RASUL-RASUL 21:3

ka' tinalabutmo sampe kami nontoa togong Siprus i sasu kowi mami; panyo kami tinalabutmo lau-laus nompatui Siria. Kami i lumajang tano' nokiijo' i Tirus, kalana i kiijo' kapan anu kinasake'an mami mae aijo' daagi' molobosakon anu sinake'nyo mae.

SISIKON NU TO RASUL-RASUL 27:7

Tino pia-pian sinaa na ko pinnyo kami tinalabut nandeng hondo, ka' sinusa' hondo, ahennyo madi' pinoko toka mami na kota Knidus, kalana daagi' majo'on. Lapas aijo' kalana mombun daagi' ahi' ma'idek, kami madi'mo noko ala tinalabut lau-laus nokiijo' i anu ingahopan momona. Sahingga kami tinalabutmo i sasu Salatan togong Kreta notulu i Tadunyo nu Salmone da kiijo' mae kami madi'mo nutului nu mombun.

SISIKON NU TO RASUL-RASUL 4:36

Sumo aitumo mule' na i Yusuf. Ia suele nompobaluk tano'nyo, lantas doi oli nu anu pinobaluknyo aijo' binoanyo ka' binee'nyo hi to rasul-rasul. I Yusuf aiya samian na lee' mae nu bansa Lewi lengkat mae i Siprus; to rasul-rasul suele monsanggohi ia i Barnabas (alati'nyo Pontundu).