SISIKON NU TO RASUL-RASUL 27:34 - KITAB NU TUMPU ALLA LELE MA'IMAI'

³⁴ Ku poita da mongkaan ise-ise'. Aijo' timbali da bau ka'ima'an miu, da komiu po'ule' mahoson. Kalana kita Utus iwi-iwi' daagi' sinalamat ka' madi' ko anu naga'a apa-apaa.”

SISIKON NU TO RASUL-RASUL 27:34 ပူးပေါင်းရင်းမြစ်များ

1 TOMU-TOMUNDO' 1:52

Tinaaman i Salomo, “De ia mombau mee anu ma'ima' ia madi' ku hukum mau pe'e ola babanggan; panyo' de ia mombau mae anu ma'idek, ia tionyo' ahi' ku patei.”

MATIUS 10:30

Konjoo' nu hambahan nu ubak i ubakum pe'e binilangmo iwi-iwi'.

MATIUS 15:32

Lapas aijo' i Yesus nolaga anu saja' mombatuki Ia ka' notatae, “Aku molibos hi mian da'isan aijo'. Tolunsinaamo na kopinnyo aha nohingga-hinggat tiba aku, ka' uuka aha madi'mo ko kaanon. Aku madi' mongka'oho' mompojohok aha minsusule' mo'ohop dumo tolubuk i jalan.”

LUKAS 12:7

Hambahan pe'e nu ubak i ubakum binilangmo iwi-iwi', kalana aijo' boli mabuhuk: Komiu lebe ko olinyo molingkudui to tomo-tomonsi' peheet!”

LUKAS 21:18

Panyo sahamba pe'e na ubakum madi' moko ala tombubut.

SISIKON NU TO RASUL-RASUL 27:33

Tempo'nyo ma'isa pe'e binete' na sinaa, i Paulus nompoto'imo da aha iwi-iwi' mongkaanmo. I Paulus notatae, “Sampulu'mo ka' opat na sinaa na kopinnyo kita Utus iwi-iwi' ola saja' jinojoong i uno nu buhuk, ka' madi' nongkaan apa-apaa.

FILIPI 2:5

Tionyo ahi' komiu mingkinyonyoa sumo i Yesus Kristus:

1 TIMOTIUS 5:23

Boli ola monginum uee, o'inum sangkiding na anggur suele da bau pontulungi mompohansun kaanon i kompong miu kalana beleyum toto minsan masakit.

1 SAMUEL 14:45

Panyo mian da'isan notataemo hi Saul, “Te toho' mule' i Yonatan na mohumpak hukuman osilakai? Yo aitu iamo na nomboa mae ka'untungan nahampate anu daka' aiya? Madi'! Kami bajanji' tiba sanggo nu Tumpu anu tumuu', saba i Yonatan madi' timbali mohudu' na ubaknyo mau pe'e ola sahamba. Kalana ola samata-mata ola Tumpu na nontulungi sahingga ia nohumpakmo ka'untungan na nahampate sinaa aiya.” Sumo aijo' na i Yonatan pinotumuu' nu aha mian da'isan da boli nohumpak hukuman o silakai.